Пошук
Нядзельнае казаньне
чацьвер
КРАСАВІКА |
“На многія і шчасныя леты!” – “Ad multos annos prosperos!”
Вернікі грэка-каталіцкай парафіі Праведнага Язэпа ў Мінску павіншавалі Папу Францішка з Днём нараджэння. +++ Яго Святасці Папе Рымскаму ФРАНЦІШКУ Пастыру Паўсюднай Царквы РЫМ ад Вернікаў грэка-каталіцкай парафіі Праведнага Язэпа ў Мінску Ваша Святасць, Пачэсны і Дарагі Папа ФРАНЦІШАК, віншуем Вас з Днём Вашага нараджэння – 17 снежня. “На многія і шчасныя леты!” – “Ad multos annos prosperos!” Дзякуем Вам за Ваш архіпастырскі і дыпламатычны клопат пра Беларусь, асабліва за Юбілейны Год св. Язэпа. Для нашай грэка-каталіцкай парафіі Праведнага Язэпа ў Мінску, якая аднавіла сваю адкрытую душпастырскую дзейнасць 30 год таму – гэта асабліва каштоўны дар. Дзякуй Вам, Ваша Святасць, за Апостальскі ліст “Patris corde” - “Бацькоўскім сэрцам” і за дар адпустаў, які нас заахвочвае да духовага подзвігу веры і ўчынкаў міласэрнасці. Перад Іконай Праведнага Язэпа штодня чытаем Акафіст і асэнсоўваем Вашыя словы, што “Бог знаходзіцца там, дзе чалавеку пагражае небяспека, дзе чалавек пакутуе, дзе ўцякае, дзе перажывае непрыняцце і пакінутасць". Усіх грамадзянаў нашай Бацькаўшчыны – шматпакутнай Беларусі, давераем Заступніцтву св. Язэпа. Молімся за Вашае служэнне Паўсюднай Царкве і просім Вашага Апостальскага Блаславення! Вернікі грэка-каталіцкай парафіі Праведнага Язэпа ў Мінску Мінск, 17 снежня 2020. |
17.12.2020
|