У сераду 29 траўня 2013 г. Апостальскі Візітатар для грэка-католікаў Беларусі архімандрыт Сяргей Гаек наведаў Рым, дзе ў базыліцы св. Пятра ў Ватыкане маліўся за Беларускую Грэка-Каталіцкую Царкву ля мошчаў святога Вярхоўнага Апостала Пятра, святога Язафата, Архібіскупа Полацкага і блаславёнага Папы Яна Паўла ІІ.

У рамках Міжнароднай духоўнай канферэнцыі, прысвечанай прымірэнню ды міру між хрысціянамі і народамі – KAIROS 2013, якую арганізавала міжнародная асацыяцыя “Супольнасць Ісуса” (Comunita’ di Gesu’), удзельнікі ўзгадалі Славянскую місію святых Кірылы і Мятода, 1150-я ўгодкі якой адзначаюцца ў гэтым годзе.

Канферэнцыя KAIROS 2013 сабрала прадстаўнікоў (духоўных асобаў і свецкіх вернікаў) рыма-каталіцкай Царквы, грэка-каталіцкіх (італа-албанскай, беларускай, румынскай, украінскай), праваслаўных (албанскай, румынскай, амерыканскай) і англіканскіх Цэркваў (розных юрысдыкцыяў), пратэстанцкіх царкоўных Супольнасцяў са шматлікіх краінаў свету – Еўропы, Амерыкі (Аргентыны, Бразіліі, ЗША), Афрыкі (Анголы, Рэспублікі Паўднёвай Афрыкі, Камеруна, Кот д’Івуар).

20 мая, у другі дзень свайго візіту ў Гомель, Апостальскі Нунцый у Беларусі архібіскуп Клаўдыё Гуджэроцці сустрэўся са старшынёй Гомельскага гарвыканкама Пятром Кірычэнкам і старшынёй Гомельскага аблвыканкама Уладзімірам Дворнікам.

Як паведамляе гомельскі каталіцкі сайт Нараджэння Божай Маці, падчас сустрэчы, якая праходзіла ў цёплай сяброўскай атмасферы, кіраўнікі горада і вобласці высока ацанілі супрацоўніцтва ўладаў і мясцовых католікаў у сацыяльнай сферы, а таксама выказалі падтрымку ў планах па будаўніцтву новага касцёла ў Савецкім раёне Гомеля. Канчатковае месца, дзе католікі будуць прасіць зямлю пад будаўніцтва храма, пакуль не вызначана.

Апостальскі Нунцый у Беларусі Архібіскуп Клаўдыё Гуджэроцці заклікаў прасіць аб дарах Духа Святога, каб Ягоны агонь дапамагаў хрысціянам не быць абыякавымі.

У нядзелю 19 траўня 2013 г. , на свята Пяцідзесятніцы - Зыход Святога Духа - рыма-каталіцкую парафію Нараджэння Багародзіцы наведаў Архібіскуп Клаўдыё Гуджэроцці.

Прадстаўнік Папы прыехаў у Гомель па запрашэнні дапаможнага біскупа Пінскай дыяцэзіі Казіміра Велікасельца, які рэзыдуе ў Гомелі і пробашча а. Славаміра Ляскоўскага.

Святую Імшу саслужылі Біскуп Казімір Велікаселец, Апостальскі візітатар для грэка-каталікоў Беларусі Архімандрыт Сяргей (Гаек), духавенства лацінскага (рыма-каталіцкага) і візантыйскага (грэка-каталіцкага) абраду.

10 траўня 2013 г. вернікі грэка-каталіцкай парафіі святых Кірыла і Мятода ў Санкт-Пецярбургу памаліліся за ахвяр Другой сусветнай вайны і сталінскіх рэпрэсій. У Левашоўскай пусташы – мемарыяльных могілках, дзе пахаваны каля 45 тыс. чалавек, яны ўзгадалі і загінуўшых беларусаў. І гэта не выпадкова, бо каля 20 вернікаў гэтай грэка-каталіцкай парафіі – з Беларусі. Некаторыя прыехалі ў паўночную сталіцу Расіі яшчэ ў савецкія часы, іншыя – не так даўно на заробкі або вучыцца. Для агульнай малітвы быў абраны час пасля 9 траўня, Дня Перамогі, і напярэданні Дня ўспаміну памерлых – Радаўніцы, якая прыпадае ў гэтым годзе на 14 траўня.

12 траўня а 10:00 гадз. у грэка-каталіцкім Цэнтры Праведнага Язэпа (вул. Арджанікідзэ 6) адбудзецца Свята Перанясення мошчаў святога Мікалая ў Бары.

Гэтае свята ў народзе называецца "Летнім Мікалаем" і адзначаецца на памяць уратавання мошчаў свяціцеля Мікалая ад паглуму туркаў ў 1087 годзе і ўрачыстага перанясення іх у горад Бары.

Святы Мікалай з’яўляецца апекуном хворых і маючых патрэбу, а таксама апекуном справаў міласэрднасці.

З гэтай нагоды вернікі грэка-каталіцкай парафіі святога Міклая і валанцёры – арганізатары ўрачыстасці, шчыра запрашаюць на сумесную малітву за развіццё дабрачыннага служэння ў Царкве і пакліканне валанцёраў, якія маглі бы распавядаць людзям пра Хрыста праз канкрэтныя ўчынкі любові.

Пасля заканчэння святочнай Боскай Літургіі адбудзецца братэрская Агапа і канцэрт.

Сардэчна запрашаем.

27 красавіка пры грэка-каталіцкая парафіі Праведнага Язэпа адбылася незвычайнае свята. Незвычайнае ў сваёй прастаце і прыгажосці. Для выхавальнікаў з з мясцовага прытулку, парафіяльных і суседскіх дзяцей валанцёры арганізавалі свята. З якой нагоды? З нагоды доўгачаканай вясны і цёплага сонейка. Вельмі ж самотна і не цікава радавацца сонейку аднаму, разам весялей.

Свята, як палагаецца хрысціянам распачалі малітвай і гісторыяй аб тым чаму мы адзначаем Пасху і Вербную Нядзелю перад ёй. Было актуальна, хаця многія дзеткі нават не ведалі пра гэта. Калісці ж трэба пачынаць сваю духоўную адукацыю!

Сёлета адзначаецца 75 гадоў з дня кананізацыі св. Андрэя Баболі, апекуна Пінскай дыяцэзіі.
З гэтай нагоды 15 мая 2013 г. у пінскай катэдры і 16 мая ў Іванаве адбудуцца адмысловыя набажэнствы.

Расклад святкаванняў

15 мая — катэдра ў Пінску:
17.00 — арганны канцэрт і рэфераты на тэму гісторыі касцёла і св. Андрэя Баболі
18.00 — урачыстая святая Імша, якую ўузначаліць Апостальскі Нунцый ў Беларусі арцыбіскуп Клаўдыё Гуджэроцці

16 мая — касцёл у Іванаве:
10.00 — малітва каля крыжоў на месцы мучаніцкай смерці св. Андрэя Баболі
10.15 — працэсія з месца мучаніцтва да парафіяльнага храму
11.00 — канцэрт і даклады на тэму гісторыі культу св. Андрэя Баболі
12.00 — урачыстая святая Імша
14.00 — малітва пры брацкай магіле, дзе пахаваны кс. Вітальд Івіцкі, Генеральны вікарый Пінскай дыяцэзіі, ахвяра Другой сусветнай вайны (быў арыштаваны і расстраляны разам з іншымі заложнікамі).
Гэтае забойства было помстай гітлераўцаў за вызваленне з пінскай турмы партызанаў i за смерць двух немцаў, вартаўнікоў вязніцы.

Душпастырства моладзі пры грэка-каталіцкай парафіі Маці Божай Нястомнай Дапамогі ў Мінску запрашае на малітву паволде традыцыі Супольнасці Тэзэ
і сустрэчу з бр. Бенуа з гэтай Супольнасці.

Сустрэча ў парафіі адбудзецца ў панядзелак 29 красавіка.

Праграма сустрэчы:

19.30 — малітва паводле традыцыі Супольнасці Тэзэ
20.30 — сустрэча з бр. Бенуа

Адрас парафіі: г. Мінск, зав. Снежны 7.

Кантактная інфармацыя:
+375 33 657 34 50 а. Антон CSsR

24 красавіка ў свеце адзначаецца дзень памяці ахвяраў генацыда армянаў. У гэты дзень у капліцы Маці Божай Нястомнай Дапамогі ў Мінску на Боскай літургіі узгадалі ахвяраў генацыду армянскіх хрысціянаў. Прысутныя вернікі памаліліся за супачын нявінных ахвяраў.