Простая трансляцыя з грэка-каталіцкай парафіі св.Язафата ў г.Ліда. 02.05.21, 11:00.

 

 

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы!

Тысячы габрэяў звярталіся па дапамогу да Пія XII. Гісторыкі вывучаюць матэрыялы пантыфікату часоў вайны. 

 

Нямецкі гісторык Губерт Вольф з Мюнстэра разам з групай іншых гісторыкаў адшукаў у ватыканскіх архівах каля 15 тысяч лістоў-петыцый ад габрэяў з усёй Еўропы, якія звярталіся да Папы Пія ХІІ аб дапамозе ў сувязі з пераследам нацыстамі.

«Гэтыя лісты з’яўляюцца значнымі асабістымі гісторыямі, якія ўзрушваюць сведчаннямі пра пераслед, цярпенні і жах падчас кіравання нацыстаў», — адзначыў Вольф у інтэрв’ю нямецкаму каталіцкаму выданню Herder Korrespondenz.

Надзея ўсіх канцоў зямлі, найсьвятая Багародзіца,
анёлаў вялікае зьдзіўленьне, прарокаў ўзвышанае прапаведаваньне,
апосталаў хвала, мучанікаў цьвёрдае ўмацаваньне,
біскупаў выдатнае ўпрыгожаньне, уладароў непераможная дзяржава,
цэркваў пачэсная краса, манахаў сьвятая надзея,
посьнікаў непарушная моц, верных пэўная абарона,
аздараўленьне хворых, добрая правадніца тых, што зблудзілі,
хуткая заступніца ў бядзе, суцяшэньне тых, каго ненавідзяць,
карміцелька сіротаў, ціхая радасьць матак, настаўніца мудрасьці для малых,
спакойнае прыстанішча для тых, што плаваюць, спадарожніца падарожных,
супакой для спрацаваных, невычэрпнае багацьце бедных,
покрыва і прытулак для пакрыўджаных, пацяшэньне сумных,
прымірэньне з Богам грэшнікаў, надзейная абарона ўсіх хрысьціянаў
і вядомае збаўленьне ўсяго сьвету!

Усхваляю Цябе анёльскім прывітаньнем: Радуйся, поўная ласкі Дзева, Маці Багародзіца,
зямное неба, адухоўленая сьвятыня, хорам прасторны, селішча Бога незьмяшчальнага,
сьветлы ліхтар, памочніца, хутчэйшая за маланку, зорка незаходная,
чаша, што мае ў сабе віно збаўленьня, купеля, што абмывае грахі,
узвышэньне роду людзкога, пасад Хлеба Жыцьця, Маці Хрыста Бога нашага!
Малі Яго, каб Тваім заступніцтвам выбавіў мяне ад вечнае мукі,
цяпер і заўсёды, і на вякі векоў. Амін.

Песьня хвалебная сьв. Кірылы Тураўскага

 

Дай, добры Божа, зару й сонца бачыць,

Тваёю ласкай захавай ад грэху:

К Табе ўздыхае маё сэрца, плачыць –

Дай ў Тваёй сіле мне знайсьці пацеху.

 

Ты сьвет уладзіў на людзкую службу –

Такі карысны і такі прыгожы,

Каб мы, ўвайшоўшы з гэтым сьветам ў дружбу,

Цябе хвалілі, найлепшы наш Божа!

 

Табе малюся, Божа міласьцівы,

Дай мне ўбачыць сьвет Твой найясьнейшы –

Цябе самога і ўсе ў небе дзівы –

На векі вечны Божа наймілейшы!

 

Тваёю моцай і я моцны стану –

Айца, і Сына, і Духа Сьвятога –

Тройцу адзіну, калі ў неба гляну,

Хваліці буду Стварыцеля Бога.

 

Будзь слава Богу ў Тройцы ўсемагутнай

І жыватворчай, вечнай назаўсёды,

І неразьдзельнай, і адзінасутнай,

У Божай моцы – знак любові-згоды.

 

Вершаваны пераклад на сучасную беларускую мову а. Язэпа Гэрмановіча

Святы Кірыла Тураўскі – жыццё і галоўныя матывы творчасці

Кірыла Тураўскі займае выключнае месца ў беларускай гісторыі. Манах-аскет, ахвярны пастыр, таленавіты пісменнік і прапаведнік, “другі Залатавусны”, як называлі Кірылу за красамоўства, стаўся адным з найбольш вядомых усходне-славянскіх духоўных дзеячаў ХІІ стагоддзя. Паводле а. Аляксандра Надсана, Кірыла Тураўскі быў выдатным, хоць і не вельмі арыгінальным багасловам у часы, калі багаслоўская думка ў нашай краіне рабіла толькі першыя нясмелыя крокі. Той самы даследчык называе яго найбольш значным з усіх ранніх беларускіх пісьменнікаў і першым вядомым беларускім паэтам. Вялікая колькасць рукапісных твораў сведчыць пра папулярнасць святога Кірылы не толькі сярод беларусаў, але ва ўсім славянскім свеце ад Ноўгарада да Сербіі і Баўгарыі.

Першы нумар друкаванага выдання, адзінага ў Віцебскай дыяцэзіі, выйшаў у красавіку 2011 года з блаславення Біскупа Уладзіслава Бліна.

3 снежня 2012 года распачаў працу сайт газеты Catholicnews.by.

«Адзіная мэта, дзеля якой існуе медыяпраект „Каталіцкі веснік“, — гэта абвяшчэнне Евангелля беларусам і не толькі. Мы вельмі горача жадаем, каб Добрая вестка пра збаўленне чалавека ўвайшла ў кожны дом!» — адзначаецца на сайце выдання.

Кананізацыя Яна XXIII і Яна Паўла II мела месца ў Рыме 27 красавіка 2014. 

 
Была гэта літургічная цырымонія беспрэцэдэнтная ў гісторыі Царквы. Назвалі яе Імшой чатырох Папаў: двое былі ўзведзены да славы алтароў папам Францішкам у прысутнасці яго папярэдніка на пенсіі Бэнэдыкта XVI. 

 

МАЛІТВА ЗА БЕЛАРУСЬ ПРАЗ ЗАСТУПНІЦТВА СЬВЯТОГА ПАПЫ ЯНА ПАЎЛА II
О Найсьвяцейшы Трыадзіны Божа, дзякуем Табе, за тое, што дараваў Царкве Папу Яна Паўла ІІ, у якім зазьзяла Твая айцоўская дабрыня, слава Крыжа Гасподняга і хараство Духа любові.
Ён, цалкам давяраючы Тваёй бясконцай міласэрнасьці і матчынаму заступніцтву Прачыстай Дзевы Марыі, даў нам жывы прыклад Ісуса Добрага Пастыра.
Ён паказаў сьвятасць як узор штодзённага хрысьціянскага жыцьця, як шлях для дасягненьня вечнай еднасьці з Табою, Божа.
Праз Яго заступніцтва, дай нам Божа, асаблівае блаславеньне для нашай Бацькаўшчыны - Беларусіі для ўсяго беларускага Народу.Амін.

У панядзелак 26 красавіка ў маскоўскім францішканскім кляштары Меншых Братоў Канвентуальных адбылося адмысловае набажэнства, удзельнікі якога памаліліся за ўсіх загінулых і пацярпелых у выніку аварыі на ЧАЭС, а таксама аб пераадоленні наступстваў Чарнобыльскай катастрофы.

У памяць аб гэтай трагічнай падзеі, якая адбылася 35 гадоў таму, на супольную малітву сабраліся католікі Маскоўскага рэгіёна і прадстаўнікі беларускай дыяспары. Цэлебрацыю святой Імшы ўзначаліў айцец Дарыюш Харасімовіч OFMConv, кусташ Расійскай кустодыі Меншых Братоў Канвентуальных. Разам з ім служылі айцец Пётр Карнялюк OFMConv і протаархімандрыт айцец Петрас Есаян, пробашч армяна-каталіцкай парафіі святога Рыгора Асветніка.

Полацкая парафія св. Язафата з'яўляецца адзінай супольнасцю Беларускай Грэка-Каталіцкай Царквы, якая мае асаблівы каляндар. Нерухомыя святы вернікі тут святкуюць паводле грыгарыянскага календара, а Вялікдзень і ўсе святы, якія адлічваюцца ў залежнасці ад даты Вялікадня - паводле юліянскага. Менавіта таму 25 красавіка 2021 г. парафія адзначала свята Уваходу Госпада нашага Ісуса Хрыста ў Ерусалім.

 

У гэтым часе для вернікаў адбыліся духоўныя навукі, якія правёў а. Зміцер Чарнель, рэдэмптарыст. Лазарава субота і Вербная нядзеля сталі падставай для разважанняў над тэмамі ўдзячнасці і міласэрнасці. Айцец згадаў парады Папы Францішка, які шырока апісвае, як мы павінны рэалізоўваць міласэрнасць да іншых у нашым жыцці. Папа жадае звярнуць увагу на тры рэчы.

Кардынал Леанарда Сандры - Прэфект Кангрэгацыі Усходніх Цэркваў прыняў удзел у Літургіі, прымеркаванай да 106-гадавіны генацыда армянскага народа. Яна прайшла 24 красавіка 2021 г. у Папскім армянскім калегіуме ў Рыме.

Літургію ўзначаліў архібіскуп Рафаэль Мінасян, ардынарый для вернікаў Армяна-Каталіцкай Царквы ва Усходняй Еўропе. У ёй прынялі ўдзел прадстаўнікі рымскай армянскай супольнасці і дыпламаты.