Новапрызначаны Дзяржаўны Сакратар Яго Святасці арцыбіскуп Пьетро Паралін выказаў глыбокую ўдзячнасць Пантыфіку за давер, аказаны новым прызначэннем, а таксама «жаданне і поўную гатоўнасць супрацоўнічаць з ім і пад яго кіраўніцтвам для большай хвалы Божай, дабра Святога Касцёла, прагрэсу і міру для чалавецтва, каб яно знаходзіла прычыны для жыцця і надзеі».

19 жніўня 2013 г. (на свята Перамянення Гасподняга па юліянскім календары) брат Сяргей Ганчараў з Мінска склаў першыя манаскія шлюбы ў Ордэне Айцоў Рэдэмптарыстаў (Кангрэгацыі Найсвяцейшага Адкупіцеля – CSsR).

Урачыстасць прайшла ў храме Пакрова Найсвятой Багародзіцы пры манастыры Айцоў Рэдэмтарыстаў візантыйскага абраду ў Кахавіне (Жыдачаўскі раён Львоўскай вобласці ва Украіне).

Беларускія вернікі удзельнічаюць у міжнароднай Пілігрымцы да Кіева з нагоды 1025-годдзя Хросту Кіеўскай Русі.

На ўрачыстасці 1025-годдзя Хросту Кіеўскай Русі Яго Святасць Папа Францішак накіраваў свайго спецыяльнага Легата ў асобе кардынала Аўдрыса Юозаса Бачкіса, Віленскага архібіскупа на пенсіі.

Старшыня Канферэнцыі Каталіцкіх Біскупаў Беларусі накіраваў віншавальны ліст да Сіноду Біскупаў Украінскай Грэка-Каталіцкай Царквы

Біскуп Аляксандр Кашкевіч, Старшыня Канферэнцыі Каталіцкіх Біскупаў Беларусі, павіншаваў Першаіерарха Украінскай Грэка-Каталіцкай Царквы Яго Блаславенства Вярхоўнага Архібіскупа Святаслава (Шаўчука) і членаў Сіноду Біскупаў, што з нагоды Юбілею 1025-годдзя Хросту Кіеўскай Русі праходзіць у Кіеве ў днях 11-18 жніўня 2013 г.

Сярод гасцей Сіноду знаходзіцца Апостальскі Візітатар Беларускай Грэка-Каталіцкай Царквы архімандрыт Сяргей (Гаек), Апостальскі Дэлегат для грэка-католікаў у Казахстане і Сярэдняй Азіі мітрафорны протаіерэй Васіль Гавера а таксама Біскуп-Ардынарый для грэка-католікаў у Расійскай Федэрацыі Уладыка Іосіф Верт з Навасібірска.

26–28 ліпеня 2013 г. у Івянцы пройдзе ўжо ІІІ Усебеларуская сустрэча моладзі. Сёлета яе ўдзельнікаў чакаюць цікавыя тэмы, дыялог з біскупамі, трансляцыя з Сусветнага дня моладзі ў Рыа-дэ-Жанейра, канцэрт а. Стэна Фартуна (ЗША). І гэта толькі некаторыя моманты. Больш падрабязна пазнаёміцца з ходам сустрэчы можна ў праграме. Дэвіз сустрэчы: «Ідзіце і навучайце ўсе народы» (Мц 28, 19).

Старажытны горад Львоў (маленькі Парыж, як называюць гістарычны цэнтр гораду) будзе месцам правядзення цікавага, актыўнага хрысціянскага Фэсту моладзі, які арганізоўваюць Айцы Рэдэмптарысты 25-28 ліпеня 2013 г.

Будзе цудоўная мажлівасць прадстаўляць Беларусь на гэтым з'ездзе, ў якім будзе прыймаць удзел некалькі сот маладых людзей з больш чым 10 моладзевых супольнасцей з такіх гарадоў як Львоў, Тэрнопаль, Івана-Франкоўск, Ковель, Камянец-Падольскі, Чарнігаў і інш.
Праграма з'езду цікавая і насычаная.

Касцёл мае патэнцыял прыцягнуць маладое пакаленне і матываваць яго, пацвярджэннем чаго з'яўляюцца Сусветныя дні моладзі, — лічыць старшыня Папскай рады па справах свецкіх кардынал Станіслаў Рылка, галоўны арганізатар форуму з боку Святога Пасаду. Па словах кардынала, сакрэт поспеху Сусветных дзён моладзі — у перакананні маладых людзей, што падчас іх яны сустрэнуць Хрыста, які ніколі іх не падмане, і адчуюць сябе часткай Касцёла, якому можна давяраць.

У нядзелю, 14 ліпеня 2013 г. у Полацку, на завяршэнне Пілігрымкі "Віцебск - Полацк", беларускія грэка-католікі адзначылі 1025-годдзе Хросту св. князя Ўладзіміра.

На Боскай Літургіі, якую ўзначаліў Апостальскі візітатар Беларускай Грэка-Каталіцкай Царквы Архімандрыт Сяргей (Гаек), узгадана пачаткі хрысціянства на Беларускіх землях, асабліва ў Полацкім княстве, і значэнне Хросту вялікага князя Кіеўскага Ўладзіміра Святаслававіча ў 988 г. для пашырэння хрысціянства на землях усходніх славянаў.

У юбілейны перыяд 1025-годдзя Хросту св. княза Ўладзіміра дзень ягонага літургічнага ўспаміну атрымлівае асаблівы характар.

У Мінску Літургія ўспаміну св. Уладзіміра Вялікага будзе адслужаная ў аўторак, 16 ліпеня, у 18:30 у ніжнім храме Чырвонага касцёла (грэка-каталіцкая капліца).

У суботу, 13 ліпеня 2013 г. – у дзень памяці мучанцкай смерці блаславёнай Мар’яны Бярнацкай гарадзенскія католікі двух абрадаў маліліся на Навумавіцкіх фартах.

Каля вёскі Навумавічы, што ў 10 кіламетрах ад Гародні, на старых фартах у часы ІІ Сусветнай вайны нямецкія нацысты праводзілі расстрэлы мірных жыхароў горада і ваколіц, сярод іх былі каталіцкія святары, манахі і манахіні ды простыя вернікі. Падчас расстрэлаў 20 кастрычніка 1942 году, 13 і 15 ліпеня 1943 году каля Навумавічаў былі растраляныя каля дзвюх соцен чалавек (на сённяшні дзень удалося адшукаць 150 імёнаў).

Дзень 13 ліпеня стаў для гарадзенскіх католікаў днём малітоўнага ўспаміну тых, хто загінуў каля Навумавічаў. У гэты дзень у 1943 годзе была растраляная Мар’яна Бярнацкая, простая жанчына з Ліпска, з сям’і ўніятаў, гвалтам пераведзеных у праваслаўе.