За захаванне хрысціянскай прысутнасці на Блізкім Усходзе.

ДЗЕНЬ ІV (19 снежня):

КАНДАК 4

Суцішаючы буру сумніваў цнатлівага Язэпа, Анёл адкрыў тайну нараджэньня ад Беззаганнай Марыі Сына Божага, Збаўцы сьвету, кажучы: дасі імя Яму Ісус, бо Ён збавіць народ свой ад грахоў, і Яму пяем усе:

Алілуя.

Перад Іконай Праведнага Язэпа штодня чытаем Акафіст і асэнсоўваем словы Папы Францішка, што “Бог знаходзіцца там, дзе чалавеку пагражае небяспека, дзе чалавек пакутуе, дзе ўцякае, дзе перажывае непрыняцце і пакінутасць".

Усіх грамадзянаў нашай Бацькаўшчыны – шматпакутнай Беларусі, давераем Заступніцтву св. Язэпа.

ДЗЕНЬ IІІ (18 снежня):

КАНДАК 3

Сіла Ўсявышняга ацяніла тады Бязьвінную, і Яна зачала. Язэп, дзіўнай тайны ня ведаючы, але навучаны Самім Богам, кліча да Яго:

Алілуя.

ІКАС 3

Праведны Язэп сумеўся, гледзячы на Дзеву, Якая мела ва ўлоньні сваім Бога, і спакусіўшыся, усумніўся ў Дзявоцтве, але, будучы праведным, захацеў паціху адпусьціць Яе, Богу, Які ўсё ведае, на суд аддаючы ўсё, і нас навучыў клікаць:

-Радуйся, цнатлівасьці ахоўніча;

-Радуйся, ізраільцянін, які ня мае зламыснасьці;

-Радуйся, добры сэрцам; 

-Радуйся, ціхі норавам;

-Радуйся, які ўсю надзею на Бога пакладаеш; 

-Радуйся, які Провіду Божаму сябе і іншых даручаеш;

Радуйся, праведны Язэпе, хуткі памочнік і малітоўны заступнік душаў нашых.

Вернікі грэка-каталіцкай парафіі Праведнага Язэпа ў Мінску

павіншавалі Папу Францішка з Днём нараджэння.

+++

Яго Святасці Папе Рымскаму ФРАНЦІШКУ

Пастыру Паўсюднай Царквы

РЫМ

ад Вернікаў грэка-каталіцкай парафіі Праведнага Язэпа ў Мінску

Ваша Святасць, Пачэсны і Дарагі Папа ФРАНЦІШАК,

віншуем Вас з Днём Вашага нараджэння – 17 снежня.

“На многія і шчасныя леты!” – “Ad multos annos prosperos!”

Мы атрымалі сумнае паведамляе, што 16 снежня 2020, на 88-м годзе жыцця,  адышла ў вечнасць святой +памяці Ганна Лашук, мама ксяндза каноніка Ігара Лашука, пробашча парафіі св. Казіміра ў Стоўбцах і дэкана Стаўбцоўскага дэканату.

Пахаванне адбудзецца 18 снежня ў парафіі Найсвяцейшай Тройцы ў Ішкалдзі, пачатак а 12-й гадзіне.

Пачэснаму Ксяндзу каноніку Ігару Лашуку - вернаму і ахвярнаму прыяцелю Беларускай Грэка-Каталіцкай Царквы выказваем словы братэрскага спачування.

Міласэрнаму Хрысту Чалавекалюбцу давераем душу святой +памяці Ганны.

Заўпакойную Боскую Літургію з паніхідай за душу спачылай слугі Божай Ганны адслужым у храме грэка-каталіцкага Душпастырскага цэнтра св. Язэпа ў Мінску (вул. Арджанікідзе, д. 6) - у пятніцу 18 снежня ў 18:30.

Вечная памяць!

+архім. Сяргей (Гаек), Апостальскі візітатар БГКЦ

 Мінск, 17 снежня 2020.

17 снежня 2020 у палацы Незалежнасці ў Мінску прайшла стустрэча Спецыяльнага Пасланніка Папы Францішак Апостальскага Нунцыя Клыўдыё Гуджэроцці з Аляксандрам Лукашэнкам.

Пра дэталі сустрэчы не інфармуецца.

Як перадала італьянская рэдакцыя парталу Vatican News, у адказ на пытанні журналістаў кіраўнік прэс-службы Святога Пасаду Матэо Бруні паведаміў наступнае:

«Я магу пацвердзіць, што сёння раніцай у 9.30 (па Рымскім часе) Монсіньёр Клаўдыё Гуджэроцці, былы Нунцый у Беларусі, у якасці Спецыяльнага Пасланніка Святоа Айца, сустрэнецца з Прэзідэнтам Беларусі спадаром Аляксандрам Лукашэнкам, каб выказаць заклапочанасць і трывогу Святога Айца ў сувязі з актуальнай сітуацыяй у краіне».

Паводле Catholic.by

Ад 16 снежня да 27 снежня 2020 (свята Праведнага Язэпа) кожны дзень чытаем адзін Кандак і адзін Ікас “Акафіста святому і праведнаму Язэпу”.

ДЗЕНЬ IІ (17 снежня):

КАНДАК 2

Бачачы Дзеву Марыю, выхаваную пры храме і паўналетнюю, першасьвятар Захарыя ўсклікнуў да Госпада: Госпадзе, пакажы мужа, дастойнага заручыцца з Дзеваю. 

Калі ж заквітнеў жэзл Язэпа, даручаючы яму Дзеву, засьпяваў Богу: 

Алілуя.

ДЭКРЭТ 

аб удзяленні дару спецыяльных адпустаў 

з нагоды Юбілейнага Году ў гонар святога Язэпа, 

абвешчанага Папам Францішкам дзеля дастойнага  святкавання 150-годдзя абвяшчэння Святога Язэпа Апекуном Каталіцкай Царквы.

Спаўняецца сёння 150 гадоў з дня выдання Дэкрэту Quemadmodum Deus, якім блаславёны Пій IX, узрушаны цяжкімі і журботнымі абставінамі, у якіх Царква была пад ударам ворагаў, абвясціў Святога Язэпа Апекуном  Каталіцкай Царквы.

Каб увекавечыць адданне ўсёй Царквы магутнаму заступніцтву Апекуна Ісуса, Папа Францішак пастанавіў, каб ад сённяшняй даты ўгодкаў абвяшчэння Дэкрэта, якая таксама ёсць святам Найсвяцейшай Беззаганнай Дзевы – Абручніцы найцнатлівейшага Язэпа, да дня 8 снежня 2021 г. адзначаўся адмысловы Год святога Язэпа, падчас якога кожны вернік паводле Яго прыкладу змог штодня ўмацоўваць сваё жыццё ў веры, цалкам выконваючы Божую волю.

Як вядома, 8 снежня 2020 г. Яго Святасць Папа Францішак апублікаваў Апостальскі ліст "Patris corde" – "Бацькоўскім сэрцам", у якім з нагоды 150-годдзя прызнання св. Язэпа Апекуном Каталіцкай Царквы, абвясціў  Юбілейны Год св. Язэпа:  з 8 снежня 2020 г. па 8 снежня 2021 г. 

На час Юбілейнага Года Святы Айцец Францішак удзяліў спэцыяльныя адпусты (індульгенцыі) - між іншымі за пабожнае чытанне "Акафіста да св. Язэпа" (нават яго часткі) - у духу малітвы за ганімую Царкву. 

15 снежня 2020 г., Вярхоўны Архібіскуп УГКЦ Блажэннейшы Святаслаў (Шаўчук) сустрэўся з мітрапалітам Гальскім Эмануілам. 

У сустрэчы, якая адбылася ў рэзідэнцыі першаіерарха УГКЦ у рамках візіту ветлівасці прадстаўнікоў Канстанцінопальскай Праваслаўнай Царквы, прынялі таксама ўдзел а. Ігар Шабан, старшыня Камісіі УГКЦ па міжканфесійных і міжрэлігійных адносінах, і Якаў Крочак, асабісты дыякан Патрыярха Варфаламея.

Яго Святасць Папа Францішак звярнуў увагу хрысціянаў на асаблівага Заступніка - св. Язэпа які, "Бацькоўскім сэрцам" узлюбіў Ісуса Хрыста і заступаецца за Хрыстовую Царкву. Ён, як "хуткі Памочнік і малітоўны Заступнік" суправаджае вернікаў на шляху падрыхтоўкі  да Божага Нараджэння.

+++

Душпастырскі цэнтр грэка-каталіцкай парафіі Праведнага Язэпа ў Мінску (вул. Арджанікідзе, д. 6) адкрыў свой скромны храм для ўсіх, хто хоча ўшанаваць Ікону Праведнага Язэпа і памаліцца за сябе, за сяброў, за Царкву, за Беларусь...

Першая група пілігрымаў прыбыла ўжо 9 снежня 2020 - гэта былі святары з Ордэну Айцоў Марыянаў, групу якіх узначаліў пробашч парафіі св. Язэпа ў Воршы - а. Вадзім Мізер МІС. 

Пілігрымаў прыняў у храме протапрэзбітар Андрэй Абламейка, будаўнік душпастырскага цэнтра і былы пробашч мінскай парафіі Праведнага Язэпа.