МІНСК - св. Імша перад катэдральны саборам.

 
11 чэрвеня 2020, з нагоды ўрачыстасці Найсвяцейшага Цела і Крыві Хрыста, арцыбіскуп Тадэвуш Кандрусевіч цэлебраваў святую Імшу перад уваходам у мінскі катэдральны касцёл Найсвяцейшага Імя Марыі, на заканчэнне якой узначаліў Эўхарыстычную працэсію ў незвычайным фармаце.

Урачыстая святая Імша на плошчы перад галоўнай святыняй Мінска-Магілёўскай архідыяцэзіі сабрала не менш за 250 вернікаў. З дапамогаю анлайн-трансляцыі на партале Catholic.by да іх духоўна далучыліся яшчэ каля тысячы ўдзельнікаў.

Урачыстасць Найсвяцейшага Цела і Крыві Хрыста, якая сёлета адзначаецца 11 чэрвеня, пройдзе без традыцыйных працэсій па вуліцах, аднак адмысловыя Эўхарыстычныя набажэнствы ў сталіцы ўсё ж такі адбудуцца ў незвычайным фармаце. 

У нядзелю 14 чэрвеня 2020 да св. Імшы і працэсіі перад Чырвоным касцёлам (у 11:00 гадз.) далучыцца грэка-каталіцкая парыфія св. Духа. 

Згодна з рашэннем 78-а Надзвычайнага пленарнага пасяджэння Канферэнцыі Каталіцкіх Біскупаў у Беларусі ад 25 мая, з-за складанай эпідэміялагічнай сітуацыі былі адменены працэсіі Божага Цела па вуліцах гарадоў і іншых населеных пунктаў нашай краіны. У Мінску замест агульнагарадской працэсіі, якая штогод збірала тысячы ўдзельнікаў, было вырашана правесці два адмысловыя Эўхарыстычныя набажэнствы.

Асаблівае блаславенне для ўсіх удзельнікаў Эстафеты малітвы за медыкаў даслаў грэка-каталіцкі Ўладыка Бенядыкт (Алексійчук), праўлячы епіскап украінскай епархіі св. Мікалая ў Чыкага (США). У 1993-1995 гг. ён нёс душпастырскае служэнне ў парафіі ў Полацку (дзе пабудаваў храм св. Параскевы Полацкай) ды акармляў грэка-каталіцкія супольнасці ў шматлікіх гарадах Беларусі. Уладыка мае мэдычную адукацыю і перад навучаннем у семіннарыі ў Драгобычы працаваў як медработнік.

“Далучаюся да вашай эстафеты малітвы за медыкаў і медработнікаў у дарагой майму сэрцу Беларусі. Дзякуйма Госпаду за іхнюю ахвярную працу” – выказаўся Ўладыка Бенядыкт у Viber.

У нядзелю Пяцідзясятніцы, 7 чэрвеня 2020, у грэка-каталіцкай парафіі ў Полацку пачалася эстафета малітвы за медыкаў.

Урачыстую Літургію свята Зыходу Святога Духа (паводле юліянскага календара) у парафіяльным храме св. Параскевы Полацкай адслужылі апостальскі візітатар для грэка-католікаў Беларусі архімандрыт Сяргей (Гаек) і настаяцель парафіі а. Аляксандр Шаўцоў.

(Мц 10, 32-33, 37-38; 19, 27-30)

Што такое святасць? Хто такі святы чалавек?

Казанне а. Андрэя Буйніча на Нядзелю Усіх Святых. Нядзеля 7 чэрвеня 2020.

Простая трансляцыя Боскай Літургіі з капліцы парафіі св. Язафата ў г. Ліда. 07.06.2020, 11:00 беларускага часу.

Запрашаем далучыцца да Літургіі Нядзелі ўсіх святых анлайн! Проста перайдзіце па спасылцы https://www.youtube.com/watch?v=Gymz5b4P_cU

****

Падпішыцеся на ютуб-канал Andrei Buinich - будзь з намі ў кантакце, каб ведаць пра ўсе нашы трансляцыі і цікавыя відэаматэрыялы!

1 чэрвеня Папа Францішак прызначыў новым Апостальскім нунцыем у Расійскай Федэрацыі арцыбіскупа Джаванні Д’Аньелла.

Пра гэта афіцыйна паведаміла прэс-служба Святога Пасаду.

Арцыбіскуп Джаванні Д’Аньелла нарадзіўся 5 студзеня 1955 года ў горадзе Авэрса ў Кампаньі на поўдні Італіі. Святарскае пасвячэнне прыняў 8 снежня 1978 года. 1 чэрвеня 1983 года як спецыяліст у галіне кананічнага права распачаў дзейнасць на дыпламатычнай службе Святога Пасаду. Працаваў у Апостальскіх нунцыятурах у Бурундзі, Тайландзе, Ліване і Бразіліі.

Вярнуўшыся ў Ватыкан, займаў пасаду ў аддзеле па адносінах з дзяржавамі Дзяржаўнага Сакратарыяту.

Час малітвы за святароў.

З ініцыятывы ўдзельнікаў Багаслоўскай адукацыйнай праграмы “Гаразд”, з Панядзелка Святога Духа – 1 чэрвеня 2020, пачалася духоўная акцыя малітвы за святароў і семінарыстаў Беларускай Грэка-Каталіцкай Царквы.

Захоўваючы неабходныя санітарныя абмяжаванні колькасці ўдзельнікаў багаслужэнняў, малітва пачалася Боскай Літургіяй у храме грэка-каталіцкай парафіі Праведнага Язэпа ў Мінску.

Пасля Літургіі прадстаўнікі праграмы “Гаразд” сабраліся на семінар, на якім коратка ўзгадалі Папу Яна Паўла ІІ і ягоную энцыкліку пра Духа Святога Dominum et Vivificantem (“Госпада і Жыццядаўцу”).

У візантыйскай літургічнай традыцыі Панядзелак Пяцідзесятніцы прысвечаны асабліваму ўшанаванню Святога Духа.

Віншуем Пробашча а. Андрэя Абламейку і вернікаў грэка-каталіцкай парафіі Святога Духа ў Мінску, віншуем асабліва дзетак Парафіі, якія дасылаюць усім святочнае віншаванне. Разам з імі чытаем малітву: Уладару нябесны, Суцяшальніку, Духу праўды...

Развітальнае слова архімандрыта Сяргея (Гаека) на пахаванні айца праф. Вацлава Грыневіча OMI ў Кодані, 30 мая 2020 г.

Шаноўны Ойча прафесар Вацлаў,

У дзень Твайго пахавання ў Кодані над Бугам я хацеў бы перадаць Табе словы развітання і падзякі ад хрысціян розных традыцый і канфесій у Беларусі: грэка-католікаў, рыма-католікаў, праваслаўных і пратэстантаў.

Мы дзякуем Уваскросламу Хрысту за Твой нястомны подзвіг глыбокага разважання над Пасхальнай Таямніцай Хрыста (Pachale Mysterium Christi).

Твая пасхальная трылогія "Хрыстос - наша Пасха" для многіх хрысціян на ўсход ад Буга (і аж да Уладзівастока) стала крыніцай духоўнай сілы на шляху прымірэння і супольнага сведчання Евангелля.