15 снежня 2020 г., Вярхоўны Архібіскуп УГКЦ Блажэннейшы Святаслаў (Шаўчук) сустрэўся з мітрапалітам Гальскім Эмануілам. 

У сустрэчы, якая адбылася ў рэзідэнцыі першаіерарха УГКЦ у рамках візіту ветлівасці прадстаўнікоў Канстанцінопальскай Праваслаўнай Царквы, прынялі таксама ўдзел а. Ігар Шабан, старшыня Камісіі УГКЦ па міжканфесійных і міжрэлігійных адносінах, і Якаў Крочак, асабісты дыякан Патрыярха Варфаламея.

Падчас сустрэчы мітрапаліт Эмануіл падзякаваў Блажэннейшаму Святаславу за віншавальны ліст, накіраваны напярэдадні Патрыярху Варфаламею з нагоды свята Апостала Андрэя, Апекуна Канстанцінопальскай Царквы. Падчас размовы бакі абмеркавалі стан сучаснага экуменічнага дыялогу на глабальным і мясцовым узроўнях і выказалі спадзяванне на далейшае супрацоўніцтва.
Блажэннейшы Святаслаў падзякаваў мітрапаліту Гальскаму Эмануілу за візіт і перадаў прывітанне Свяцейшаму Патрыярху Варфаламею. У канцы сустрэчы адбыўся абмен памятнымі падарункамі.