Духоўны тэстамент Папы Францішка змяшчае ўказанні адносна яго пахавання ў Базыліцы Санта-Марыя-Маджорэ. Ён быў складзены 29 чэрвеня 2022 года ў Доме святой Марты.

Увечары 21 красавіка Зала Друку Святога Пасада апублікавала духоўны тэстамент Папы Францішка, у якім ён просіць Пана дараваць заслужаную ўзнагароду ўсім тым, хто любіў яго і працягвае маліцца аб ім, а таксама выказвае волю адносна месца свайго пахавання.

21 красавіка 2025 года ў 7.35 раніцы Папа Францішак адышоў у вечнасць. Пра яго смерць паведаміў кардынал Кэвін Фарэл, які падкрэсліў, што ўсё жыццё Святога Айца было прысвечана служэнню Богу, Касцёлу і асабліва найбяднейшым.

"Дарагія браты і сёстры, з глыбокім болем мушу абвясціць пра смерць нашага Святога Айца Францішка. У 7.35 гэтай раніцы Біскуп Рыма, Францішак, вярнуўся ў дом Айца. Яго жыццё цалкам было прысвечана служэнню Пану і Яго Касцёлу", - адзначыў кардынал Фарэл у сваім звароце.

Велікодныя Службы ў грэка-каталіцкіх парафіях г. Мінска

Парафія Праведнага Язэпа і Парафія св. Мікалая

(вул. Арджанікідзе, д. 6)

19 красавіка 2025 - ПАСХАЛЬНАЯ НОЧ (ВЯЛІКАЯ СУБОТА) 

гадз. 21:00 – Пасхальная Працэсія і Ютрань

і Боская Літургія Уваскрасення Гасподняга

Блаславенне велікодных страваў

20 красавіка 2025 +++ НЯДЗЕЛЯ УВАСКРАСЕННЯ ГАСПОДНЯГА +++

гадз. 12:00 - Боская Літургія Уваскрасення Гасподняга

Блаславенне велікодных страваў

21 красавіка 2025 - СВЕТЛЫ ПАНЯДЗЕЛАК 

гадз. 18:30 - Святочная Боская Літургія

Парафія Маці Божай Нястомнай Дапамогі і Парафія Святога Духа

(зав. Снежны, д. 7)

19 красавіка 2025 - Вялікая Субота

гадз. 10:00 - Вячэрня з Літургіяй Васіля Вялікага

Блаславенне велікодных страваў

19 красавіка 2025 - ПАСХАЛЬНАЯ НОЧ (ВЯЛІКАЯ СУБОТА) 

гадз. 20:00 – Пасхальная Працэсія, Светлая Ютрань

і Боская Літургія Уваскрасення Гасподняга

Блаславенне велікодных страваў

20 красавіка 2025 +++ НЯДЗЕЛЯ УВАСКРАСЕННЯ ГАСПОДНЯГА +++

гадз. 10:00 - Боская Літургія Уваскрасення Гасподняга

Блаславенне велікодных страваў

Вялікая Пятніца мае характар, адменны ад усіх іншых дзён. Царква быццам стаіць у маўчанні і са страхам глядзіць, як Бог памірае за людзей. Літургіі – нават Літургіі Раней Асвячаных Дароў – няма, бо ў гэты дзень Хрыстос прыносіцца не пад выглядам хлеба і віна, але ва ўласнай асобе. 

Дзень пачынаецца службаю "Пакутаў Госпада Бога і Збаўцы Нашага Ісуса Хрыста" або ютранню з дванаццаццю евангельскімі чытаннямі пра пакуты і смерць Хрыста. Чытанні чаргуюцца з асобымі антыфанамі і іншымі спевамі, у якіх перагукваюцца пачуцці ўсхвалення Госпада, пакланення, жалю, і жаху перад учынкам богазабойцаў. Такім чынам Царква крок за крокам перажывае разам з Хрыстом апошнія гадзіны Ягонага жыцця на зямлі: Апошнюю Вячэру, малітву ў Гетсыманскім садзе, арышт, допыт на двары першасвятара, суд Пілата, крыжовую дарогу, укрыжаванне на Галгоце, смерць і пахаванне. Аднак смерць Хрыста не была паразаю. У час, калі, здавалася, усё было страчаным і на свеце запанавала непраглядная цемра, Ён здзейсніў вялікую перамогу над смерцю і дараваў вечнае жыццё роду людскому. 

У гаміліі, падрыхтаванай для Імшы Хрызма, Францішак нагадаў святарам пра іх місію служэння, падкрэсліваючы, што святарства з'яўляецца не ганаровай пасадай, а служэннем Божаму народу.

17 красавіка 2025 года, у Вялікі чацвер, у Базіліцы Святога Пятра ў Ватыкане адбылася традыцыйная Імша Хрызма, падчас якой была зачытана гамілія, падрыхтаваная Святым Айцом. У сваім глыбокім разважанні ён звярнуўся да сутнасці святарскага служэння, заснаванага на прыкладзе Хрыста.

Дні Пакутаў Хрыста і Пасха Гасподняя – 17-18-19/20 красавіка 2025. 

Дні малітвы за Царкву, за Папу Францішка, за святаслужыцеляў, за Беларусь, за нас саміх...

15 красавіка 2025 года, спаўняецца 10 гадоў з дня смерці выдатнага беларускага рэлігійнага і грамадскага дзеяча ў эміграцыі – айца Аляксандра Надсана.

Айцец Аляксандр быў знакавай постаццю для беларускай дыяспары і адраджэння Грэка-Каталіцкай Царквы. Нарадзіўшыся ў Гарадзеі, ён прайшоў праз цяжкія выпрабаванні Другой сусветнай вайны, апынуўся ў эміграцыі, дзе прыняў святарскі сан.

16 красавіка, у Вялікую сераду, па тэрыторыі касцёла Найсвяцейшай Тройцы (святога Роха) на Залатой Горцы ў Мінску пройдзе набажэнства Крыжовага шляху з удзелам вернікаў усіх каталіцкіх парафій сталіцы.

Агульнагарадское набажэнства Крыжовага шляху традыцыйна адбываецца падчас Вялікага тыдня ў найстарэйшай каталіцкай парафіі сталіцы, на тэрыторыі даўніх Залатагорскіх могілак.

Адметнасцю сёлетняга пакаяльнага набажэнства будзе тое, што праводзіць яго будуць служыцелі Альфа курса ў Мінску.

Вялікі Тыдзень у сціслым сэнсе пачынаецца ў панядзелак. Гэты дзень, а таксама аўторак і серада, былі апошнімі днямі публічнай дзейнасці Хрыста.

Ён навучаў у святыні, вёў спрэчкі з фарысэямі, садукеямі і святарамі, якія хацелі злавіць Яго на слове, каб пасля абвінаваціць. Хрыстос не толькі адказваў ім, але выкрываў іхнюю няшчырасць і крывадушнасць. Такім чынам нарастаў канфлікт, які непазбежна вёў да трагічнага канца. Можна сказаць, што гэтыя дні праходзілі пад ценем Крыжа.