Сьвята Парафіі Праведнага Язэпа

11:00 – сьвяточная Боская Літургія (для ўсіх парафіяў Менска)
ў капліцы Душпастырскага Цэнтра Сьвятога Язэпа
(вул.Арджанікідзэ, 6; ст.метро «Аўтазаводская»)

Віншаваньні з нагоды Парафіяльнага сьвята
Вернікам Парафіі Праведнага Язэпа віншаваньні з нагоды Парафіяльнага сьвята даслаў былы пробашч Парафіі - а. Андрэй Абламейка.

Дарагія Браты і Сёстры !

Віншуем вас з нашым парафіяльным Сьвятам!

Пішам нашым таму, што парафія Сьвятога Язэпа заўсёды застаецца для нас Радзімай Духоўнай.
Радзіму, як бацькоў і сваякоў не выбіраюць, і Вы, нашая парафія, сталіся для нас сапраўдным Божым дарам і сьведчаньнем Хрыстовай Любові і адданасьці Богу і Царкве! Будзьце ж і надалей Сьведкамі Евангелья для Беларускага народу ў такія нялёгкія часы, заўжды насьледуйце нашага нябеснага апякуна Сьвятога і Праведнага Язэпа!

На гэтым мейсцы хочацца кожнага з вас абняць ды прыгадаць сабе і вам словы з Евангельля: “вось, анёл Гасподні ў сьне явіўся яму і сказаў: Язэпе, сыне Давідаў! ня бойся прыняць Марыю, жонку тваю; бо зачатае ў Ёй ёсьць ад Духа Сьвятога; і народзіць Сына, і дасі Яму імя: Ісус, бо Ён уратуе людзей Сваіх ад грахоў іхніх. А ўсё гэта сталася, каб збылося сказанае Госпадам праз прарока, які кажа: “вось, Дзева ва ўлоньні зачне; народзіць Сына, і дадуць Яму імя: Эмануіл, што азначае: з намі Бог”. Устаўшы ад сну, Язэп зрабіў, як загадаў яму анёл Гасподні…”(Мц.1.20-24)

Сьвяты Язэпе памагай і нам усім жыць згодна загадаў Гасподніх!

Узгадвайце часамі нас ў малітве, каб і нашыя жыцьцёвыя выбары і нашая вучоба былі на Славу Божую ды на карысьць Царкве.

Хрыстос нарадзіўся! Яго славім!

Вашыя ў Госпадзе, парафіяне парафіі Сьвятога Язэпа,
Андрэй і Сьвятлана Абламейкі
ды нашыя дзеці: Багдан, Альжбэта і Наста.

Фота кс. А. АмяльчэніПачэсныя Айцы сьвятаслужыцелі!
Дарагія Манахі, Манахіні і Браты Семінарысты!
Любыя ў Госпадзе Браты і Сёстры! Паважаныя Сябры!

1. “Слава на вышынях Богу, і на зямлі супакой людзям добрай волі” – гэта словы, якія Анёлы сьпявалі ў Віфлееме, дзе ў ясьлях нарадзіўся Спрадвечны Сын Божы - Госпад і Збаўца наш Ісус Хрыстос. А мудрацы, якія з Усходу прыбылі ў Віфлеем, сьведчылі, што для ўсіх людзей уласьціва жаданьне пазнаць Бога.
Пазнаньне Бога дасягае паўнаты ў сьвятой Царкве, якая навучае, што Хрыстос нараджаецца, каб у сэрцах людзей “аднавіць раней адпалы вобраз Божы”.
Як вы добра ведаеце, у днях 12 – 17 сьнежня 2009 году каталіцкія ярархі з Беларусі былі ў Рыме з візітам “ad limina Apostolorum” (да парогаў Апосталаў). Сустрэча з Першаярархам Каталіцкай Царквы Яго Сьвятасьцю Папам Бенядыктам XVI-тым ды з кіраўнікамі розных ведамстваў Апостальскага Пасаду далі нам каштоўны вопыт Паўсюднасьці Царквы і магчымасьць супольна асэнсаваць заданьні, якія стаяць сёньня перад вернікамі абодвух абрадаў Каталіцкай Царквы ў Беларусі.

капліца ў Гамінгу, Аўстрыя, дзе навучаецца і служыць а. Андрэй АбламейкаВернікам Парафіі Праведнага Язэпа і усім наведальнікам сайта www.svjazep.org калядныя віншаваньні даслаў стваральнік сайта і былы пробашч Парафіі а. Андрэй Абламейка, які навучаецца і служыць у Гамінгу (Аўстрыя).

Хрыстос нараджаецца!
Яго Славім!

Дарагія Браты і Сёстры!
Радасьць ахапіла нас у гэтыя дні, калі мы стаемся сьведкамі таго, як “дрэва жыцьця зацьвітае ў пячоры ад Дзевы”!
Хай жа тая радасьць застаецца з намі праз увесь наступны год. Хай сьвітанак кожнага дня напамінае нам аб Любові Божай, якая выявілася ў тым, што “спрадвечны Бог, як дзіця малое, на сьвет прыйшоў”, “каб раней упалы вобраз узьняць”.
Усхвалім Госпада і ў песьнях, і сваім жыцьцём, і кожным сваім учынкам – “хвала пасуе праведным”…

З Батлеемскай Радасьцю, вашыя ў Госпадзе,
Андрэй і Сьвятлана Абламейкі
ды нашыя дзеці: Багдан, Альжбэта і Наста

ІV-ты дзень Перадкалядных Рэкалекцыяў
У сераду – 23 сьнежня 2009 г. рэкалекцыйныя разважаньні праводзяцца а гадз. 18:30
у капліцы душпастырскага Цэнтра Парафіі Маці Божай Нястомнай Дапамогі
па зав. Сьнежным, д. 7
Там жа служыцца Боская Літургія і ёсьць нагода да сьвятой Споведзі.

Грэка-каталікі г. Менска сьвяткуюць Раство Хрыстова паводле наступнага раскладу:

Парафія Праведнага Язэпа і Парафія сьвятога Міколы Цудатворцы
ў капліцы Душпастырскага Цэнтра сьвятога Язэпа
(вул.Арджанікідзэ, 6; ст.метро «Аўтазаводская»)

24 сьнежня, Сьвяты вечар Раства Хрыстовага
19:30 — Вячэрня і Літургія сьв. Васіля Вялікага

25 сьнежня, Нараджэньне Госпада нашага Ісуса Хрыста
11:00 — Боская Літургія
12:00 — Каляднае сьвяткаваньне для дзяцей

* * *
Парафія Маці Божай Нястомнай Дапамогі і Парафія Сьвятога Духа
ў ніжнім храме касьцёла сьвятых Сымона і Алены (Чырвоны касьцёл)
(пл. Незалежнасьці, 15)

24 сьнежня, Сьвяты вечар Раства Хрыстовага
21:30 — Вячэрня і Літургія сьв. Васіля Вялікага

25 сьнежня, Нараджэньне Госпада нашага Ісуса Хрыста
11:00 — Боская Літургія
18:00 — Боская Літургія

* * *
26 сьнежня, Сабор Багародзіцы і сьвята Праведнага Язэпа
Сьвята Парафіі Праведнага Язэпа
11:00 – Боская Літургія (для ўсіх парафіяў Менска)
ў капліцы Душпастырскага Цэнтра Сьвятога Язэпа
(вул.Арджанікідзэ, 6; ст.метро «Аўтазаводская»)

Уцёкі ў Егіпет. Другая палова XVII ст. З брыгіцкага касцёла ў Гродне. Нацыянальны мастацкі музей.ІІІ-ці дзень Перадкалядных Рэкалекцыяў

22 сьнежня, аўторак
Перадсьвяцьце Раства Хрыстовага, вялікамучаніцы Анастасіі
Чытаньне дня: Евангельле паводле Мацьвея 2, 13-20

Тут, у Віфлееме, распачынаецца канфлікт, які дасягне сваёй кульмінацыі на Галгофе.

Айцец ЛявонційІІ-гі дзень Перадкалядных Рэкалекцыяў

Наведальнікам сайта www.svjazep.org прапануем далучыцца – on-line – да Перадкалядных Рэкалекцыяў, што для менскіх грэка-каталіцкіх парафіяў праводзіць ераманах Лявонцій (Тумоўскі) у днях 20-23 сьнежня 2009 г.

Рэкалекцыйныя разважаньні праводзяцца кожны дзень у іншым храме (гл. Парадак Рэкалекцыяў).
Там жа служыцца Боская Літургія і ёсьць нагода да сьвятой Споведзі.

Агульная тэма рэкалекцыяў:
“Хрыстос нараджаецца, каб аднавіць раней адпалы вобраз”.

* * *
Кароткая запіска ІІ-га дня Рэкалекцыяў

Тэма рэкалекцыяў:
“Хрыстос нараджаецца, каб аднавіць раней адпалы вобраз”.

Перадкалядныя Рэкалекцыі для менскіх грэка-каталіцкіх парафіяў маюць характар духовай пілігрымкі.
Рэкалекцыйныя разважаньні ераманах Лявонцій (беларускі студыт з Рыму) кожны дзень праводзіць у ішым храме. Там жа служыцца Боская Літургія і ёсьць нагода да сьвятой Споведзі.

НЯДЗЕЛЯ – 20 сьнежня 2009 г.
Парафія Маці Божай Нястомнай Дапамогі
гадз. 11:00 - ніжні храм “чырвонага касьцёла”


ПАНЯДЗЕЛАК – 21 сьнежня 2009 г.
Парафія Праведнага Язэпа і Парафія сьв. Мікалая
гадз. 18:30 - капліца ў Душпастырскім цэнтры сьв. Язэпа па вул. Арджанікідзе, д. 6


АЎТОРАК – 22 сьнежня 2009 г.
Парафія Сьвятога Духа
гадз. 18:30 - ніжні храм “чырвонага касьцёла”


СЕРАДА – 23 сьнежня 2009 г.
Парафія Маці Божай Нястомнай Дапамогі
гадз. 18:30 - капліца ў Парафіяльным цэнтры па зав. Сьнежным, д. 7

* * *
Да ўдзелу ў Рэкалекцыях запрашаем усіх, хто хоча духова падрыхтавацца да сьвята Раства Хрыстовага.

ераманах ЛявонційПЕРАДКАЛЯДНЫЯ РЭКАЛЕКЦЫІ

Усім наведальнікам сайта www.svjazep.org прапануем далучыцца – хаця б on-line – да Перадкалядных Рэкалекцыяў, што для менскіх грэка-каталіцкіх парафіяў праводзіць ераманах Лявонцій (Тумоўскі) у днях 20-23 сьнежня 2009 г.

Агульная тэма рэкалекцыяў:
“Хрыстос нараджаецца, каб аднавіць раней адпалы вобраз”.

У Менску рэкалекцыі маюць характар сваеасаблівай пілігрымкі. Рэкалекцыйныя разважаньні кожны дзень праводзяцца ў іншым храме (гл. Парадак Рэкалекцыяў).
Там жа служыцца Боская Літургія і ёсьць нагода да сьвятой Споведзі.

* * *
Ніжей кароткая запіска І-га дня Рэкалекцыяў