Расклад Службаў у грэка-каталіцкіх парафіях Мінска

Парафія Праведнага Язэпа і Парафія святога Міколы Цудатворцы
(ў капліцы Душпастырскага Цэнтра святога Язэпа: вул. Арджанікідзэ д. 6, ст. метро «Аўтазаводская»)
гадз. 10.00 – Вячэрня з Літургіяй св. Васіля Вял.;
Асвячэнне велікодных страваў

Адышла ў вечнасць Маці Апостальскага Нунцыя ў Беларусі

Увечары Вялікай пятніцы – 29 сакавіка 2013 г. у Вероне (Італія) адышла ў вечнасць слуга Божая Ілка Джавана Малані Гуджэроцці – Маці Архібіскупа Клаўдзія Гуджэроцці, Апостальскага Нунцыя ў Беларусі. Маці прадстаўніка Святога Айца было 99 гадоў.

Архібіскупу Ўладыцы Клаўдзію прыносім шчырыя спачуванні.

Раніцай, 30 сакавіка, заўпакойную паніхіду за супакой спачылай Ілкі ўзначаліў Архімандрыт Сяргей (Гаек) перад Плашчаніцай Гасподняй у храме Душпастырскага цэнтра святога Язэпа ў Мінску.

“Супакой, Госпадзе, душу спачылай слугі Тваёй Ілкі Джаванны і ўчыні ёй вечную памяць”.

Расклад Службаў у грэка-каталіцкіх парафіях Мінска

Парафія Праведнага Язэпа і Парафія святога Міколы Цудатворцы
(ў капліцы Душпастырскага Цэнтра святога Язэпа: вул. Арджанікідзэ д. 6, ст. метро «Аўтазаводская»)
гадз. 18:30 – Вячэрня з выносам Плашчаніцы
і Ерусалімская Ютрань Пахавання Гасподняга

Расклад Службаў у грэка-каталіцкіх парафіях Мінска

Парафія Праведнага Язэпа і Парафія святога Міколы Цудатворцы
(ў капліцы Душпастырскага Цэнтра святога Язэпа: вул. Арджанікідзэ д. 6, ст. метро «Аўтазаводская»)
гадз. 18:30 – Вячэрня з Літургіяй св. Васіля Вял. 
і Ютрань 12-ці Евангелляў Мукаў Хрыстовых
Споведзь

Сёлета католікі ўсяго свету адзначаць Вялікдзень 31 сакавіка. Гэтае свята яны перажывуць з новым Пантыфікам — папам Францішкам. Вашай увазе прадстаўляем расклад велікодных перадач з удзелам беларускіх іерархаў і трансляцый з Ватыкана на каналах беларускага ТБ.

Расклад Службаў у грэка-каталіцкіх парафіях Мінска

Парафія Праведнага Язэпа і Парафія святога Міколы Цудатворцы
(ў капліцы Душпастырскага Цэнтра святога Язэпа: вул. Арджанікідзэ д. 6, 
ст. метро «Аўтазаводская»)

ВЯЛІКІ ПАНЯДЗЕЛАК – 25.03.2013
гадз. 18:30 – Дабравешчанне Найсв. Багародзіцы
Вячэрня з Літургіяй св. Яна Залатавуснага

ВЯЛІКі АЎТОРАК – 26.03.2013
гадз. 18:30 – Літургія раней асвячаных Дароў

ВЯЛІКАЯ СЕРАДА – 27.03.2013 
гадз. 17:30 – Споведзь
гадз. 18:30 – Літургія раней асвячаных Дароў

ВЯЛІКІ ЧАЦВЕР – 28.03.2013
гадз. 18:30 – Вячэрня з Літургіяй св. Васіля Вял. 
і Ютрань 12-ці Евангелляў Мукаў Хрыстовых
Споведзь

ВЯЛІКАЯ ПЯТНІЦА – 29.03.2013
гадз. 18:30 – Вячэрня з выносам Плашчаніцы
і Ерусалімская Ютрань Пахавання Гасподняга
Споведзь

ВЯЛІКАЯ СУБОТА – 30.03.2013
гадз. 10.00 – Вячэрня з Літургіяй св. Васіля Вял.; Асвячэнне велікодных страваў

Начное чуванне і малітва за Папу Францішка.

У мінскім грэка-каталіцкім Душпастырскім цэнтры па вул. Арджанікідзе д. 6,
у ноч з 23 на 24 сакавіка 2013 г. пройде начное чуванне моладзі і малітва за Папу Францішка.

"Несці цеплыню надзеі" - гэта словы якія Папа Францішак накіраваў да вернікаў 19 сакавіка 2013 г.
- у дзень інаўгурацыі свайго служэння як Біскуп Рыму.
Гэтыя словы будуць інспірацыяй малітоўнага чування.

20 сакавіка ў Апостальскай Сталіцы адбылася сустрэча Надзвычайнага і Паўнамоцнага Пасла Рэспублікі Беларусь пры Святым Пасадзе Сяргея Алейніка з Дзяржаўным сакратаром кардыналам Тарчызіа Бэртонэ і прэфектам Кангрэгацыі па справах Усходніх Цэркваў кардыналам Леанарда Сандры.

Як паведамілі агенцтву «Интерфакс» у прэс-службе Міністэрства замежных спраў Рэспублікі Беларусь, у ходзе сустрэч былі абмеркаваны перспектывы далейшага развіцця беларуска-ватыканскага супрацоўніцтва ў розных сферах.

Вялікапостныя рэкалекцыі ў мінскіх грэка-каталіцкіх парафіях Праведнага Язэпа і св. Мікалая пройдуць у Душпастырскім цэнтры па вул. Арджанікідзе д. 6, з 23 па 25 сакавіка 2013 г.
Рэкалекцыі будзе праводзіць а. Васіль Ягораў з Магілёва.

Пад час рэкалекцыяў будзем духоўна рыхтавацца да перажывання Вялікага Тыдня і Свята Уваскрасення Хрыстова. Будзе магчымасць прыступіць да споведзі.

Новым Папам абраны кардынал Хорхе Марыё Бергольё. Яго абранне адбылося 13 сакавіка падчас вячэрняй сесіі канклаву.

У 21 гадзіну 6 хвілін (па беларускім часе) з коміна Сікстынскай капэлы пайшоў белы дым, пачалі біць званы базылікі Святога Пятра, а праз некаторы час кардынал-протадыякан Жан-Луі Таран абвясціў імя Папы, да гэтага — кардынала Бергольё, які ўзяў сабе імя Францішак. Праз некалькі хвілін сам новаабраны Папа выйшаў на лоджыю, каб прывітаць вернікаў.

Новы Папа стаў 266-м, і гэта першы Папа, які паходзіць з Лацінскай Амерыкі. Яму 76 гадоў. Яго папярэднік, сённяшні Рымскі Пантыфік на пенсіі Бэнэдыкт XVI, 11 лютага падчас кансісторыі ў Апостальскай Сталіцы, абвясцііў аб сваім рашэнні скласці з сябе паўнамоцтвы Наступніка святога Пятра.