6/04 – Вялікі Панядзелак: гадз. 18:30 – Літургія раней Асьвячаных Дароў

7/04 – Вялікі Аўторак: гадз. 18:30 – Літургія раней Асьвячаных Дароў

8/04 – Вялікая Серада: гадз. 18:30 – Літургія раней Асьвячаных Дароў
Памазаньне сьвятым алеем і малітва за аздараўленьне

9/04 – Вялікі Чацьвер: гадз. 18:30 – Вячэрня з Літургіяй сьв. Базыля Вялікага

10/04 – Вялікая Пятніца:
гадз. 9:00 – Ютрань – 12 Евангельляў Пакутаў Хрыстовых
гадз. 18:30 – Вячэрня, вынас і адпяваньне сьвятой Плашчаніцы

11/04 – Вялікая Субота
Вернікі ўсіх грэка-каталіцкіх парафіяў г. Менска запрашаюцца да сумеснай малітвы за праслаўленьне Экзарха-Пакутніка Антона Неманцэвіча

гадз. 9:00 – Вячэрня з Літургіяй сьв. Базыля Вялікага
Малітва перад сьвятой Плашчаніцай
Усталяваньне капсулы з зямлёй з месца пахаваньня Экзарха Антона Неманцэвіча


Пасхальная Ноч (чырвоны касьцёл, цэнтральны нэф)
Усе грэка-каталіцкія парафіі г. Менска РАЗАМ сустракаюць Уваскрасеньне Гасподняе

гадз. 00:00 – Працэсія Уваскрасеньня
Сьветлая Пасхальная Ютрань
Боская Літургія
Асьвячэньне велікодных страваў

12/04 – Вялікая Нядзеля – ВЯЛІКДЗЕНЬ
гадз. 12:00 – Боская Літургія (капліца па вул. Арджанікідзэ 6)

Сёлета па ініцыятыве і пры падтрымцы Мітрапаліта Мінска-Магілёўскага арцыбіскупа Тадэвуша Кандрусевіча быў выдадзены першы пераклад на беларускую мову Дакументаў ІІ Ватыканскага Сабору. 16 сакавіка 2009 г. арцыпастыр асабіста прадставіў гэтую працу Бэнэдыкту XVI у Ватыкане. Прапануем інтэрв’ю Мітрапаліта Тадэвуша Кандрусевіча для ватыканскай газеты «L'Osservatore Romano».

25 сакавіка 2009 года, з нагоды 65-й гадавіны сьмерці Блаславёнага Сьвятамучаніка Амільяна (Коўча), на месцы былога канцэнтрацыйнага лагеру Майданэк у Польшчы, быў асьвячаны абеліск (камень) з пасланьнем Блаславёнага:
"…Тут я бачу Бога – Бога, які ёсьць адзін для нас усіх, без зважаньняў на рэлігійную розьніцу".

Урачыстасьць узначалілі грэка-каталіцкі мітрапаліт перамышльска-варшаўскі Высокадастойны Кір Ян (Мартыняк) ды рыма-каталіцкі архібіскуп-мітрапаліт люблінскі Юзаф Жыцінскі. Удзельнічалі грэка-каталіцкія біскупы з Украіны ды Польшчы, разам са шматлікімі грэка-каталіцкімі сьвятарамі – пілігрымамі з Украіны.

Беларускую Грэка-Каталіцкую Царкву прадстаўлялі Апостальскі Візітатар архімандрыт Сяргей (Гаек) ды душпастыр грэка-каталіцкай парафіі ў Берасьці а. Ігар Кандрацьеў.

17 сакавіка 2009 г. на афіцыйнай інтэрнэт-старонцы Апостальскага Пасаду было павядомлена пра рашэньне Вярхоўнага Архібіскупа Украінскай Грэка-Каталіцкай Царквы Любаміра (Гузара) у згодзе з Сінодам Біскупаў УГКЦ аб прызначэньні ўладыкі Васіля (Мэдвіта) дапаможным біскупам Данецка-Харкаўскага Экзархату (Усходняя Украіна).

16 сакавіка 2009 г. у Рыме (Італія) Мітрапаліт Мінска-Магілёўскі арцыбіскуп Тадэвуш Кандрусевіч, які ў гэтыя дні прымае ўдзел у Пленарным пасяджэнні Кангрэгацыі па справах Духавенства, уручыў папу Бэнэдыкту XVI Дакументы ІІ Ватыканскага Сабору на беларускай мове.

Святы Айцец з вялікай радасцю прыняў вестку пра выданне гэтых дакументаў. Між іншым, у сваёй прамове да ўдзельнікаў Пленарнага пасяджэння Пантыфік узгадваў вучэнне ІІ Ватыканскага Сабору.

У размове з арцыпастырам беларускіх католікаў Бэнэдыкт XVI узгадаў Касцёл на Беларусі, а таксама выказаў радасць з прычыны яго адраджэння і развіцця.

Друкуецца ў мове арыгіналу паводле сайта catholic.by

Міжнародны Сімпозіум “Місія Ўсходніх Каталіцкіх Цэркваў у жыцьці Паўсюднай Царквы ды ў сучасным сьвеце”

Пра неабходны сімбіёз паміж Евангельлем і культурай у сучаснай місіі Беларускай Грэка-Каталіцкай Царквы гаварыў Апостальскі Візітатар БГКЦ Архімандрыт Сяргей (Гаек) на Міжнародным Сімпозіуме “Місія Ўсходніх Каталіцкіх Цэркваў у жыцьці Паўсюднай Царквы ды ў сучасным сьвеце”, які праходзіў 4-6 сакавіка 2009 г. у Міжнародным Інстытуце вывучэньня сужэнства і сям’і (ІТІ) у аўстрыйскім горадзе Гамінг.

28 лютага 2009 Сьвяты Айцец Бенядыкт XVI прызначыў Старшынём Папскай рады для душпастырства мігрантаў і падарожнікаў Архібіскупа Антоніо Марыя Вэльё (Antonio Maria Vegliò), які да гэтага часу быў Сакратаром Кангрэгацыі Ўсходніх Цэркваў.

Папярэдні Старшыня рады душпастырства мігрантаў Кардынал Рэната Марціна (Renato Martino) адышоў на пенсію, але захаваў яшчэ пасаду старшыні Папскай рады „Iustistia et Pax” (па справах справядлівасьці і міру).

Міжнародны Сімпозіум на тэму: “Місія Ўсходніх Каталіцкіх Цэркваў у жыцьці Паўсюднай Царквы ды ў сучасным сьвеце” адбудзецца 4-6 сакавіка 2009 г. у аўстрыйскім горадзе Гамінг.

Сімпозіум арганізаваны пад сумесным патранатам Архібіскупа Вены кардынала Хрыстафора Шэнборна ды Першаярарха Украінскай Грэка-Каталіцкай Царквы Вярхоўнага Архібіскупа Кіеўска-Галіцкага Любаміра (Гузара) і будзе праходзіць у Міжнародным Інстытуце вывучэньня сужэнства і сям’і (ІТІ) у Гамінгу.

Да ўдзелу запрошаныя асабліва ярархі Ўсходніх Каталіцкіх Цэркваў, найперш з Эўропы, ды прафесары і студэнты, якія займаюцца праблематыкай Усходніх Цэркваў

«Хрысьціянская надзея і надзея мігранта» — так гучыць тэма даклада, зь якім 26 лютага 2009 г. архібіскуп Агостыно Маркетто (Agostino Marchetto) - Сакратар Папскай Рады для душпастырства эмігрантаў і падарожнікаў выступіў на канферэнцыі ў Рыме, прысьвечанай энцыкліцы Папы Бенедыкта XVI «Spe salvi».

Арганізатарам дадзенай канферэнцыі зьяўляецца міжнародная асацыяцыя «Caritа politica» (што азначае харытатыўную дзейнасьць у сфэры палітыкі).

Архібіскуп Агостыно Маркетто (які быў Апостальскім Нунцыям у Беларусі ў 1994-1996 гг.) у сваім дакладзе зьвярнуў увагу на «гераічную надзею, якая дазваляе ўбогім пакінуць сваю краіну ў пошуках лепшага жыцьця на чужыне. У імя гэтай надзеі яны церпяць нястачу і шматлікія прыніжэньні».
«Хрысьціяне, якія прымаюць мігрантаў у духу эвангельскай любові, — сьцвярджае Архібіскуп — могуць прывесьці іх да новай і несумненнай надзеі, якая абапіраецца на веру ў Ісуса Хрыста».

21 лютага 2009 года, на 39-м годзе жыцьця, пасьля цяжкай хваробы памёр у Рыме айцец Адрыян Цкуй, канцлер Апостальскага Візітатара для ўкраінцаў грэка-католікаў у Італіі.

Нарадзіўся ён 11 лютага 1970 года ў Мэльбурне. У 1992-1997 гг. быў семінарыстам у папскай Калегіі сьв. Язафата ў Рыме.

13 сьнежня 1997 года атрымаў сьвятарскія пасьвячаньні і быў прызначаны на парафію Сьвв. Ап. Пятра і Паўла ў Мэльбурнскай Епархіі УГКЦ.