Каля мільёна маладых пілігрымаў узялі ўдзел у святой Імшы, якую Папа Леў XIV цэлебраваў раніцай 3 жніўня 2025 года на вялікім полі Тор-Вергата на ўскраіне Рыма. Літургія стала кульмінацыйным момантам Юбілею моладзі.

У гаміліі Пантыфік заклікаў юнакоў і дзяўчат сустрэць Хрыста, бо толькі Ён па-сапраўднаму змяняе жыццё, прасвятляе пачуцці, жаданні і думкі, а таксама можа задаволіць жаданне вялікага, якое кожны чалавек носіць у сваім сэрцы.

“Росіца – маленькая кропелька гэтага свету, такая маленькая, што калі б раптам яна знікла з твару зямлі, то ці заўважыў бы гэта свет? Але ў гэтай маленькай кропельцы столькі душаў – загадкавых, непаўторных, прыгожых!” (І.Жарнасек “Будзь воля Твая”).

Такой цытатай, прамоўленай пастырам Віцебскай дыяцэзіі Алегам Буткевічам, распачалася Імша для пілігрымаў у Росіцкай святыні. І хоць словы гэтыя ў кнізе мелі іншы кантэкст, але вельмі блізкімі сталі яны кожнаму прысутнаму ў храме.

Традыцыйная пілігрымка Друя - Росіца пачалася ў сераду - 30 ліпеня 2025 г. 

На паломніцкі, трохдзённы шлях вырушыла 50 пілігрымаў, у тым ліку значная група грэка-католікаў. На шляху далучаюцца новыя пілігрымы. 

Да Росіцы паломнікі дойдуць у пятніцу - 1 жніўня. Там іх чакае багатая духоўная праграма.

28 ліпеня 2025 года ў Рыме распачаўся Юбілей моладзі – найбуйнейшая падзея Святога года. Вечны горад запоўнілі сотні тысяч юнакоў і дзяўчат з 146 краін свету. Увечары на Плошчы святога Пятра адбылася ўрачыстая Імша, якую ўзначаліў пра-прэфект Дыкастэрыі па евангелізацыі арцыбіскуп Рына Фізікела. Нечаканай кульмінацыяй свята стала прывітанне Льва XIV.

У гэты вечар на ватыканскай плошчы і прылеглых вуліцах сабралося каля 120 тысяч маладых пілігрымаў. Панаваў дух сапраўднага свята: гучала музыка, луналі сцягі, хлопцы і дзяўчаты ў каляровых футболках з энтузіязмам спявалі гімн Юбілею.

Весці дыялог з лічбавым светам, пазбягаючы павярхоўнасці, ананімнасці і спакусы быць у цэнтры ўвагі, заклікаў каталіцкіх інфлюэнсераў кардынал П’етра Паралін.

28 ліпеня 2025 года ў Рыме стартаваў Юбілей лічбавых місіянераў і каталіцкіх інфлюэнсераў. Ён сабраў каля тысячы ўдзельнікаў з усяго свету і стаў адной з важных падзей Святога года.

Упершыню ў гісторыі ў рамках Святога года Касцёл арганізаваў спецыяльнае юбілейнае мерапрыемства для тых, хто евангелізуе з дапамогай лічбавых тэхналогій. Адкрыццё сустрэчы адбылася ў рымскім Auditorium Conciliazione і супала з пачаткам Юбілею Моладзі.

Jubilee of Digital Missionaries and Catholic Influencers - адбываецца ў Рыме, на пачатку Юбілея моладзі (які пройдзе з 28 ліпеня па 3 жніўня 2025 г. і стане найбуйнейшай падзеяй Святога Года 2025). 

У МІНСКУ - у духоўнай сулучнасці з Праграмай гэтых юбілейных дзён МАЛІТВА (Літургія):

- АЎТОРАК- 29 ліпеня ў грэка-каталіцкім Цэнтры Прав. Язэпа (вул. Арджанікідзе 6) у 18:30;

- СЕРАДА - 30 ліпеня ў грэка-каталіцкім храме Маці Божай Нястомнай Дапамогі (зав. Снежны 7)  у 18:30. 

Да малітвы за лічбавых місіянераў, за моладзь і з моладдзю - ЗАПРАШАЕМ!

26 ліпеня 2025 года Святы Айцец прыняў на аўдыенцыі ў Ватыкане Мітрапаліта Валакаламскага, старшыню Аддзела знешніх царкоўных сувязяў Маскоўскага Патрыярхата.

Гэта першая сустрэча Льва XIV з рускім праваслаўным іерархам.

Як паведаміла ў сваім штодзённым бюлетэні Зала Друку Святога Пасада, раніцай 26 ліпеня Папа прыняў у Ватыкане Мітрапаліта Валакаламскага Антонія, адказнага за знешнія сувязі Маскоўскага Патрыярхата. Падрабязнасці перамоў не раскрываюцца.

40-гадовы Мітрапаліт Антоній з чэрвеня 2022 года адказвае за знешнія сувязі Маскоўскага Патрыярхата. У гэтай ролі ён некалькі разоў сустракаўся з Папам Францішкам, апошні раз у ліпені 2024 года ў Ватыкане.

Марыя Валодзіна – Vatican News

Ад 28 ліпеня да 3 жніўня 2025 года ў Рыме будзе мець месца Юбілей моладзі – найбольш чаканая падзея Святога года. На вігілію малітвы з Папам Львом XIV 2 жніўня ў “Тор Вергата” чакаецца каля мільёна пілігрымаў.

Юбілей моладзі, які пройдзе ў Рыме з 28 ліпеня па 3 жніўня 2025 года, стане найбуйнейшай падзеяй Святога 2025 года. Паводле прэс-рэлізу, апублікаванага Дыкастэрыяй па евангелізацыі, у італьянскую сталіцу прыбудуць сотні тысяч маладых людзей са 146 краін свету.

25 ліпеня 325 года ў Нікеі завяршыўся першы Паўсюдны сабор, які сфармуляваў хрысціянскае вучэнне аб Хрысце. Пра яго ролю ў гісторыі распавядае ксёндз Яўген Баланёў, святар з Мінска-Магілёўскай архідыяцэзіі.

Гэтыя словы шмат каму вядомыя з дзяцінства:

«Веру ў адзінага Бога, Айца Усемагутнага, Стварыцеля неба і зямлі, усяго бачнага і нябачнага. І ў адзінага Пана Езуса Хрыста, Сына Божага Адзінароднага, з Айца народжанага перад ўсімі вякамі; Бога ад Бога, Святло ад Святла, Бога сапраўднага ад Бога сапраўднага, народжанага, не створанага, адзінасутнага Айцу, праз якога ўсё сталася… Веру ў Духа Святога, Пана і Жыватворцу, які з Айца і Сына паходзіць; якому разам з Айцом і Сынам належыць пакланенне і хвала; які прамаўляў праз прарокаў. Веру ў адзіны святы каталіцкі і апостальскі Касцёл».