Перадкалядныя рэкалекцыі ў грэка-каталіцкіх парафіях г. Мінска

Парафія Праведнага Язэпа і Парафія св. Мікалая
Капліца душпаст. цэнтра св. Язэпа, вул. Арджнікідзе д. 6
(Рэкалекцыі праводзіць а. Андрэй Буйніч з Ліды)

- НЯДЗЕЛЯ, 18 снежня 2016 г.
гадз. 10:00 - Боская Літургія, духоўная канферэнцыя, споведзь
гадз. 15:00 - Боская Літургія, духоўная канферэнцыя, споведзь

- ПАНЯДЗЕЛАК, 19 снежня 2016 г.
гадз. 18:00 - Споведзь
гадз. 19:00 – Боская Літургія, духоўная канферэнцыя, споведзь

У нядзелю 11 снежня 2016 г., у душпастырскі цэнтр грэка-каталіцкай парафіі Праведнага Язэпа ў Мінску завітаў святы Мікалай, каб раздаць падарункі дзецям. Адметнасць свята была ў тым, што яго ладзілі не дарослыя, але самі дзеткі. Свята было зроблена ў стылі беларускай шляхты, таму гледачы змаглі перанесціся ў атмасферу ХІХ стагоддзя.

Галоўнымі рухавікамі свята былі дзеткі-ўдзельнікі “Нядзельнай школкі” і парафіяльнай “Шляхецкай школкі”. Яшчэ месяц таму яны пачалі рыхтавацца да прыходу святога Мікалая — рабіць Адвэнтовы каляндар, размаўлёўваць святога Мікалая, развучваць вершы, спевы і танцы. У той час бацькі таксама дапамагалі дзеткам падрыхтавацца да свята — яны пашылі ім строі ў стылі “ампір”.

Апостальскі Нунцый у Беларусі арцыбіскуп Габар Пінтэр лічыць прыярытэтнай задачай арганізацыю візіту Папы Рымскага ў Беларусь. Пра гэта ён заявіў 13 снежня, адказваючы на пытанні журналістаў перад цырымоніяй уручэння даверчых грамат Прэзідэнту Беларусі.

«Для мяне гэта прыярытэтная задача. Мы будзем працаваць над арганізацыяй візіту Папы Рымскага ў Беларусь, але пакуль не магу сказаць адносна тэрмінаў і праграмы», — адзначыў каталіцкі іерарх. 

Папскі пасланнік падкрэсліў, што вельмі аптымістычна глядзіць на перспектывы развіцця адносін паміж Ватыканам і Беларуссю.

Паховіны а. Віктара Данілава адбыліся ў нядзелю, 11 снежня 2016 г. у горадзе Яраслаўлі (Расійская Федэрацыя).

Святую Імшу, якая была адслужана ў капліцы мясцовай рыма-каталіцкай парафіі Ўзвышэння Святога Крыжа, узначаліў а. Якуб Блашчышын SVD, прэфект Пецярбурскай семінарыі. Яму саслужылі архімандрыт Сяргей Гаек, Апостальскі Візітатар для грэка-католікаў Беларусі і а. Аляксандр Шаўцоў з Полацка.

Выданне Апостальскага ліста «Misericordia et misera» Святога Айца Францішка ў перакладзе Секцыі па перакладзе літургічных тэкстаў і афіцыйных дакументаў Касцёла Камісіі Божага Культу і Дысцыпліны Сакрамэнтаў пры Канферэнцыі Каталіцкіх Біскупаў у Беларусі здзейснена ў выдавецтве «Pro Christo» пры падтрымцы Ордэну Меншых Братоў Капуцынаў. 

Апостальскі ліст Святога Айца Францішка на заканчэнне Надзвычайнага Юбілею Міласэрнасці запрашае нас паглядзець у будучыню і зразумець, як ісці далей з вераю, радасцю і энтузіязмам, каб зведаць багацце Божай міласэрнасці. Нашыя хрысціянскія супольнасці надалей могуць быць жывымі і дынамічнымі ў справе новай евангелізацыі настолькі, наколькі «пастырская аднова», да якой мы пакліканы, будзе штодзённа адбывацца пад уплывам аднаўляльнай моцы міласэрнасці.

Св. Імшу ўзначаліў архібіскуп-мітрапаліт Архіепархіі Маці Божай у Маскве Павел Пеццы ў саслужэнні генеральнага вікарыя архіепархіі - прэлата Сергія Цімашова, архімандрыта Сяргея (Гаека) з Мінска, а. Аляксандра Шаўцова з Полацка, настаяцела армяна-каталіцкай парафіі ў Маскве – архімандрыта Петроса Есаяна, а. Андрэя Зверава – дэлегата ардынарыя для каталікоў візантыйскага абраду ў Расіі біскупа Юзафа Верта ды 15-ці святароў лацінскага і візантыйскага абраду.

Пачэсныя і Вялебныя Айцы, Дарагія Браты і Сёстры!

Christus vincit, Christus regnat, Christus imperat!

Не хацелася б казаць ніякіх агульны слоў, якія можа прамовіць кожны прапаведнік, праводзячы спачылага Сабрата ў дом Нябеснага Айца. Асабліва гэтак заслужанага, як айцец Віктар. Лёгка і прыемна пералічыць яго шматлікія турботы на карысць Святой Хрыстовай Царквы. Яго кнігі і пераклады, выпакутаваныя на цярністым шляху жыцця, вядомыя многім. Яго духоўны запал і актыўная місіянерская пазіцыя прызнаныя многімі.

Яшчэ шмат шчырых і цудоўных слоў будзе прамоўлена аб протапрэзбітары Віктары. Аб яго сустрэчах з айцом Аляксандрам Менем, аб яго таемных пастырскіх паездках па прасторах СССР. Аб адважным апалагеце каталіцкага навучання. Ёсць, аднак, вялікае жаданне засведчыць аб галоўным цудзе ў жыцці айца Віктара – цудзе яго веры.

Протапрэсвітэр Віктар Данілаў нарадзіўся 20 ліпеня 1927 году ў г. Яраслаўль (Расія). Па сканчэнні сярэдняй школы працаваў. Быў прыняты кандыдатам у сябры Усесаюзнай камуністычнай партыі (бальшавікоў). У 1947 годзе паступіў у Яраслаўскі педагагічны інстытут.

Цяжкое матэрыяльнае становішча савецкіх грамадзян, якое пагоршылася ў сувязі з неўраджаем 1946 году, выклікала ў грамадстве апазіцыйныя настроі, асабліва сярод моладзі. Многім здавалася, што для нармалізацыі жыцця неабходна толькі вярнуцца да так званых ленінскіх прынцыпаў. Студэнт Віктар Данілаў быў у ліку тых, хто крытыкаваў сталінізм з пазіцый “чыстага ленінізму”. Погляды і выказванні маладога апазіцыянера не былі не заўважаныя агентамі Міністэрства дзяржаўнай бяспекі. У чэрвені 1948 году Віктара Данілава арыштавалі і аддалі пад суд. За “антысавецкую агітацыю” ён быў пакараны зняволеньнем на 10 гадоў

У ноч на 7 снежня 2016 г., на 90-м годзе жыцця, у Яраслаўлі (РФ) адышоў да Госпада вядомы душпастыр беларускіх грэка-католікаў, протапрэзбітар Віктар Данілаў.

Пахаванне святой памяці спачылага святара Віктара пройдзе ў Яраслаўлі ў нядзелю - 11 снежня 2016 г.

ВЕЧНАЯ ПАМЯЦЬ!

У суботу, 3 снежня 2016 г., у грэка-каталіцкай парафіі святых Братоў Апосталаў Пятра і Андрэя ў Берасці прайшла служба завяршэння Году памяці Берасцейскай царкоўнай ўніі.

Пачынаючы з дня 23 снежня 2015 г. у грэка-каталіцкіх парафіях у Беларусі праходзілі Дні ўспаміну 420-ці год Берасцейскай Уніі, абвешчанай на ўнійным сінодзе ў Берасці 16-18 кастрычніка 1596 г.   

Агульным дэвізам святкаванняў былі словы Сімвала веры "Веру ў адзіную, святую, паўсюдную і апостальскую Царкву".

Тыя ж словы былі прадметам духовага разважання і асэнсавання ўдзельнікаў Берасцейсіх святкаванняў 3 снежня 2016 г.