З 4 па 9 верасня 2012 г. у Рыме праходзіць 23-ці Міжнародны марыялагічны і марыйны Кангрэс.
Ад імя Святога Айца Венядыкта XVI Кангрэс узначальвае кардынал Анджэла Амата, прэфект Кангрэгацыі па справах святых.
У форуме, арганізаваным Папскай Міжнароднай Марыйнай акадэміяй, прымаюць удзел навукоўцы з усіх пяці кантынентаў. З Беларусі ў Кангрэсе ўдзельнічае Архімандрыт Сяргей Гаек, сябра-карэспандэнт Папскай Міжнароднай Марыйнай акадэміі.

a. Ян МайсейчыкПрэс-служба Апостальскага Візітатара для грэка-католікаў Беларусі перадае наступны камунікат:

Некаторыя СМІ ў Беларусі, спасылаючыся на афіцыйныя крыніцы Беларускай Праваслаўнай Царквы (http://www.church.by/resource/Dir0301/Dir0...2/Page4633.html), перадалі інфармацыю, што Высокапраасвяшчэнны Архібіскуп Навагрудскі і Лідскі Уладыка Гурый дня 3.09.2012 папрасіў Сінод БПЦ прымяніць царкоўныя кары ў адносінах да грэка-каталіцкага святара Яна Майсейчыка, актуальнага душпастыра беларускіх грэка-католікаў у г. Антвэрпане (Бельгія).

На самой справе былы клірык Навагрудска-Лідскай Епархіі БПЦ а. Ян Майсейчык быў выведзены за штат Высокапраасвяшчэнным Архібіскупам Гурыем 6 ліпеня 2001 г., a праз пару тыдняў ён выехаў у Бельгію. Там ён звярнуўся да праваслаўнага архібіскупа Брусельскага Сімана (РПЦ) з просьбай прыняць яго пад свой амафор і 14 лютага 2002 году атрымаў указ з прызначэньнем служыць у парафіі Раства Хрыстовага ў Антвэрпане.

Выходныя з Богам у Полацку

У апошні уік-енд жніўня (24-26.08.2012) грэка-каталіцкая парафія св. Язафата ў Полацку гасціла ў сябе групу дзяцей з розных куткоў Беларусі, якія сабраліся, каб разам правесці так званыя “Выходныя з Богам”, якія сёлета мелі назву “Быць хрысціянінам – быць святым”.

21 жніўня Мітрапаліт Мінскі і Слуцкі Філарэт сустрэўся з арцыбіскупам Вашынгтона на пенсіі кардыналам Тэадорам Маккарыкам, які цяпер прабывае ў нашай краіне, і Апостальскім нунцыем у Беларусі арцыбіскупам Клаўдыё Гуджэроцці.

Іерархі наведалі царкву Мінскага епархіяльнага ўпраўлення ў гонар сабора беларускіх святых, пасля чаго для іх была арганізавана экскурсія па будынку адміністрацыйнага цэнтра Беларускага Экзархату.

Затым, як паведамляе афіцыйны сайт БПЦ, адбылася гутарка Мітрапаліта Філарэта з каталіцкімі іерархамі. Падчас яе бакі казалі пра актывізацыю сумеснага сведчання пра Хрыста ў сучасным свеце.

Кардынал Тэадор Маккарык прыбыў у Беларусь на ўрачыстасці Маці Божай Валадаркі Азёраў у Браславе. У межах візіту іерарх цэлебраваў літургію ў касцёле Іказні (з нагоды 100-й гадавіны святыні) і прамовіў да вернікаў мінскай архікатэдры.

Паводле Catholic.by

Слова "Успенне" азначае сон і разам з тым мірны, падобны сну, спачын.

Для хрысціяніна смерць – не азначае знішчэнне чалавечай істоты, а пераход да вечнага жыцця з Богам.
Божая Маці, як ніхто з людзей і анёлаў, дасягнула здзейсненага яднання з Богам і апраўдала мэту, дзеля якой быў створаны гэты свет і чалавек – абагаўленьне тварэння.

У Сваім Успенні Багародзіца перайшла ад свету, які яшчэ ўдасканальваецца, да шчаслівай вечнасці. Яна стала па той бок смерці, ўваскрасення і Страшнага Суду.

Нацыянальны Кангрэс Новай Евангелізацыі прайшоў у днях 28 – 31 ліпеня 2012 г. у мястэчку Костшынь, што на мяжы Польшчы і Нямеччыны. Ягонай тэмай было “Новыя евангелізатары для Новай Евангелізацыі”.

Кангрэс быў арганізаваны Канферэнцыяй Каталіцкіх Біскупаў Польшчы, пры падтрымцы Папскай Рады па справах Новай Евангелізацыі, старшыня якой – Архібіскуп Рына Фізікела ўзначаліў св. Імшу на адкрыццё Кангрэса ды прачытаў уводны даклад.

Грэка-каталіцкая парафія святамучаніка Язафата ў Полацку ў днях з 16 па 22 ліпеня гасціла летнік для людзей з абмежаваннямі псіха-фізічнага развіцця і валанцёраў. Арганізаваны ён быў Хрысціянскім валанцёрскім рухам св. Мікалая.

Назва летніка была незвычайнай і нават інтрыгуючай: “Касмічны злёт недаследаваных вандруючых планет 2” 012’ ”. А галоўнай мэтай летніка было навучыцца бачыць і пазнаваць іншага чалавека такім, якім ён ёсць, яго ўнутраны свет, думкі і прагненні.

Некалькі рэфлексіяў удзельнікаў

15 ліпеня 2012 году завяршылася XVIII грэка-каталіцкая пілігрымка Віцебск-Полацак.
Азіраючыся назад, хочацца зрабіць кароткі агляд таго вопыту, які быў дадзены перажыць удзельнікам у гэтым годзе.

Завяршылася XVIII грэка-каталіцкая пілігрымка Віцебск – Полацк.

У нядзелю, 15 ліпеня 2012 г. у Полацку, Боскай Літургіяй, што была адслужаная на падворку грэка-каталіцкага храма св. Параскевы Полацкай, завяршылася XVIII-я пілігрымка Віцебск-Полацк.
Саборную Боскую Літургію ўзначаліў Апостальскі Візітатар БГКЦ Архімандрыт Сяргей (Гаек). Ён перадаў усім удзельнікам свята пастырскае Блаславенне Апостальскага Нунцыя ў Беларусі Архібіскупа Клаўдыё (Гуджэроцці).

Гэта быў дзень асаблівай малітвы грэка-католікаў за горад Полацк, які ў гэтым годзе святкуе свой юбілей 1150-годдзя, і за ўсю Беларусь.

Чацвёрты дзень XVIII грэка-каталіцкай пілігрымкі

У суботу, 14 ліпеня, пілігрымы выходзяць з Гаранаў у Полацк. На іх шляху – Струнне.
Там яны затрымліваюцца на малітву каля крыжа, што стаіць на месцы разбуранай рэзідэнцыі ўніяцкіх мітрапалітаў.
Шлях пілігрымкі заканчваецца ў Полацку, малітвай у грэка-каталіцкай царкве св. Параскевы Полацкай.

У нядзелю, 15 ліпеня, у той жа царкве св. Параскевы Полацкай, у 10:30 Архімандрыт Сяргей узначаліць святочную Боскую Літургію. Гэта будзе асаблівы дзень малітвы за горад Полацк, які ў гэтым годзе святкуе свой юбілей.