Папа Францішак прыняў на аўдыенцыі Патрыярха Асірыйскай Царквы Усходу Мар Гіваргіса ІІІ. Сустрэча прайшла 17 лістапада 2016 г. у Апостальскім палацы Ватыкана. Падчас яе адбылася прыватная размова, абмен падарункамі, прагучалі прамовы.

Адной з галоўных тэм сустрэчы была сітуацыя на Блізкім Усходзе, дзе, як заўважыў Папа, сотні тысяч нявінных людзей становяцца ахвярамі жудасных і крывавых канфліктаў, якія не можа апраўдаць нічога. “Там нашы браты і сёстры хрысціяне, а таксама розныя рэлігійныя і этнічныя меншасці, на жаль, прызвычаіліся штодзённа пакутаваць ад вялікіх выпрабаванняў”, - падкрэсліў Францішак.

Сведчанне ўдзельніка грэка-каталіцкай пілігрымкі ў Велеград, Вену і Прагу.

1.Я меў нечаканую магчымасць удзельнічаць у грэка-каталіцкай пілігрымцы ў Велеград, Браціславу, Вену і Прагу.

Дзякуй Богу, я атрымаў больш, чым спадзяваўся. Мне падавалася, што мне прыдзецца перажыць некалькі службаў, магчыма, прайсьцісь па святым месцам. Але Хрыстос даў больш…

Я асабліва ўдзячны Богу, што сярод пілігрымаў сустрэў братоў у Хрысце… Мы сапраўды зжыліся разам і той духоўны вопыт быў вельмі намацальным.

Я адчуў сябе вельмі ўмацаваным з пункту гледжання тоеснасці - гонар і падзяку Богу за тое, што нарадзіўся беларусам, што жыў і жыву ў славянскім асяроддзі (і карыстаюся кірыліцай).

На запрашэнне кардынала Хрыстафора Шэнбарна, архібіскупа Вены і ардынарыя для грэка-католікаў Аўстрыі, група святароў і маладых грэка-каталіцкіх вернікаў з Беларусі прыняла ўдзел ва ўрачыстым дню памяці (Festtag) святамучаніка Язафата (Кунцэвіча) ў Вене – 12 лістапада 2016 г. 

Гэты Дзень памяці быў прымеркаваны да 100-годдзя пераносу мошчаў св. Язафата з Белай Падляскай (9.07.1916) у Вену, у храм св. Барбары (17.07).

Пілігрымку ўзначаліў протапрэзбітар Усходняга дэканата, настаяцель парафіі Уваскрасення Гасподняга ў Віцебску а. Зміцер Грышан. Арганізацыйны бок пілігрымкі забяспечваў протапрэзбітар Цэнтральнага дэканата, настаяцель парафіі Святога Духа ў Мінску.

Дарога пілігрымкі ў Вену праходзіла праз Белую Падляску, адкуль 100 год таму мошчы св. Язафата перанеслі ў Вену. Па дарозе да пілігрымаў далучыўся архімандрыт Сяргей (Гаек) апостальскі візітатар БГКЦ.

Паводле візантыйскай традыцыі 15 лістапада (у дзень пасля свята св. Апостала Філіпа) пачынаецца перадкалядны пост (які працягваецца 40 дзён). Гэта час духовай падрыхтоўкі да свята Раства Хрыстовага.

РАСКЛАД СЛУЖБАЎ У ПАРАФІЯХ МІНСКА НА ПАЧАТАК ПОСТУ

15.11.2016 - АЎТОРАК: - Парафія Святога Духа (у ніжнім храме Чырвонага касцёла),гадз. 18:30 - Боская Літургія;- Парафія Праведнага Язэпа (вул. Арджанікідзе, д. 6), гадз. 19:00 - Вячэрня
16.11.2016 - СЕРАДА: - Парафія Маці Божай Нястомнай Дапамогі (зав. Снежны, д. 7), гадз. 18:15 - Акафіст,гадз. 18:30 - Боская Літургія;
18.11.2016 - ПЯТНІЦА: - Парафія Прав. Язэпа і Парафія св. Мікалая, гадз. 19:00 - Боская Літургія;
19.11.2016 - СУБОТА: - Парафія Маці Божай Нястомнай Дапамогі, гадз. 18:30 - Вячэрня (асабліва запрашаецца моладзь).

Сведчанне ўдзельніцы рэкалекцый “Быць маладым хрысціянінам сёння… і заўтра” (якія прайшлі ў Баранавічах 5-7 лістапада 2016 г.)

1.Калі я даведалася пра тое, што ў нашай грэка-каталіцкай Царкве будуць рэкалекцыі (якія прайшлі напрыканцы Году Міласэрнасці -  http://svjazep.org/engine/print.php?newsid=1761 ) — я была бязмежна шчаслівая, бо даўно разам з сябрамі марыла пра гэта. Мы чакалі гэтых рэкалекцый так, як дзеці чакаюць падарунка на дзень народзінаў. Прынамсі, я ведала дакладна, што гэтыя рэкалекцыі — чарговая цукерка ад Бога на нашым цярністым шляху.

Грэка-каталіцкая парафія святых Кірыла і Мятода – Апосталаў Славянаў у Баранавічах запрасіла моладзь на рэкалекцыі, якія прайшлі 5-7 лістапада 2016 г.

Тэма рэкалекцый гучала “Быць маладым хрысціянінам сёння.. і заўтра”.

У час рэкалекцый моладзь малілася рознымі малітвамі складзенымі Францішкам Скарынам.

У першы дзень рэкалекцый, які меў характар евангелізацыйны, удзельнікі слухалі духовых настаўленняў а. Андрэя Буйніча з Ліды – протапразбітара Заходняга дэканата і архім. Сяргея (Гаека).

Другі і трэці дзень рэкалекцый быў прысвячаны праблемам падрыхтоўкі моладзі да адказнага жыцця, асабліва да хрысціянскага сужэнства.

У гэтыя дні духовыя настаўленні і педагагічныя семінары праводзілі а. Аляксей Варанко з Віцебска ды а. Андрэй і матушка Святлана Абламейкі з Мінска.

У праграме ўдзельнічалі таксама а. Яўген і матушка Любоў Маліноўскія з Баранавічаў.

У часе рэкалекцыі шмат разоў прагучала думка пра важнасць падрыхтоўкі беларускай моладзі да сужэнства ў духу любові да духовай спадчыны Бацькаўшчыны.

Малітвы аўтарства Францішка Скарыны былі для ўдзельнікаў рэкалекцый карыснай дапамогай на гэтым шляху.

Кніга Папы Францішка «Імя Бога — Міласэрнасць», перакладзеная на беларускую мову супрацоўнікам беларускай рэдакцыі Ватыканскага радыё Аляксандрам Панчанкам, была прэзентавана аўтару. 

19 кастрычніка ў межах агульнай аўдыенцыі ў Ватыкане біскуп Віцебскі Алег Буткевіч і Апостальскі візітатар для грэка-католікаў Беларусі архімандрыт Сяргей Гаек перадалі Пантыфіку беларускую версію гэтай кнігі.

Кніга Папы Францішка “Імя Бога – Міласэрнасць” вярнулася да самаго аўтара. Яе беларускую версію Пантыфіку перадалі Біскуп Віцебскі Алег Буткевіч і Апостальскі візітатар для грэка-католікаў Беларусі, архімандрыт Сяргей Гаек, ініцыятары першага перакладу кнігі Святога Айца на беларускую мову. Гэта адбылося 19 кастрычніка 2016 г. у рамках агульнай аўдыенцыі ў Ватыкане. Папа падпісаў два асобнікі кнігі. Адзін з іх будзе захоўвацца ў Беларускай рэдакцыі Ватыканскага радыё, а другі паедзе ў Беларусь. 

Думкі, разважанні, парады: кніга хоць і з’яўляецца адказам на 40 пытанняў, заданых Пантыфіку італьянскім журналістам Андрэа Тарньелі, але, вядома, гэта не проста інтэрв’ю і больш, чым размова паміж двума асобамі. Гэта – пасланне міласэрнасці ўсім, хто прагне яе.  

Тэма душпастырства пакліканняў будзе абяркоўвацца ў Ватыкане. Ёй будзе прысвечана міжнародная канферэнцыя, якая 19-21 кастрычніка 2016 г. адбудзецца па ініцыятыве Кангрэгацыі па справах Духавенства. У форуме прымуць удзел каля 300 дэлегатаў з розных краін свету. З дакладам, прысвечаным задачам пастыраў адносна пакліканняў, удзельнікаў форума пазнаёміць дапаможны біскуп Мінска-Магілёўскай архідыяцэзіі Аляксандр Яшэўскі.

Тэма канферэнцыі спасылаецца на маючы адбыцца ў кастрычніку 2018 г. Сінод Біскупа, які будзе прысвечаны пытанням моладзі, веры і распазнання паклікання, заўважыў сакратар Кангрэгацыі па справах Духавенства, арцыбіскуп Хорхэ Карлас Патрон Вонг.

Віншавальнае Слова Старшыні Канферэнцыіі Каталіцкіх Біскупаў Беларусі

Мітрапаліта Тадэвуша Кандрусевіча з нагоды 420-годдзя абвяшчэння Брэсцкай Уніі