У сьвяце Маці Божай Будслаўскай, што праходзіць у Нацыянальным Санктуарыі ў Будславе 1 – 2 ліпеня ўдзельнічаюць шматлікія вернікі Грэка-каталіцкай Царквы.

Паводле шматгадовай традыцыі вечарам 1 ліпеня грэка-каталіцкімі сьвятарам быў адслужаны Акафіст да Багародзіцы.

У візантыйскай літургічнай традыцыі існуе шмат багародзічных акафістаў, а паколькі ў гэтым годзе ў Беларускай Грэка-каталіцкай Царкве ўзгадаюцца 280-я ўгодкі каранаваньня Жыровіцкай Іконы Багародзіцы – менскі міжпарафіяльны маладзёвы хор “ПРАСФАРА” адсьпяваў Акафіст ў гонар Жыровіцкай Іконы.
(Акафіст запісаны на CD, які можна атрымаць за ахвараваньне ў стэндзе БГКЦ пры будслаўскім санктуарыі).

Дзень ушанаваньня Іконы Маці Божай Нястомнай Дапамогі ў царкоўным календары прыпадае на 27 чэрвеня. Паколькі гэта нядзеля - парафіяльнае сьвята будзе праходзіць у два дні паводле праграмы:

ПЯТНІЦА, 25 чэрвеня 2010 г.
у капліцы парафіяльнага душпастырскага Цэнтра на зав. Сьнежным 7:
- 18:30 Вячэрня з ліціей і блаславеньнем хлебаў,
- нагода да сьв. Споведзі

СУБОТА, 26 чэрвеня 2010 г.
у капліцы парафіяльнага душпастырскага Цэнтра на зав. Сьнежным 7:
- 11:00 Сьвяточная Боская Літургія
- сьвяточная Агапа для ўдзельнікаў сьвята

НЯДЗЕЛЯ, 27 чэрвеня 2010 г.
у ніжнім храме Чырвонага касьцёлу:
- 11:00 Сьвяточная Боская Літургія

Пробашч, дапаможны душпастыр і Парафіяльная Рада Парафіі Маці Божай Нястомнай Дапамогі запрашаюць вернікаў усіх менскіх парафіяў да супольнага сьвяткаваньня.

27 чэрвеня беларускія грэка-католікі адзначаюць сьвята іконы Маці Божай Нястомнай Дапамогі. Гэтая Ікона - не дэкаратыўны элемент. Гэта абраз, які нясе пэўнае пасланьне; гэта катэхізацыя, якая тлумачыць галоўную таямніцу нашай веры.

Дзень памяці святой Еўфрасінні Полацкай Цэрквы візантыйскай традыцыі адзначаюць 23 траўня (у Цэрквах, якія карыстаюцца юліянскім каляндаром, гэты дзень прыпадае на 5 чэрвеня).

Грэка-каталіцкі клуб інтэлігенцыі імя сьв. Кірылы Тураўскага запрашае на даклад мітрафорнага протаярэя Аляксандра Надсана “Сьвяты Кірыла Тураўскі і яго спадчына”

Даклад адбудзецца ў пятніцу 23 красавіка 2010 г. ў 19:00 гадз.
у Парафіяльным душпастырскім цэнтры сьв. Язэпа (вул. Арджанікідзе 6, ст.м. Аўтазаводская)

Даклад прымяркаваны да сьвята сьв. Кірылы Тыраўскага – 28 красавіка.

Запрашаем усіх зацікаўленых беларускай духоўнай спадчынай.

Тэл. для кантактаў: (029) 522.70.19 МТС (а. Алесь Аўдзяюк)

У сераду 21 красавіка ў 19.30 у парафіяльным цэнтры парафіі сьв. Язэпа (вул. Арджанікідзе 6, ст.м. Аўтазаводская) у рамках студэнцкіх катэхэтычных сустрэчаў адбудзецца лекцыя-прэзэнтацыя на тэму "Крыж - формы, сімволіка, традыцыі". У лекцыі будуць разглядацца розныя формы крыжоў, якія сустракаюцца ў Царкве, і іх гісторыя. Сярод пытаньняў на лекцыі будуць і такія:

- Адкуль паходзіць крыж сьв. Еўфрасіньні і як яго называюць у Еўропе?

- Як Царква тлумачыць свастыку?

- Ці сапраўды васьміканцовы крыж зьяўляецца "русскім" крыжом?
і іншыя.
Запрашаем жадаючых.

У час развітаньня з прэзідэнтам Польшчы Лехам Качыньскім і іншымі годнымі павагі людзьмі, што 10 красавіка 2010 года адышлі ў вечнасьць у авіякатастрофе пад Смаленскам, у розных гарадах Беларусі пройдзе

«Хвіліна цішы і малітвы» на знак жалобы
18 красавіка 2010 а 15.00 гадз.

Месцы агульнай цішы ды малітвы ў Мінску:

каля Чырвонага касьцёла
(узначальваюць малітву а. Дэкан Уладзіслаў Завальнюк і Архім. Сяргей Гаек)

ў касьцёле сьв. Яна Хрысціцеля (Серабранка), вул. Пляханава 28
(памінальная служба грэка-каталіцкай парафіі сьв. Міколы).

Вечная памяць! – Хрыстос уваскрос!

12 красавіка гэтага году ў Лёндане крыху не дацягнуўшы да 92 год памёр найстарэйшы беларускі сьвятар у эміграцыі а. Кастусь Маскалік, шматгадовы супрацоўнік Беларускай місіі ў Лёндане і беларускай секцыі Радыё Ватыкан. З ягоным жыцьцём можна азнаёміцца ў па спасылцы: http://svjazep.org/index.php?newsid=101.
Аудыё-ўспамін а.Аляксандра Надсана пра нябожчыка знаходзіцца ў рэпартажы беларускай секцыі радыё Ватыкан па спасылцы: http://www.oecumene.radiovaticana.org/BIE/...lo.asp?c=371739.

Малітва за супакой ягонае душы адбудзецца ў капліцы парафіяльнага цэнтру парафіі сьв. Язэпа па вул. Арджанікідзэ сёньня, 13 красавіка ў 18.30.

Сьветлая і вечная памяць!
Хай добры і міласэрны Бог паселіць ягоную душу разам з усімі сьвятымі.

“Усіх ахвяраў гэтай драматычнай катастрофы –дэпутатаў парламенту, палітыкаў, прадстаўнікоў арміі і Катынскіх Сем’яў – даручаю спагадлівасьці Міласэрнага Бога” – напісаў у тэлеграме да старшыні Польскага Сейма Сьвяты Айцец Бенядыкт XVI.

Паніхіду за душы загінуўшых падчас крушэння самалёта Прэзідэнта Польшчы, якое здарылася 10 красавіка 2010 пад Смаленскам (блізка Катыні), адслужыў у 12:00 гадз. у суботу на Вайсковых могілках у Мінску Дэкан Мінскіх грэка-каталіцкіх парафіяў протапрэзьбітар Яўген Усошын.

Апостальскі Візітатар БГКЦ Архімандрыт Сяргей (Гаек) даслаў Паслу Рэспублікі Польшча ў Беларусі ліст з выказаньнем спачуваньня і салідарнасьці ад свайго імя і ад імя сьвятароў і шматлікіх вернікаў.

Вечарам 10 красавіка Архімандрыт саслужыў у касьцёле сьв. Сымона і Алены з Мінску сьв. Імшу за супакой душаў ахвяраў авіякатастрофы пад Смаленскам.

Адмысловую заўпакойную службу за душы загінуўшых Архімандрыт Сяргей адслужыць у нядзелю – 11 красавіка 2010 у 11:00 гадз. у грэка-каталіцкім храме Хрыста Чалавекалюбца ў Маладзечне.

Апостальскі Візітатар БГКЦ прыйме таксама ўдзел у задушнай сьв. Імшы ў касьцёле сьв. Сымона і Алены ў аўторак 13 красавіка ў 12:00 гадз.

Хрыстос уваскрос з мёртвых...
І тым, што ў магілах, жыцьцё дараваў.

Маленьне за спачылых вернікаў у парафіях і на могілках Мінска

Кальварыйскія могілкі – Субота, 10 красавіка 2010 года
Паніхіда пасьля Боскай Літургіі (10.00) ў Парафіі Маці Божай Нястомнай Дапамогі (зав. Сьнежны, 7) 11.30 – паніхіда на магіле першага Дэкана БГКЦ а. Яна Матусевіча

Вайсковыя могілкі – Субота, 10 красавіка 2010 года
12.30 – паніхіда на месцы пахаваньня парэшткаў вернікаў
знойдзеных у падмурках храма Сьвятога Духа і на магілах Якуба Коласа ды Янкі Купалы

Касьцёл сьв. Сымона і Алены – Нядзеля, 11 красавіка 2010 года
Паніхіда пасьля Боскай Літургіі (18.00)
19.45 – паніхіда ля пахавальнай каплічкі сьв. пам. Гая Пікарда
(злева ад галоўнага ўваходу ў Чырвоны касьцёл)