“Супольна сведчыць пра Ісуса Хрыста”

Пошук

Нядзельнае казаньне

Хрыстос

Cлова на Успамін усіх памерлых вернікаў

Паводле гістарычных звестак вядома, што ўжо ў ІІ стагоддзі першыя хрысціяне ахвяроўвалі святую Эўхарыстыю за памерлых падчас іх пахавання, а таксама ў гадавіну іх смерці. Традыцыя ж малітваў за памерлых у канкрэтны дзень узнікла ў Х стагоддзі па ініцыятыве святога Адылона, бэнэдыктынскага абата з Клуні ў Францыі. Ён устанавіў 2 лістапада днём малітваў за душы ўсіх памерлых вернікаў, і неўзабаве гэтая традыцыя распаўсюдзілася ў Еўропе і на нашых тэрыторыях.

Каляндар

субота

ЛІСТАПАДА

Сабор арханёла Міхаіла і ўсіх бесьцялесных сілаў нябесных

Сёньняшняе чытаньне:

2 Кар 5.1-10; Лк 7.2-10

Саб.: Габ 2.2-10; Лк 10.16-21

Малітва

Малітва аб атрыманьні ласкаў Божых праз заступніцтва Сьв. Папы Яна Паўла IІ

Візіт

Візіт Яго Эмінэнцыі ў грэка-каталіцкі Цэнтр імя сьвятога Язэпа

Сябры

Завяршылася XVIII грэка-каталіцкая пілігрымка Віцебск – Полацк.

У нядзелю, 15 ліпеня 2012 г. у Полацку, Боскай Літургіяй, што была адслужаная на падворку грэка-каталіцкага храма св. Параскевы Полацкай, завяршылася XVIII-я пілігрымка Віцебск-Полацк.
Саборную Боскую Літургію ўзначаліў Апостальскі Візітатар БГКЦ Архімандрыт Сяргей (Гаек). Ён перадаў усім удзельнікам свята пастырскае Блаславенне Апостальскага Нунцыя ў Беларусі Архібіскупа Клаўдыё (Гуджэроцці).

Гэта быў дзень асаблівай малітвы грэка-католікаў за горад Полацк, які ў гэтым годзе святкуе свой юбілей 1150-годдзя, і за ўсю Беларусь.

Акрамя пілігрымаў, якія мужна прайшлі шлях Віцебск – Шуміліна – Гараны – Обаль – Струнне – Полацк, у Літургіі ўдзельнічалі вернікі, якія на супольную малітву прыехалі з розных грэка-каталіцкіх парафіяў Беларусі, а таксама шматлікія госці.

Тэма духовых разважанняў гэтага дня гучала: “Сведчыць пра Ісуса Хрыста”.

“Як вядома, усе хрысціяне пакліканыя сведчыць пра Ісуса Хрыста. Зразумела, што сведчыць пра Ісуса Хрыста пакліканыя ўсе хрысціяне Беларусі. Больш таго, мы - хрысціяне Беларусі, пакліканыя сведчыць пра Ісуса Хрыста супольна.
Таму вельмі каштоўным з’яўляецца вопыт таго, што ў дні пілігрымкі, а тасама і сёння, у дзень яе завяршэння, мы можам сустракацца разам, у братэрскай любові, хрысціяне розных канфесіяў: грэка-католікі і рыма-католікі, праваслаўныя і стараабрадцы, а таксама вернікі пратэстанцкіх супольнасцяў, і можам маліцца за горад Полацк і за ўсю Беларусь.
У гэтыя дні мы маліліся і надалей хочам маліцца аб умацаванні нашай любові да Бога і да нашай супольнай Бацькаўшчыны, да яе хрысціянскай, шматканфесійнай традыцыі і культуры, а асабліва да роднай беларускай мовы.
Мы ўпэўненыя, што ў гэтай малітве суправаджаюць нас усе святыя мучанікі, пакутнікі і сведкі Беларускай Зямлі”

, – адзначыў у казанні Архімандрыт Сяргей.

Святкаванне закончылася братэрскай трапезай (агапай) для ўсіх удзельнікаў, якую падрыхтавала Полацкая грэка-каталіцкая парафія.

16.07.2012

Вэрсія для друку