Кніга вядомага беларускага навукоўца, доктара гістарычных навук, прафесара Леаніда Лыча “Уніяцкая Царква ў Беларусі. Этнакультурны аспект” выйшла ў міскім выдавецтве “Кнігазбор” напрыканцы 2010 г.

28 студзеня 2011 г. прайшла прэзентацыя гэтай кнігі ў рамках духовай сустрэчы грэка-каталіцкага Клуба інтэлігэнцыі імя Кірылы Тураўскага, які дзейнічае пры Парафіі Праведнага Язэпа.

Кнігу прэзентаваў кандыдат гістарычных навук Вадзім Аніпяркоў а прысутны Аўтар расказаў пра сваю працу над кнігай, якая была напісаная 15 год таму, ды адказваў на пытанні прысутных.

Удзельнікі сустрэчы былі згоднымі, што гісторыя Уніяцкай Царквы ў Беларусі ўсё ж мала яшчэ вядомая грамадству і патрабныя новыя яе апрацаванні.

27 студзеня Царква ўспамінае блаславёнага Юрыя (Матулевіча), біскупа Віленскага, які быў першым ардынярыем для парафіяў візантыйскага абраду, што знаходзіліся на тэрыторыі Віленскай дыяцэзіі.

Блаславёны Юры Матулевіч быў аднавіцелем Ордэну Марыянаў, біскупам віленскім (1918-1925)і стала падтрымліваў ідэю еднасьці Царквы.
Яшчэ ў 1921 годзе (да пачатку т. зв. нэа-унійнай акцыі ён прасіў у кангрэгацыі Усходняй Царквы права служыць у ва ўсходнім абрадзе для двух лацінскіх сьвятароў Міхала Пятроўскага і Антона Зянкевіча. Быў тым хто паспрыяў здзяйсьненьню сьвятарскага пакліканьня а. Баляслава Пачопкі.

Блаславёны сьвяціцель Юры меркаваў, што ерархія і структура Ўніяцкай Царквы павінны быць якнайхутчэй адноўленыя. Ён быў прыхільнікам працы езуітаў у Альберціне і базыльянаў у Таракані.

18–25 студзеня 2011 г. ва ўсім свеце праходзіць 44 Тыдзень малітваў за адзінства хрысціянаў. Да гэтай малітвы далучаецца і Каталіцкі Касцёл у Беларусі.

У межах тыдня 22 студзеня ў мінскай архікатэдры Імя Найсвяцейшай Панны Марыі (пл. Свабоды, 9) адбудзецца супольная малітва прадстаўнікоў розных хрысціянскіх канфесій Беларусі. Удзел у службе прыме Апостальскі Візітатар БГКЦ архім. Сяргей Гаек.
18.30 — літургія, якую ўзначаліць Апостальскі нунцый у Беларусі Марцін Відавіч;
19.30 — экуменічнае набажэнства, пасля якога адбудзецца ламанне хлеба паміж удзельнікамі.

Сёлета матэрыялы Тыдня малітваў аб адзінстве хрысціянаў падрыхтаваны хрысціянамі ў Іерусаліме. Дэвізам стануць евангельскія словы з Дзеяў Апосталаў: «Яны заставаліся вернымі вучэнню Апосталаў і супольнасці, ламанню хлеба і малітвам».

Паводле Catholic.by

15 студзеня ў Селютскім доме-інтернаце, што пад Віцебскам, ў рамках рэалізацыі акцыі “Св. Мікалай ідзе да дзяцей” адбыўся святочны вечар для людзей з асаблівасцямі псіха-фізічнага развіцця і састарэлых. Мерапрыемства было праведзена валанцёрамі руху св. Мікалая грэка-каталіцкай парафіі Уваскрасення Хрыстова на чале з айцом Зміцерам Грышанам сумесна з валанцёрамі рыма-каталіцкай парафіі Святога Духа на чале з ксяндзом Андрэем Каліцякам SDS. Пад час правядзення вечару моладзь падрыхтавала цікавую музычную, конкурсную і забаўляльную праграму, а таксама, салодкія падарункі, якія карыстаюцца вялікім попытам сярод насельнікаў інтернату. Як адзначылі арганізатары акцыі, існуе рэальная неабходнасць міжпарафіяльнага супрацоўніцтва ў справе розвітку дабрачыннага служэння і акцыя стала добрым таго прыкладам.

а. Аляксандр Шыбека

16 студзеня адзначаўся 97-ы Сусветны дзень мігрантаў і бежанцаў. У сваім звароце да вернікаў перад малітвай Анёл Гасподні Святы Айцец Бенядыкт XVI заклікаў маліцца за хрысціянаў, якія з розных прычынаў вымушаны былі пакінуць свае землі, шукаючы лепшых умоў жыцця. Уважлівае разважанне над гэтым досведам дазваляе станавіцца людзьмі, здольнымі жыць у братэрскіх адносінах, каб ва ўсіх сферах грамадскага, палітычнага, культурнага жыцця павялічвалася разуменне і ўзаемная павага паміж народамі і культурамі.

16-17 студзеня ў многіх краінах свету адбываюцца малітвы аб развіцці дыялогу паміж юдэямі і хрысціянамі. Напярэданні тыдня малітваў аб еднасці хрысціянаў, у грэка-каталіцкіх парафіях у Беларусі праходзяць малітвы аб развіцці хрысціянска-юдэйскага дыялога. Так, 16 студзеня пры грэка-каталіцкай парафіі Маці Божай Жыровіцкай, што ў Івацэвічах, адбылася ўрачыстая Літургія, у часе якой айцец Аляксандр Шыбека згадаў традыцыю добрых адносінаў паміж хрысціянамі і юдэямі ў рэгіёне Івацэвічаў, Косава, Быценя і Слоніма.

18–25 студзеня 2011 г. ва ўсім свеце будзе праходзіць 44 Тыдзень малітваў за адзінства хрысціянаў. Вашай увазе прапануем праграму Тыдня малітваў за адзінства хрысціянаў, які будзе праходзіць у парафіях Беларусі. Экуменічнае набажэнства ўключае таксама літургію слова на кожны з васьмі дзён.

Чаму цуд аздараўлення праз заступніцтва Яна Паўла II, неабходны для яго беатыфікацыі, адбыўся менавіта ў Францыі? - пытае журналіст штодзённай французскай каталіцкай газеты "La Croix" Ізабэль дэ Гуальмін.

"Некаторыя людзі шапталіся, чаму не ў Польшчы, каханай радзіме Яна Паўла II? Ці ў самым Рыме, дзе быў біскупам? Або ў Лацінскай Амерыцы ці нават у Афрыцы? - землях, якія ён з задавальненнем наведаў падчас сваіх вялікіх падарожжаў? - піша журналіст.

У календары Усходніх Цэркваў 15 студзеня прыпадае успамін св. Паўла Фіваідскага а 17 студзеня св. Антонія Вялікага – першых егіпецкіх манахаў- пыстыннікаў.
У гэтыя дні ў грэка-каталіцкіх парафіях Беларусі праходзяць адмысловыя малітвы братэрскай салідарнасці з хрысціянамі Егіпта, якія пасля тэрарыстычнага акту 31 снежня 2010 г. ў Аляксандрыі (у выніку якога загінуў 21 чалавек а каля ста атрымалі раненні) жывуць у атмасферы страху.

“Мы молімся за хрысціянаў у Егіпце і на ўсім Бліскім Усходзе, за шматлікія ахвяры перасьледу. Молімся, каб быў пачуты голас Святога Айца Бенядыкта XVI і каб згодныя высіўкі прадстаўнікоў рэлігійных супольнасцей і дзяржаўных уладаў дапамаглі забяспечыйь супакой паміж вызнаўцамі розных рэлігій” – сказаў протапрэзбітар Цэнтральна-Заходняга Дэканату БГКЦ а. Яўген Усошын пасьля Боскай Літургіі, якую адслужыў ён сёння – 15 студзеня 2011 г. у капліцы душпастырскага цэнтра парафіі Маці Божай Нястомнай Дапамогі ў Мінску.

Сёння 14 студзеня 2011 г. Яго Святасць Папа Бенядыкт ХVI прыняў на прыватнай аўдыенцыі Яго Эмінэнцыю кардынала Анджэло Амато, Прэфекта Кангрэгацыі па справах Кананізацыі.
Падчас аўдыенцыі Святы Айцец упаўнаважыў Кангрэгацыю апублікаваць дэкрэт, што тычацца цуду за заступніцтвам Найвялебнага Слугі Божага Яна Паўла ІІ ( Kарола Вайтылы) Папы Рымскага, які нарадзіўся ў Вадовіцах ( Польшча) 18 мая 1920 года і памёр у Рыме 2 красавіка 2005 года.

Папа Бенядыкт XVI упаўнаважыў апублікаваць дэкрэт аб сапраўднасці цудоўнага аздараўлення французскай манахіні Марыі-Сімонэ П’ер Норманд, якое прыпісваецца заступніцтву Яна Паўла ІІ. Гаворка ідзе пра невытлумачальныя, з медыцынскага пункту гледжання, раптоўныя знікненні сімптомаў хваробы Паркінсона.

Абрад бэатыфікацыі Слугі Божага Яна Паўла ІІ пройдзе ў Ватыкане 1 мая 2011 года, у другую Вялікодную нядзелю - Нядзелю Божай Міласэрнасці.

Паводле Радыё Ватыкан