У апошнюю нядзелю мая ў Мінску пройдзе агульнагарадская працэсія Божага Цела, у якой удзельнічаюць святары і вернікі мінскіх грэка-каталіцкіх парафій.

Як паведаміла Мінска-Магілёўская Мітрапалітальная курыя, урачыстасць распачнецца а 9-й гадзіне святой Імшой на палявым алтары каля касцёла Найсвяцейшай Тройцы (святога Роха) на Залатой Горцы (пр. Незалежнасці, 44 А).

Пасля Імшы адбудзецца працэсія з Залатой Горкі па праспекце Незалежнасці з традыцыйнымі чатырма прыпынкамі, якая завершыцца каля касцёла святога Сымона і святой Алены (Чырвоны касцёл на плошчы Незалежнасці).

Усіх святароў і вернікаў запрашаюць узяць удзел ва ўрачыстасці і Эўхарыстычнай працэсіі, якая ў мінулыя два гады ў Мінску не праводзілася ў сувязі са складанай эпідэміялагічнай сітуацыяй.

Паводле Catholic.by

У Скоп'е супольнае ўшанаванне мошчаў св. Кірыла Салунскага, настаўніка славянаў.  

24 траўня 2022 года, у свята святых братоў Кірыла і Мятода, у дзень калі Македонская Праваслаўная Царква - Охрыдская Архіепіскапія  набыла аўтакефальны статус, грэка-каталіцкі епарх Струміцы і Скоп'е Высокадастойны Уладыка Кірыл (Кіра Стоянаў) перанёс адзіныя ў Македоніі мошчы свяціцеля Кірыла Салунскага ў праваслаўны катэдральны сабор святога Клімента Охрыдскага» у Скоп'е, па просьбе архіепіскапа Стэфана.   

24 мая Папа Францішак менаваў кардынала Матэо Марыю Дзуппі, арцыбіскупа Балонскага, Старшынёй Канферэнцыі Біскупаў Італіі.

Раніцай 24 мая італьянскія біскупы, сабраныя на 76-м агульным сходзе епіскапату, правялі галасаванне, у выніку якога былі вызначаны тры кандыдаты на вышэйшую пасаду ў Канферэнцыі Біскупаў Італіі. Імёны трох кандыдатаў былі прадстаўлены Папу Францішку на аўдыенцыі, якая прайшла ў аўторак у ватыканскай зале Паўла VI. Як паведаміла прэс-служба Святога Пасаду, сустрэча італьянскіх іерархаў са Святым Айцом працягвалася каля дзвюх гадзін.

22 мая 2022 года Святы Айцец прыняў на аўдыенцыях Прэм’ер-міністра Паўночнай Македоніі Дзімітара Кавачэўскага і Прэм’ер-міністра Балгарыі Кірыла Петкава.

Палітыкі прыбылі ў Ватыкан з візітам з нагоды Дня славянскага пісьменства. Ён адзначаецца славянскімі народамі, якія выкарыстоўваюць кірылічны алфавіт, 24 мая. У гэты дзень Праваслаўныя Цэрквы ўшаноўваюць памяць святых Кірыла і Мятода, асветнікаў і апосталаў славян.

Францішак прыняў даверчыя граматы новых паслоў Пакістана, Аб’яднаных Арабскіх Эміратаў, Бурундзі і Катара пры Святым Пасадзе. Цырымонія прайшла 19 мая 2022 года ў Апостальскім палацы Ватыкана.

“Не існуе ідэальнага перыяда, каб пачынаць новую місію, новую працу”, але актуальны перыяд безумоўна з’яўляецца асабліва складаным, адзначыў Папа, звяртаючыся да дыпламатаў.

“Апошні раз я сустракаўся з вашымі калегамі ў студзені, калі чалавечая сям’і пачынала ўздыхаць з палёгкай, бо мы павольна, але ўпэўнена вызваляліся ад пандэміі. Здавалася, што мы, нарэшце, зможам вярнуцца ў пэўным сэнсе да нармальнага жыцця, хоць і памятаючы пра ўрок, які атрымалі на працягу апошніх двух гадоў. Затым, цёмная хмара вайны апусцілася на Усходнюю Еўропу, прамым ці ўскосным чынам ахінуўшы ўвесь свет”, - заўважыў Пантыфік.

Правядзе сустрэчу айцец Зміцер Чарнэль.

20-га траўня 2022

18:30 – Боская Літургія

19:30 – Сустрэча

Грэка-каталіцкі цэнтр Праведнага Язэпа

Менск, вул. Арджанікідзэ, 6

Не забудзьцеся медыцынскія маскі.

Ян Павел II (свецкае імя: Караль Юзэф Вайтыла, па-польску: Karol Józef Wojtyła)

*18 траўня 1920; + 2 красавіка 2005. Папа Рымскі, першы папа-славянін.    

Кананізацыя  св. Яна Паўла ІІ адбылася 27 красавіка 2014 г. у Рыме, на плошчы Святога Пятра.                            

У каляндары Каталіцкай Царквы  літургічны ўспамін св. Яна Паўла ІІ, папы рымскага,  адзначаецца 22 кастрычніка.

14 і 15 мая ў Гомелі была арганізавана выстава копій цудадзейных абразоў Маці Божай з беларускіх санктуарыяў, якія перэгрынуюць па краіне.

Удзел у гэтай духоўна-культурнай падзеі ўзялі арцыбіскуп эмерыт Тадэвуш Кандрусевіч, Генеральны вікарый Пінскай дыяцэзіі біскуп Казімір Велікаселец, а таксама праваслаўны архіепіскап Гомельскі і Жлобінскі Стэфан і Вікарый Гомельскай епархіі епіскап Светлагорскі Амвросій.

Мерапрыемства адбывалася ў Гомельскім абласным драматычным тэатры.

Простая трансляцыя з грэка-каталіцкай парафіі св. Язафата ў г. Ліда. 15.05.2022.

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы.

Папа выказваў падзяку за духоўную лучнасць, якая існуе паміж Пасадам святога Пятра і Пасадам святога Марка і запэўніў егіпецкага копцкага Патрыярха ў сваім сяброўстве з Хрысце.

10 мая 2022 года з нагоды Дня сяброўства паміж коптамі і католікамі Францішак скіраваў ліст да Патрыярха Копцкай Праваслаўнай Царквы Тавардаса ІІ. “Уважлівыя да слоў Хрыста – “Вы сябры Мае, калі робіце тое, што Я наказваю вам” (Ян 15,14) – можам працягваць нашу пілігрымку хрысціянскага братэрства, асабліва ў святле падрыхтоўкі святкавання, у наступным годзе, 10-й гадавіны нашай памятнай сустрэчы ў Рыме і 50-годдзя гістарычнай сустрэчы паміж папам Паўла VI і папам Шэнудам ІІІ”, - напісаў Папа.