Сёння спаўняецца 20 год з дня заснавання Мінска-Магілёўскай мітраполіі. 13 красавіка 1991 г. згодна з рашэннем Яна Паўла ІІ была ўстаноўлена гэта структурная адзінка, у склад якой увайшлі Мінска-Магілёўская архідыяцэзія (у межах Мінскай, Магілёўскай і Віцебскай абласцей), Гродзенская дыяцэзія (у межах Гродзенскай вобласці) і Пінская дыяцэзія (у межах Брэсцкай і Гомельскай абласцей).

У сувязі з заканчэннем першага этапу рэстаўрацыйных прац у катэдральнай базыліцы ў Сандаміры (Польшча) з 7 па 9 красавіка праходзіць міжнародны сімпозіум, прысвечаны сакральнаму мастацтву Усходу і спалучаны з урачыстастым адкрыццём адноўленага інтэр’еру гістарычнай святыні.

Як паведамляе сайт Сандамірскай дыяцэзіі, ва ўрачыстай літургіі 9 красавіка, падчас якой будуць адкрыты адрэстаўраваныя часткі базылікі, прымуць удзел прадстаўнікі каталіцкага Епіскапата Польшчы а таксама іерархі Усходніх Цэркваў з Польшчы, Украіны, Беларусі, Славакіі і Вугоршчыны. Сярод удзельнікаў таксама Апостальскі Візітатар для грэка-католікаў Беларусі архімандрыт Сяргей Гаек.

Літургію ўзначаліць Апостальскі нунцый у Польшчы арцыбіскуп Чэлестыно Мільёрэ.

Рэкалекцыі праводзіў вядомы ў беларускім хрысціянскім і інтэлектуальным асяродку багаслоў і філосаф, выкладчык і публіцыст а. Пётр Рудкоўскі (манах з Ордэну братоў прапаведнікаў (дамініканаў)).

а. Пётр праз вобразы і асобы са Старога Запавету вельмі глыбока і данёсла расчыніў удзельнікам рэкалекцыяў духоўны шлях хрысціяніна да разумення свайго паклікання у супольнасным ды асабістым вымярэнні.

«З вялікай радасцю вітаю сёння Уладыку Святаслава (Шаўчука), новага Вярхоўнага Архібіскупа Кіева-Галіцкага, разам з біскупамі і вернікамі, якія яго суправаджаюць. Запэўніваю маю пастаянную малітву, каб Найсвяцейшая Тройца надавала паўнату дароў, захоўваючы ў міры і згодзе любы ўкраінскі народ». Такімі словамі пачаў сваё віншаванне для ярархіі і вернікаў УГКЦ Святы Айцец падчас агульнай аўдыенцыі ў сераду, 30 сакавіка ў Апостальскай сталіцы, паведамляе Радыё Ватыкан.

26 сакавіка 2011 г. вечарам у Любліне (Польшча), пасьля цяжкой і працяглай хваробы, адыйшоў у вечнась Архімандрыт Раман Пентка, марыянін, даўгалетні пробашч адзінай ацалелай да сёньня нэа-унійнай парафіі ў Кастамлотах. Вялікі прыяцель і дабрачынца нашай Царквы.

Інтранізацыя новага Вярхоўнага Архібіскупа Кіева-Галіцкага УГКЦ - Найблаславёнага Святаслава адбудзецца 27 сакавіка 2011 г. у 10:00 г. у Патрыяршым саборы Ўваскрасення Хрыстовага ў Кіеве.

Беларускую Грэка-каталіцкую Царкву на інтранізацыі будзе прадстаўляць Апостальскі Візітатар для грэка-каталікоў Беларусі Архімандрыт Сяргей (Гаек).

«Будзьце адкрытымі на чалавечае жыццё, бараніце яго любым коштам», — з заахвочваннем да ініцыятывы «Духоўнага ўсынаўлення» звяртаюцца біскупы Беларусі да каталіцкай супольнасці ў сваім паведамленні на ўрачыстасць Звеставання Госпада 2011 г. Паведамленне будзе прачытана ва ўсіх касцёлах Беларусі ў надзелю перад урачыстасцю Звеставання Госпада, 20 сакавіка 2011 г.

Сёння, 25 сакавіка 2011, у Ватыкане было паведамлена пра тое, што Яго Святасць Папа Бенедыкт XVI зацвердзіў просьбу пра пацверджанне выбару, пасланую Ўладыкам Святаславам (Шаўчуком), якога 23 сакавіка 2011 г. Сінод біскупаў УГКЦ кананічна абраў Вярхоўным Архібіскупам Кіева-Галіцкім.

Новы Першаіерарх УГКЦ з'яўляецца самым маладым з біскупаў УГКЦ і чацвёрты па ўзросце з ліку маладых каталіцкіх архірэяў у свеце.

Інтранізацыя новага Першаіерарха адбудзецца 27 сакавіка, у 10.00 у Патрыяршым саборы Ўваскрасення Хрыстовага ў Кіеве.

На цырымонію запрошаны каля тысячы гасцей. Гэта прадстаўнікі ўсіх епархій і экзархатаў УГКЦ, дзяржаўнай і мясцовай улады, мясцовых і міжнародных грамадскіх арганізацый, розных канфесій і рэлігійных арганізацый.

Беларускую Грэка-каталіцкую Царкву на інтранізацыі Першаіерарха УГКЦ будзе прадстаўляць Апостальскі Візітатар для грэка-каталікоў Беларусі Архімандрыт Сяргей (Гаек).

Паводле RISU

24 сакавіка 2011 г., на 69 годзе жыцця, пасля доўгай і цяжкай хваробы адыйшоў у вечнасць тытулярны біскуп Стрыйскай епархіі Украінскай Грэка-каталіцкай Царквы - першы Епарх гэтай епархіі.

Уладыка Юліян нарадзіўся 4 снежня 1942 году ў вёсцы Брыжава каля Пярэмышля. У 1947 годзе падчас аперацыі «Вісла» разам з бацькамі быў пераселены на поўнач Польшчы.

Святарскае рукупалажэнне атрымаў 21 чэрвеня 1970 г. Быў душпастырам грэка-католікаў у Кракаве, Гураве Ілавецкім і Вострым Бардзе (Польшча). У 1982-1991 гг. выконваў абавязкі дэкана Ольштынскага дэканату.

20 студзеня пасьля Боскай Літургіі ў Парафіі Маці Божай Нястомнай дапамогі (у дольнай зале Чырвонага касьцёла) адбыўся малы духоўны канцэрт барда Алеся Камоцкага. У яго выкананьні прагучалі творы з новага альбома пад назвай “Вяровіца Алеся Камоцкага”. Гэты новы праект – гэта дыск і кніга Псальмаў ў паэтычным перакладзе Рыгора Барадуліна.

Выданьне аздоблена фотаздымкамі амерыканскага фатографа Джона Кунстадтэра. Замалёўкі розных момантаў жыцьця беларусаў перагукаюцца з вершамі, а ў іх – простая вера простых і шчырых людзей, імкненьне душы, спраглай Жыцьця і Праўды, да Бога.