Грэка-католікі Беларусі пачалі юбілейную душпастырскую праграму

 

16-18 кастрычніка (6-8 кастрычніка паводле юліянскага каляндара ў той час) 1596 г. у Берасці прайшоў царкоўны сабор Рускай Царквы (Кіеўскай мітраполіі), на якім было абвяшчанае З’яднанне (лац. Unio) з Рымскім Апостальскім пасадам.

У нядзелю, 18 кастрычніка 2020 г. Апостальскі візітатар для грэка-католікаў Беларусі архімандрыт Сяргей (Гаек), на Боскай Літургіі ў Берасці, ініцыяваў юбілейную Душпастырскую праграму, якая будзе праходзіць на працягу ўсяго года – да 18 кастрычніка 2021 г.

На працягу Юбілейнага года Беларуская Грэка-каталіцкая Царква хоча даць вернікам хрысціянскіх канфесіі і людзям добрай волі магчымасць аб’ектыўна, шматбакова абмяркаваць і асэнсаваць фенамен і спадчыну Берасцейскай ўніі ў гісторыі Беларусі.

Сярод прыярытэтаў малітвы – вяртанне Мітрапаліта Тадэвуша ў Беларусь.

 

16 кастрычніка 2020 г., споўнілася 42 гады ад выбару на Рымскую катэдру св. Пятра кардынала Караля Вайтылы (архібіскупа Кракава), які прыняў імя: Ян Павал ІІ.

Успамін выбару “Славянскага Папы” мае асаблівага значэнне ў кантэксце 100-годдзя ягонага нараджэння.

 

Літургічны ўспамін св. Яна Паўла ІІ прыпадае на 22 кастрычніка; у грэка-каталіцкіх парафіях і супольнасцях - па практычным прычынам - працягнецца да нядзелі 25 кастрычніка 2020 г.

Сёння - 16 кастрычніка 2020, спаўняецца 42 гады ад выбару кардынала Караля Вайтылы (архібіскупа Кракава) на Рымскую катэдру св. Пятра. Новаабраны Папа Рымскі прыняў імя: Ян Павал ІІ.

У Беларускай Грэка-каталіцкай Царкве пачынаецца Дэкада (16-25.10.2020) ушанавання памяці св. Яна Паўла ІІ - у 100-годдзе яго нараджэння.

Кардынал Канрад Краеўскі асвяціў ікону св. Яна Паўла ІІ.

Духовая праграма XXVI грэка-каталіцкай пілігрымкі Віцебск – Полацк 2020, што праходзіла ў днях 8-12 ліпеня 2020 пад дэвізам “Святло Усходу”, была нагодай ушанаваць 100-годдзе нараджэння Папы-Славяніна Яна Паўла ІІ.
Працяг гэтай праграмы “Святло Усходу” абняў хрысціянаў у розных гарадах Еўропы (у Бары 19 ліпеня, у Варшаве 26 ліпеня, у Рыме 30 ліпеня 2020.
Гэта былі дні асаблівай малітвы за Беларусь.

У 100-годдзе нараджэння св. Яна Паўла ІІ беларускія грэка-католікі з асаблівай увагай асэнсоўваюць спадчыну святых Кірыла і Мятода, на якую 35 год таму звярнуў увагу Царквы і Еўропы Папа-Славянін.

У грэка-каталіцкіх парафіях Беларусі духовая спадчына Апосталаў Славянаў – святых Роўнаапостальных Кірыла і Мятода з’яўляецца каштоўнай крыніцай натхнення ў розных душпастырскіх праграмах. Асабліва важная тэма – гэта “Евангелле і культура”.

«У імя дыялогу і годнасці чалавека» — так называецца вельмі асабісты ўспамін Экуменічнага Патрыярха Барталамея І пра святога Яна Паўла ІІ, які з’явіўся з нагоды 100-годдзя з дня нараджэння Вялікага Папы ў ватыканскім штодзённіку L’Osservatore Romano.

Ян Павел ІІ вельмі выразна рэалізаваў сваё перакананне ў тым, што місія Касцёла заключаецца ў «вызваленні чалавецтва ад усіх формаў уціску», піша Патрыярх Барталамей І. Ён таксама прыгадаў, што Папа-славянін адыграў вырашальную ролю ў разбурэнні муроў, якія шмат гадоў трымалі Усходнюю Еўропу ў няволі.

 

Асаблівым чынам Канстанцінопальскі Патрыярх падкрэсліў экуменічныя ініцыятывы Яна Паўла ІІ і яго братнія адносіны да Праваслаўнай Царквы.

 

Руплівасць Папы Вайтылы ў развіцці каталіцка-праваслаўнага дыялогу Барталамей І паказаў у трох значных момантах.

18 мая, у 100-ю гадавіну з дня нараджэння святога Яна Паўла ІІ, Мітрапаліт Мінска-Магілёўскі арцыбіскуп Тадэвуш Кандрусевіч узначаліў цэлебрацыю ўрачыстай святой Імшы ў касцёле святога Сымона і святой Алены ў Мінску.

На галоўным алтары гэтай сталічнай святыні з пашанаю захоўваецца рэлікварый, у якім змешчана часцінка крыві Вялікага Папы.

 

У цэлебрацыі ўзялі ўдзел Апостальскі візітатар для беларускіх грэка-католікаў архімандрыт Сяргей Гаек, пробашч парафіі святога Сымона і святой Алены ксёндз канонік Уладзіслаў Завальнюк і іншыя святары. Да прысутных у касцёле некалькіх дзясяткаў вернікаў дзякуючы анлайн-трансляцыі духоўна далучыліся некалькі соцень «віртуальных» удзельнікаў з розных куткоў Беларусі і з-за мяжы.

18 мая, у 100-ю гадавіну з дня нараджэння святога Яна Паўла ІІ, каталіцкія біскупы Беларусі правялі анлайн відэаканферэнцыю, каб узгадаць вялікага Папу і разам памаліцца праз яго заступніцтва.

Анлайн-сустрэча іерархаў прайшла па ініцыятыве ксяндза каноніка Юрыя Санько, адказнага за падрыхтоўку агульнабеларускай пілігрымкі па слядах святога Яна Паўла ІІ, якая не змагла адбыцца з-за пандэміі каранавірусу.

18 мая адзначаецца 100-годдзе з дня нараджэння Яна Паўла ІІ, які ў сваім служэнні Касцёлу на першае месца ставіў чалавека, дабіваючыся для яго павагі і свабоды. Ён імкнуўся да міру паміж людзьмі, змагаючыся за праўду. 

Дзякуючы гасціннасці Нацыянальнага акадэмічнага тэатра імя Янкі Купалы запрашаем вас паслухаць словы Яна Паўла ІІ з яго надзвычай багатай спадчыны, якая з’яўляецца сведчаннем абранага ім жыццёвага шляху, імкнення да этычнай перамены чалавека і патрэбы ў пошуку страчанага адзінства хрысціянаў Усходу і Захаду. 

У 100-годдзе нараджэння св. Яна Паўла ІІ, 18 мая 2020 г., Францішак узначаліў св. Імшу ля магілы Папы, у капліцы св. Себасцьяна ватыканскай базылікі св. Пятра.

 

Літургія трансліравалася ў прамым эфіры ватыканскімі СМІ. Са Святым Айцом Эўхарыстыю канцэлебравалі: кардынал Анджэла Камастры, Папскі вікарый для Дзяржавы Ватыкан і архіпрэзбітэр базылікі св. Пятра, кардынал Конрад Краеўскі, Апосталькі элемазінарый, арцыбіскуп Пьера Марыні, кіраўнік Папскай службы літургічных цэлебрацый падчас пантыфікату Яна Паўла ІІ, арцыбіскуп Ян Рамэа Паўлоўскі, кіраўнік Трэцяй секцыі Дзяржаўнага сакратарыята.

 

У гаміліі Пантыфік спаслаўся на словы рэспансарыйнага псальма: “Пан любіць свой народ”. Ён заўважыў, што, калі Пан з любові скіроўваў да ізраільцян прарока, яны казалі: “Пан адведаў свой народ”. Тое ж казалі і людзі, якія ішлі за Езусам, калі бачылі Яго цуды.