Яго Святасць Папа Францішак звярнуў увагу хрысціянаў на асаблівага Заступніка - св. Язэпа які, "Бацькоўскім сэрцам" узлюбіў Ісуса Хрыста і заступаецца за Хрыстовую Царкву. Ён, як "хуткі Памочнік і малітоўны Заступнік" суправаджае вернікаў на шляху падрыхтоўкі  да Божага Нараджэння.

+++

Душпастырскі цэнтр грэка-каталіцкай парафіі Праведнага Язэпа ў Мінску (вул. Арджанікідзе, д. 6) адкрыў свой скромны храм для ўсіх, хто хоча ўшанаваць Ікону Праведнага Язэпа і памаліцца за сябе, за сяброў, за Царкву, за Беларусь...

Першая група пілігрымаў прыбыла ўжо 9 снежня 2020 - гэта былі святары з Ордэну Айцоў Марыянаў, групу якіх узначаліў пробашч парафіі св. Язэпа ў Воршы - а. Вадзім Мізер МІС. 

Пілігрымаў прыняў у храме протапрэзбітар Андрэй Абламейка, будаўнік душпастырскага цэнтра і былы пробашч мінскай парафіі Праведнага Язэпа. 

+++

У рамках Перадкаляднага посту ў  мінскай грэка-каталіцкай парафіі Праведнага Язэпа маем дадатковую Боскую Літургію ў серады:  16 і 23 снежня, у 18:30. Ёсць магчымасць да св. Споведзі і Духоўнай размовы. 

У Сераду 16 снежня молімся за тых, што ў зняволенні (у турмах, ІЧУ ітд.). 

На малітву запрашаем роднх, сяброў і тых, хто ўжо выйшоў на волю. У гэты ж вечар да малітвы можна далучыцца духова. 

+++ 

18 і 19 снежня 2020 - мінская грэка-каталіцкая парафіі Маці Божай Нястомнай Дапамогі запрашае на Рэкалекцыі ў ZOOM. 

Усе, хто жадае духоўна падрыхтавацца да свята Раства Хрыстовага, але не можа фізічна быць прысутным на рэкалекцыях - праз далёкую адлегласць, або эпідэміялагічныя прычыны, запрошаныя далучыцца да рэкалекцый у ZOOM. 

Тры сустрэчы з рэкалектантам, айцом Андрэем Кратом з Гародні, пройдуць 18 і 19 снежня.

Першая сустрэча адбудзецца 18 снежня ў пятніцу ў 19:00. 

Для удзелу ў рэкалекцыях трэба прайсці папярэднюю рэгістрацыю. 

Звяртайцеся калі ласка на Viber, WhatsApp +375 29 312 28 26, або ў Facebook Яўген Усошын. 

Пракансультавацца можна таксама па тэлефоне +375 29 312 28 26. (а. Яўген)