Слава Ісусу Хрысту!

Вітаем Вас на сайце Менскай грэка-каталіцкай парафіі Праведнага Язэпа!
”У Сьвятым Евангельлі сустракаем нямала апісаньняў учынкаў сьв. Язэпа, аднак ніколі не прачытаем ягоных словаў – сапраўды, часамі ўчынкі гавораць больш, чым словы, ды ўвогуле без учынкаў наша вера мёртвая (Як. 2:17). Гэты сайт перадусім пра нашыя чыны і хай яны будуць гэтак жа плённыя, як чыны сьв. Язэпа” – пісаў тут протапрэзьбітар Андрэй Абламейка, былы пробашч парафіі Праведнага Язэпа і першы рэдактар сайта.

Гэты сайт і надалей хоча распавядаць пра розныя праявы жыцьця нашае парафіі: нашыя чыны, праекты, імкненьні і мары. А паколькі Грэка-каталіцкі цэнтр сьвятога Язэпа ўсё больш і больш выпаўняе заданьне інфарматыўнага цэнтра – будзем і надалей тут памяшчаць інфармацыю, што датычыць жыцьця ўсёй Беларускай Грэка-Каталіцкай Царквы ды іншых Усходніх Каталіцкіх Цэркваў.

 

Пошук

Каляндар

 

Навіны


21.10.2010
“Жыццё для Беларусі”Прэзентацыя кнігі а. Аляксандра Надсана ў Мінску

21 кастрычніка 2010 г. у бібліятэцы Нацыянальнай акадэміі навук прайшла прэзентацыя кнігі «Сонца тваё не закоціцца, і месяц твой не схаваецца», якая з’яўляецца зборнікам артыкулаў па беларусістыцы і багаслоўі выдадзеным у гонар 80-годдзя з дня нараджэння і 50-годдзя святарства мітрафорнага протаярэя Аляксандра Надсана, Апостальскага Візітатара для беларусаў грэка-католікаў замежжа і рэктара Беларускай каталіцкай місіі ў Лондане.
Кніга выдадзена мінскім выдавецтвам “Тэхналогія”.
21.10.2010
TAIZE 2010Міжпарафіяльная група з Мінска

У канцы кожнага году Cупольнасць Тэзэ (Taize) арганізоўвае сустрэчу хрысціянскай эўрапейскай моладзі.
Сёлетняя сустрэча адбудзецца ў Ротэрдаме (Нідэрланды) з 28 снежня 2010 па 1 студзеня 2011. Сярод розных групаў пілігрымаў з Беларусі з Мінска рыхтуецца міжпарафіяльная група, якую збіраюць:
рыма-каталіцкая Парафія св. Яна Хрысціцеля (для кантакта: katalik@tut.by) і грэка-каталіцкая Парафія св. Міколы Цудатворцы (для кантакта: shybeka@gmail.com)
20.10.2010
Малітоўны ўспамін Берасцейскага ўнійнага сабору 1596 г.Штогод 16-18 кастрычніка грэка-католікі Беларусі адзначаюць успамін Берасцейскага сабору, які праходзіў ў 1596 г. 6-8 кастрычніка (16-18 кастрычніка па грыгарыянскім календары, які тады ўводзіўся ў Рэчы Паспалітай) .

На гэтым саборы было абвешчана аднаўленне царкоўнай еднасці Кіеўскай мітраполіі з Рымскім Апостальскім Пасадам. Усходнія епархіі на тэрыторыі сённяшняй Беларусі і Украіны, якія прынялі Берасцейскую Унію сталі часткай царкоўнай структуры, якая атрымала імя Уніяцкай Царквы.
16.10.2010
ВІЦЕБСК: Свята для маці 15 кастрычніка 2010 г. у Віцебску адбыўся святочны вечар для маці, якія выхоўваюць дзетак с асаблівасцямі псіха-фізычнага розвітку.
Вечар быў арганізаваны Хрысціянскім валанцёрскім рухам св. Мікалая, які дзейнічае пры віцебскай грэка-каталіцкай парафіі Уваскрасення Хрыстовага ды быў ён прысвечаны штогадоваму Дню Маці.
1.10.2010
Школа танцаў для непоўнаспраўныхВаланцёры, што дапамагаюць непоўнаспраўным - Руху св. Мікалая з Віцебска прынялі ўдзел у Школе танцаў на інвалідных калясках, якая нядаўна адбылася ў Івана-Франкоўску (Украіна). Школу правадзіла каманда з Кіева на чале з вядомым інструктарам па танцах Міхаілам Савельевым.

Былы лётчык-выпрабавальнік, пасля трагічнай аварыі быў прыкуты да інваліднай каляскі. Тады і вынікла яго зацікаўленнасць танцамі на калясках. Дзякуючы ім падняўся на ногі. Зараз прафесыйна займаецца танцамі і дапамагае непоўнаспраўным людзям ізноў паверыць у сябе і свае сілы.
1.10.2010
Прэзэнтацыя кнігі твораў Казіміра Сваяка30 верасня 2010 г. ў грэка-каталіцкім душпастырскім цэнтры св. Язэпа ў Мінску прайшла вечарына-прэзэнтацыя кнігі выбраных твораў паэта – каталіцкага святара Казіміра Сваяка, якая выйшла ў серыі Беларускі кнігазбор , 2010

У вечарыне прынялі ўдзел пісменнікі і навукоўцы: Адам Мальдзіс, Кастусь Цвірка, Леанід Дранько-Майсюк ды ўкладальнік кнігі Ірына Багдановіч.

Творы Казіміра Сваяка прагучалі ў мастацкім выкананні вакальнага ансамбля ўдзельнікаў хору Архікатэдральнага касцёла і групы чытальнікаў.

Арганізатарамі вечарыны былі грэка-каталіцкі Клуб інтэлегенцыі імя св. Кірылы Тураўскага і Рэспубліканскае аддзяленне міжнароднай асацыяцыі беларусістаў.
29.09.2010
30 верасня пачнецца “Навэнна” - 9-дзённая падрыхтоўка да святкавання 300-годдзя мінскай архікатэдрыЗ 30 верасня па 8 кастрычніка 2010 г., з нагоды святкавання 300-годдзя кансэкрацыі сучаснай мінскай архікатэдры Імя Найсвяцейшай Панны Марыі, распачнецца Навэнна.

На працягу дзевяці дзён з дакладамі і паведамленнямі ў архікатэдры выступяць прадстаўнікі Каталіцкага Касцёла і Праваслаўнай Царквы, гісторыкі і тэолагі.
29.09.2010
Былы Рэктар Collegium Orientale будзе падвышаны ў сан архімандрытаУладыка Мілан (Шашык), біскуп Мукачаўскай грэка-каталіцкай епархіі надасць годнасць архімандрыта Андрэасу Цірмаеру, былому рэктару Collegium Orientale ў Айхштэце (Нямеччына).

Ягоная хіратэсія, гэта значыць увядзенне ў сан архімандрыта, адбудзецца 10 кастрычніка гэтага году.
28.09.2010
Літургіка для пачынаючыхКатэхетычна-літургічныя сустрэчы ў св. Язэпа

У сераду 29 верасня 2010 г. у 19:30 пачынаюцца Катэхэтычна-літургічныя сустрэчы пры душпастырскім цэнтры св. Язэпа.

У гэтым годзе сустрэчы складаюцца з двух цыклаў, што будуць чаргавацца між сабой:
Літургіка для пачынаючых
і бяседы на тэмы Хрысьціянства і ... .

Катэхетычна сустрэчы будуць праходзіць у памяшканні грэка-каталіцкага цэнтру св. Язэпа (ст.м. Аўтазаводская, па ходу цягніка налева, далей адразу па вул. Цэнтральная 3-ці паварот направа).

Сустрэчы праводзіць а. Алесь Аўдзяюк.

Запрашаем усіх жадаючых
28.09.2010
Сацыяльнае служэнне ва Ўсходнім протапрэзбітарацеПачатак новага душпастырскага году прынёс новыя ініцыятывы сацыяльнага служэнна ў грэка-каталіцкіх парафіях Усходняга протапрэзбітарата (дэканата). Ніжэй даём кароткія інфармацыі пра некаторы мерапрыемствы.

Усе гэтыя ініцыятывы праводзіліся з удзелам валянцёраў з хрысціянскага Руху св. Мікалая (гл. лінк: http://www.belarus.betel-charity.org) а ў іх правядзенні ўдзельнічалі людзі розных веравызнанняў і светапоглядаў.

Copyright 2008 Язэп.org
Пры выкарыстаньні матэрыялаў пажадана спасылка.
Design by Zmicier