30 сакавіка 2023 года Святы Айцец Папа Францішак стварыў Апостальскую Адміністратуру для католікаў візантыйскага абраду ў Беларусі і прызначыў Ардынарыем гэтай Апостальскай Адміністратуры Высокадастойнага архімандрыта Яна Сяргея Гаека МІС (без біскупскага сана), які да гэтага часу быў Апостальскім візітатарам для гэтых вернікаў.

Пра вышэйзгаданае прызначэнне было паведамлена ў Рыме сёння, 30 сакавіка 2023 года, а 12-й гадзіне (па цэнтральнаеўрапейскім часе).

Папа Рымскі Францішак знаходзіцца ў бальніцы "Джэмелі" ў Рыме ў сувязі з планавай праверкай стану здароўя, паведамляе Vatican News са спасылкай на кіраўніка прэс-службы Святога Пасаду Матэа Бруні.

"Святы Айцец адправіўся ў бальніцу "Джэмелі" для некаторых раней запланаваных аглядаў", – сказаў Бруні.

У сераду раніцай (29.03.2023) Папа прысутнічаў на ўсеагульнай аўдыенцыі на плошчы Святога Пятра ў Ватыкане, зазначаецца ў паведамленні.

Пазней у Ватыкане ўдакладнілі, што ў Пантыфіка дыягнаставалі рэспіраторную інфекцыю. Каранавірус урачы выключылі, але некалькі дзён Францішак прабудзе ў стацыянары.

Праводзіць протапрэзбітар Яўген Усошын (Мінск).

Парафія Праведнага Язэпа і Парафія св. Міколы Цудатворцы (храм: вуліца Арджанікідзе, 6)

30.03.2023, ЧАЦВЕР, гадз. 18:30 - Боская Літургія і Рэкалекцыйная навука

- святая Споведзь

31.03.2023, ПЯТНІЦА, гадз. 18:30 - Літургія раней асвячаных Дароў і Рэкалекцыйная навука

- святая Споведзь

1.04.2023, СУБОТА, гадз. 10:00 - Боская Літургія і Рэкалекцыйная навука

- святая Споведзь

Свой трохдзённы візіт у Славакію 28 сакавіка 2023 года пачаў кардынал Курт Кох, прэфект Дыкастэрыі спрыяння хрысціянскаму адзінству.

Іерарх прыехаў па запрашэнне ўпаўнаважанага ўрада Славакіі па справах свабоды рэлігіі і веравызнання Анны Заборскай. Ён наведае Кошыцы, Міхалоўцы, Прэшаў і Браціславу.

Сёлета спаўняецца 1160 гадоў з пачатку місіі святых Кірыла і Мятода сярод славян. Гэта дата вызначае ход душпастырскай праграмы ў Грэка-Каталіцкай Царкве ў Беларусі ў 2023 годзе. 

У гэтым "Годзе свв. Кірыла і Мятода" "знешняе" святкаванне спачыну св. Мятода Архібіскупа Мараўскага адзначаем 30 сакавіка а не 6 красавіка, паколькі ў той дзень прыпадае Вялікі чацвер.

Запрашаем у Хрысціянскі Сацыяльны Цэнтр на лекцыю, якая пазнаёміць з найбольш важнымі падзеямі гісторыі хрысціянства ў XVI–XVIІІ стст. на беларускіх землях.

На лекцыі можна будзе:

• пазнаёміцца са шматлікімі помнікамі гісторыі і культуры беларускага хрысціянства;
• адкрыць для сябе асаблівасці розных канфесій;
• убачыць рэдкія архіўныя здымкі і артэфакты.

25-26 сакавіка 2023 г. грэка-каталіцкая парафія ў Полацку арганізавала  Дні ўдзячнасці за Слова Божае. 

У суботу, 25 сакавіка, у сам дзень свята Дабравешчання Багародзіцы (Звеставання Гасподняга) Боскую Літургію ў парафіяльным храме ўзначаліў протапрэзбітар Аляксандр Шаўцоў. У казанні, пасля Заамвоннай малітвы архімандрыт Сяргей (Гаек) звярнуў увагу прысутных вернікаў на асаблівы "духовы фенамен" гораду Полацка, у якім Слова Божае гучала ўжо ў тыя часы, калі Цэрквы Усходу і Захаду былі ў Еднасці. Архімандрыт заахвоціў так сама вернікаў да падзякі Богу за "подзвіг" усіх перакладчыкаў і выдаўцаў (розных канфесій), якія - пачынаючы з Францішка Скарыны - клапаціліся, каб на Беларускіх Землях Божае Слова дайшло да шырокіх кругоў людзей. 

Святы Пасад заклікаў падтрымаць хрысціян Святой Зямлі. Як і кожны год, у Вялікую Пятніцу ва ўсіх каталіцкіх храмах свету будуць збірацца ахвяраванні на гэтую мэту.

У лісце, накіраваным з гэтай нагоды, прэфект Дыкастэрыі па справах Усходніх Цэркваў нагадаў пра землятрус, які адбыўся сёлета на Блізкім Усходзе. Хрысціяне, якія і так ужо думалі аб ад'ездзе з прычыны вайны, цяпер вымушаны былі пакінуць свае дамы.

Шаноўныя браты ў святарстве, кансэкраваныя асобы, умілаваныя ў Хрысце Пану сёстры і браты!

27 кастрычніка 2021 года Папа Францішак благаславіў званы, якія маюць імя «Голас ненароджаных». Святы Айцец першы сімвалічна ўдарыў у гэтыя званы, выказаўшы пры гэтым такое пажаданне: «Няхай іх гучанне абвяшчае свету Евангелле жыцця, абуджае сумленні і памяць пра ненароджаных. Даручаю вашай малітве кожнае зачатае дзіцё, чыё жыццё, дадзенае Богам, — святое і недатыкальнае» (Папа Францішак, Агульная аўдыенцыя 27 кастрычніка 2021 г.).

На заканчэнне агульнай аўдыенцыі, якая 22 сакавіка прайшла на плошчы Святога Пятра ў Ватыкане, Папа Францішак звярнуўся з заахвочваннем, каб кожны вернік і кожная супольнасць прысвяцілі сябе Беззаганнаму Сэрцу Марыі ў інтэнцыі Касцёла і ўсяго чалавецтва.

«У суботу будзе святкавацца ўрачыстасць Звеставання Пана, і ў думках мы вяртаемся да 25 сакавіка мінулага года, калі Касцёл і чалавецтва, а асабліва Расія і Украіна, у еднасці з усімі біскупамі свету былі прысвечаны Беззаннаму Сэрцу Марыі. Не стамляймася даручаць справу міру Каралеве супакою.