У сувязі з візітам у Беларусь Дзяржаўнага Сакратара Папы Францішка кардынала Пьетро Параліна, 
14-15 сакавіка 2015 г. адбудзецца міждыяцэзіяльнае начное чуванне моладзі
ў мінскім касцёле святых Сымона і Алены (чырвоны касцёл).

Запрашаецца моладзь з усіх дыяцэзій Беларусі, у тым ліку і моладзь з грэка-каталіцкіх парафій. 

Адышоў да Госпада ігумен манастыра Святой Тройцы ў Вільні – а. Вінкенцій Яніцькі, ЧСВВ.

4 сакавіка 2015 г., у аўтакатастрофе каля г. Аўгустаў (у Польшчы) загінуў ігумен базыльянскага манастыра Святой Тройцы ў Вільні – святой памяці а. Вінкенцій Яніцькі, ЧСВВ.
Ён адышоў да Госпада на 42-м годзе жыцця, 25-м манаскага паклікання і 17-м святарскага служэння.

Айцец Вінкенцій ставіўся вельмі прыхільна да беларускай грамадскасці Вільні і да пілігрымаў з Беларусі. Дзверы віленскага храму і базыльянскага манастыра заўжды былі адчыненыя для беларусаў.

Вечная яму памяць!

Паведамленне Апостальскай Нунцыятуры ў Рэспубліцы Беларусь

Па запрашэнні беларускіх уладаў з 12 па 15 сакавіка адбудзецца афіцыйны візіт у Рэспубліку Беларусь Яго Эмінэнцыі кардынала Пьетро Параліна, Дзяржаўнага Сакратара Яго Святасці Папы Францішка.

Гэтым важным жэстам Рымскі Пантыфік жадае выказаць сваю глыбокую павагу да беларускага народа і праз свайго бліжэйшага супрацоўніка спаткацца з католікамі Беларусі ў малітве і еднасці сэрцаў.

П А Н І Х І Д А
У першую гадавіну смерці Рыгора Барадуліна,
у панядзелак, 2 сакавіка 2015 г., у 18:00,
у капліцы грэка-каталіцкага Цэнтра св. Язэпа па вул. Арджанікідзе д. 6,
будзе адслужаная Паніха за супакой душы спачылага Рыгора.

Пілігрымка па месцах дзейнасці святых Апосталаў Славянаў Кірыла і Мятода

Грэка-каталіцкі цэнтр пілігрымак «Бліжэй да Бога» (www.go2god.by), што дзейнічае пры парафіі Маці Божай Жыровіцкай у Івацэвічах, арганізаваў у днях 22 лютага – 1 сакавіка 2015 г. пілігрымку па святых месцах Чэхіі, Аўстрыі, Славакіі ды Польшчы.

Паколькі пілігрымка праходзіць пэрыяд 1200-годдзя нараджэння св. Мятода Салунскага, шлях пілігрымкі вядзе праз месцы звязаныя з дзейнасцю святых Апосталаў Славянаў Кірыла і Мятода, пачынаючы ад Велеграду.

Яго Святасць Папа Францішак пацвердзіў станоўчае рашэнне пленарнай сесіі кардыналаў і біскупаў, членаў Кангрэгацыі па справах Кананізацыі, адносна надання тытула Доктара Паўсюднай Царквы св. Рыгору з Нарэка, армянскаму святару і манаху, паэту і вучонаму.

Святы Айцец пазнаёміўся з дакументамі гэтай справы 21 лютага 2015 г. падчас сустрэчы з прэфектам Кангрэгацыі па справах Кананізацыі, кардыналам Анджэла Амата.

21 лютага Росіцу, дзе шматлікія вернікі разам з кансэкраванымі асобамі Віцебскай дыяцэзіі ў чарговы раз сабраліся на ўспамін пакутніцкай смерці марыянскіх мучанікаў айцоў Антонія Ляшчэвіча і Юрыя Кашыры, наведаў Апостальскі Нунцый у Беларусі арцыбіскуп Клаўдыё Гуджэроцці. Іерарх далучыўся да святкавання як просты пілігрым.

Прывітаўшы ўсіх прысутных, арцыбіскуп звярнуўся да айца Чэслава Курэчкі МІС, пробашча росіцкай парафіі Найсвяцейшай Тройцы і апекуна месца пакутніцкай гібелі росіцкіх мучанікаў, які нядаўна стаў «Чалавекам 2014 года», паведаміўшы, што, накіроўваючыся ў Росіцу, убачыў яго партрэт на стэндзе.

Пачэсныя Айцы святаслужыцелі!
Дарагія Манахі, Манахіні і Браты Семінарысты!
Любыя ў Госпадзе Браты і Сёстры! Паважаныя Сябры!

1. Вялікі пост – гэта час, калі Святая Царква заклікае нас увайсці на шлях больш цеснай сувязі з Ісусам Хрыстом, наблізіцца да таямніцы Яго пакут і Уваскрасення.
На пачатку Вялікага посту ў гэтым годзе Яго Святасць Папа Рымскі Францішак нагадаў нам, што чалавек – стварэнне абмежаванае, грэшнае, якое патрабуе пакаяння і навяртання да Бога. Навярнуцца да Бога «ўсім сэрцам» значыць, па словах Папы, «ступіць на шлях не павярхоўнага перамянення, а на духоўны шлях, пракладзены ў сэрцы чалавека, там, дзе засяроджаны яго пачуцці і адносіны, там, дзе ён робіць выбар».

"Праваслаўе, якое сьвяткуем у гэтую нядзелю, – гэта праўдзівая вера і праўдзівае шанаваньне Бога, якія вызнавала ўся Хрыстовая Царква першых стагоддзяў у барацьбе з гэрэзіяй іконаборства.
Таму Нядзеля Праваслаўя - гэта ўрачыстасьць усёй Царквы, Усходняй і Заходняй. Яе ўсталяваў Сабор у Канстантынопалі 842 году.
Мэта гэтага сьвята – прылюдна і ўрачыста аддаць пашану і пакланіцца сьвятым іконам Ісуса Хрыста, Багародзіцы і Сьвятых."
а. Андрэй Абламейка

20 лютага Папа Францішак сустрэўся з украінскімі біскупамі, якія знаходзяцца ў Ватыкане з візітам «ad limina Apostolorum». «Я з увагай пазнаёміўся з вашымі праблемамі, якіх нямала, а таксама з вашымі душпастырскімі праграмамі», — адзначыў Пантыфік, звяртаючыся да іерархаў лацінскага і грэка-каталіцкага епіскапатаў.

У першую чаргу Папа выказаў блізкасць украінскаму народу і запэўніў у сваёй малітоўнай падтрымцы. Святы Айцец заклікаў усе бакі трываючага ва Украіне канфлікту да міру, рэалізацыі дасягнутай згоды і павагі да прынцыпаў міжнароднага права і пажадаў, каб захоўвалася нядаўна заключанае перамір’е.