Міжнародная канферэнцыя ў Сандаміры

13 лютага 2010 г. у гістарычным горадзе Сандамір, у паўднёвай Польшчы, прайшла міжнародная канферэнцыя багасловаў і кананістаў (сьпецыялістаў у галіне царкоўнага права), якая насіла назву: “Sacri canones – 20 гадоў досьведу”.

Канферэнцыя была арганізаваная Біскупам Сандамірскай дыяцэзіі Ўладыкам Крыштофам Ніткевічам і кафедрай Права Ўсходніх Каталіцкіх Цэркваў Люблінскага Каталіцкага Ўніверсітэта. Яна адбывалася з нагоды 20-годдзя абвяшчэньня Слугой Божым Сьвятым Айцом Янам Паўлам ІІ-ім г.зв. канстытуцыі “Sacri canones”, якой ён уводзіў у жыцьцё Каталіцкай Царквы Кодэкс Канонаў Усходніх Цэркваў.
Канферэнцыя ўваходзіла ў праграму г.зв. Кірыла-Мятодзіеўскіх Сандамірскіх Сустрэчаў (14 лютага ў календары лацінскага абраду прыпадае ўспамін сьвятых Кірылы і Мятода, Апекуноў Еўропы).

Хрыстос Уседзяржыцель 16 ст Успенская царква (1654) у в. Быцень Брэсткай вобл. Дошка, яечная тэмпера.Грэка-католікі г. Менска пачынаюць Вялікі Пост 2010 г. паводле наступнага раскладу:

Парафія Праведнага Язэпа і Парафія сьвятога Міколы Цудатворцы
ў капліцы Душпастырскага Цэнтра сьвятога Язэпа
(вул.Арджанікідзэ, 6; ст.метро «Аўтазаводская»)

15 лютага 2010 г., Панядзелак, Пачатак Вялікага Посту
18:30 — Павячэрніца з Пакаянным канонам сьв. Андрэя Крыцкага

16 лютага 2010 г., Аўторак першага тыдня Вялікага Посту
18:30 — Павячэрніца з Пакаянным канонам сьв. Андрэя Крыцкага

17 лютага 2010 г., Серада першага тыдня Вялікага Посту
18:30 — Павячэрніца з Пакаянным канонам сьв. Андрэя Крыцкага

18 лютага 2010 г., Чацьвер першага тыдня Вялікага Посту
18:30 — Павячэрніца з Пакаянным канонам сьв. Андрэя Крыцкага

Вялікапоснае вандраваньне, якое прапануюць нам сьпевы Поснай Трыёдзі прадугледжвае неабходнасьць падрыхтоўкі. На першай вячэрні Вялікага посту ў Сырную нядзелю ўвечары чуем у сьпевах вершапесьні пра тое, што, каб пасьпяхова пераплысьці вялікае мора посту, трэба адкласьці ўчынкі цемры і апрануцца ў сьветлую вопратку. Гэтая падрыхтоўка патрабуе ад нас ня толькі высілку нашай волі ў змаганьні з сваімі дрэннымі схільнасьцямі і грахамі, але і высілку нашага розуму, каб спасьцігнуць дзе ёсьць воля Божая для нас і вызначыць тыя ўчынкі цемры, якія нам трэба адкінуць.
У гэтых высілках мы, як верныя дзеці Царквы, зьвяртаемся да Сьвятога Пісьма і царкоўнага Пераданьня і карыстаемся аўтэнтычнай царкоўнай інтэрпрытацыяй іх – Катэхізісам.

Хрысьціяне візантыйскай традыцыі – грэка-католікі і праваслаўныя – пачынаюць сёлета Вялікі Пост у панядзелак, 15 лютага.

Сёлета ўсе хрысьціяне сьвяткуюць сьвята Пасхі Хрыстовай у адзін дзень – 4 красавіка.
Традыцыйна гэтай радаснай падзеі папярэднічае саракадзённы Вялікі Пост, які прыгадвае нам саракадзённае перабываньне Збаўцы нашага Ісуса Хрыста ў пустыні ды рыхтуе нас праз пакаяньне да прыняцьця радаснай весткі пра Ўваскрасеньне.

Кадр з фільма "Аватар" Джэймса КэмэранаСупольнае абмеркаваньне фільма (з гарбатай і печывам) адбудзецца 10 лютага ў 19:30 у рамах катэхэтычных сустрэчаў студэнтаў у грэка-каталіцкім цэнтры сьв. Язэпа ў Менску (вул. Арджанікідзэ, д. 6; даезд на метро да ст. метро “Аўтазаводская”, далей на лева па вул. Цэнтральнай; 3-я вуліца направа).

Гомельская парафія Трох сьвяціцеляў Васіля Вялікага, Яна Залатавуснага і Рыгора Багаслова, памяць якіх узгадваецца 30 студзеня, адна з першых парафій, якая аднавіла сваю дзейнасьць у Беларусі ў дзевяностыя гады ХХ.

Ужо стала добрай традыцыяй на адпустовыя сьвяты запрашаць вернікаў з іншых парафіяў. У гэтым годзе далучыліся да сьвяткаваньня ў Гомелі прадстаўнікі менскіх парафіяў: члены алтарнага брацтва спадары Анатоль і Валерый і семінарыст Аляксей Філіпенка. Сьвяточную Боскую літургію ўзначаліў а. Васіль Ягораў. Саслужыў айцец протапрасвітар Зьміцер Грышан.

Папскае Брэвэ з індульгенцыяй з выдадзены пасьля пастановы пра каранацыю Жыровіцкай іконы Маці Божай

Бенядыкт ХІІІ.
Усім верным Хрыстовым, якія маюць пагладзець гэтае пісьмо – збаўленьне і апостальскае блаславеньне. Маючы ў ласкавай любові нябесныя багацьці для памнажэньня веры і спасеньня душ, усім верным хрысьціянам, мужчынам і жанчынам, якія шчыра пакаюцца, паспавядаюцца, прычасьцяцца сьв. Тайн і памоляцца пра адзінадушша хрысьціянскіх уладароў, выкараненьне гарэсій, і узвялічаньне сьв. Маці Царквы, пры пабожнам наведваньні царквы Найсьвяцейшай Дзевы Марыі Жыровіцкай, Кіеўскай епархіі, на працягу сямі дзён пасьля дня які вызначаны бісупам, Мы міласціва надаем аб Хрысьце на адзін толькі раз адпушчэньне грахоў і індульгенцыю на працягу гэтых васьмі дзён. Гэтае мае значэньне толькі на адзін раз на год. Мы жадаем, каб гата не мела ніякага значэньня калі б пры стараньні пра гэтую пастанову, паданьні, дазволе, ці публікацыі была, або будзе давацца хаця б найменшая аплата.

Дадзена ў Рыме, у сьв. Пятра, пад пячаткай Рыбака у XV дзень красавіка 1726 г., другі год Нашага пантыфікату.
Кард. Олівера

У суботу, 23 студзеня, у рамках Тыдня малітваў за еднасьць хрысьціянаў, які сёлета праходзіць пад дэвізам: “Вы зьяўляецеся сьведкамі Ўваскрослага Хрыста” (пар. Лк 24.48), у менскай архікатэдры адбылася экуменічная малітва, у якой узялі ўдзел прадстаўнікі розных хрысьціянскіх канфесіяў Беларусі: Мітрапаліт Мінска-Магілёўскі арцыбіскуп Тадэвуш Кандрусевіч, Протаіерэй Праваслаўнай Царквы айцец Аляксандр Шымбалёў, упраўляючы справамі Саюза евангельскіх хрысціянаў баптыстаў у РБ пастар Алег Балуценка, а таксама старшыня Праўлення Біблейскага таварыства.

Беларускую Грэка-Каталіцкую Царкву на гэтай сустрэчы прадстаўляў Протапрэзьбітар айцец Яўген Усошын.

21 студзеня 2010 году мінула 5 год ад прыезду ў Беларусь Апостальскага Нунцыя ў Беларусі Архібіскупа Марціна Відавіча. З гэтай нагоды ў нядзелю, 24 студзеня, ва ўсіх парафіях Беларускай Грэка-Каталіцкай Царквы будзе адслужаная Боская Літургія падзякі Госпаду за пастырскае служэньне Высокадастойнага Ўладыкі Марціна.

Архімандрыт Сяргей Гаек, Апостальскі Візітатар БГКЦ, усе сьвятары і вернікі віншуюць і дзякуюць Уладыку Марціну Відавічу за пастырскі і бацькоўскі клопат аб Каталіцкай Царкве ў Беларусі.

У нядзелю 17-га студзеня а 19-й гадзіне (адразу пасьля нядзельнай літургіі парафіі Сьвятога Духа) ў дольнай капліцы Чырвонага Касьцёла адбудзецца калядны канцэрт хора "Прасфара". Запрашаем усіх жадаючых пачуць як традыцыйныя беларускія калядкі, так і старажытныя сьпевы бізантыйскай царкоўнай традыцыі.