Слава Ісусу Хрысту!
”У Сьвятым Евангельлі сустракаем нямала апісаньняў учынкаў сьв. Язэпа, аднак ніколі не прачытаем ягоных словаў – сапраўды, часамі ўчынкі гавораць больш, чым словы, ды ўвогуле без учынкаў наша вера мёртвая (Як. 2:17). Гэты сайт перадусім пра нашыя чыны і хай яны будуць гэтак жа плённыя, як чыны сьв. Язэпа” – пісаў тут протапрэзьбітар Андрэй Абламейка, былы пробашч парафіі Праведнага Язэпа і першы рэдактар сайта.
Гэты сайт і надалей хоча распавядаць пра розныя праявы жыцьця нашае парафіі: нашыя чыны, праекты, імкненьні і мары. А паколькі Грэка-каталіцкі цэнтр сьвятога Язэпа ўсё больш і больш выпаўняе заданьне інфарматыўнага цэнтра – будзем і надалей тут памяшчаць інфармацыю, што датычыць жыцьця ўсёй Беларускай Грэка-Каталіцкай Царквы ды іншых Усходніх Каталіцкіх Цэркваў.
|
|
|
Пошук
Нядзельнае казаньне
|
панядзелак
ЛІСТАПАДА |
Сёньняшняе чытаньне:
Навіны 
| 13.07.2020 |
 Словы прывітання і малітоўнай сулучнасці накіраваў да ўдзельнікаў завяршэння XXVI грэка-каталіцкай пілігрымкі Віцебск – Полацк (12 ліпеня 2020 г.) Часовы павераны ў справах Святога Пасаду ў Рэспубліцы Беларусь Мансіньёр Махэр Шаммас:"Усім вернікам жадаю шчодрага Божага блаславення! Госпад, які ведае сэрцы, няхай кожнага верніка надзяліць ласкай неабходнай на шляху святасці!" Гэтыя словы ўпісаліся сімвалічна ў дэвіз святкавання "Будзьце мужнымі! Адвагі!" і сталі каштоўным заахвочваннем да мужнасці на шляху веры, надзеі ды любові. Яны сталіся таксама нагодай да падзячнай малітвы за місію Апостальскай Нунцыятуры ў Беларусі. |
| 13.07.2020 |
Простая трансляцыя Боскай Літургіі з капліцы парафіі св. Язафата ў г. Ліда. 12.07.2020
**** Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы! |
| 12.07.2020 |
 Ушанаваннем св. Яна Паўла ІІ завяршылася XXVI грэка-каталіцкая пілігрымка Віцебск – Полацк 2020.На працягу 5-ці дзён у духовай праграме, што праходзіла ў фармаце ан-лайн, прыняло ўдзел больш за 100 ўдзельнікаў. На святочнай Боскай Літургіі ў Полацку, пры грэка-каталіцкім храме св. Параскевы Полацкай, у нядзелю 12 ліпеня 2020, сабралося больш за 70 вернікаў з Полацка і Віцебска але прыбылі і пілігрымы з Мінска, Маладзечна, Барысава. Некаторыя з іх прыехалі на роварах, невялікая група прыйшла пешшу. Удзельнікі святкавання ўшанавалі св. Папу Яна Паўла ІІ - з нагоды 100-годдзе ягонага нараджэння - ды дзякавалі Госпаду за пэрыяд 30-ці год, што прайшоў ад першай адкрытай грэка-каталіцкай Боскай Літургіі ў Беларусі (11.03.1990). |
| 11.07.2020 |
XXVI грэка-каталіцкая пілігрымка Віцебск – Полацк 2020 проходзіць у фармаце ан-лайн. У духовай праграме прымае ўдзел больш за 100 ўдзельнікаў.
Завяршэнне праграмы адбудзецца ў Полацку, пры храме св. Параскевы Полацкай (вул. Навасёлаў, 70) у Нядзелю, 12 ліпеня 2020 Святочная Боская Літургія ў 11:00 гадз.
Адзначым 100-годдзе нараджэння св. Яна Паўла ІІ
а таксама 35 год Энцыклікі “Slavorum Apostoli” (2.06.1985) 25 Апостальскага Паслання “Orientale Lumen” (2.05.1995) і 30 год ад першай адкрытай грэка-католіцкай Боскай Літургіі ў Беларусі (11.03.1990) |
| 11.07.2020 |
Пра славянскіх апосталаў і настаўнікаў святых Кірыла і Мятода і пра энцыкліку Яна Паўла ІІ “Slavorum Apostoli” расказвае а. Яўген Усошын. 1.Энцыкліку “Slavorum Apostoli” святы айцец Ян Павел ІІ выдаў у сёмы год свайго пантыфікату - 2 чэрвеня 1985 года. Гэта энцыкліка прысвечана апосталам славянаў Кірылу і Мятоду – двум братам, якіх нават залічваюць часам да славянаў, настолькі яны звязаныя са славянскімі народамі, але якія на самрэч былі грэкамі. І гэта вельмі важна для дальнейшага нашага разгляду гэтай энцыклікі. |
| 11.07.2020 |
Духовая праграма: Евангелле паводле св. Яна, 4:1-54.
Молімся за хрысціян пераследваных за веру ў Хрыста і вернасць Царкве. |
| 10.07.2020 |
 Сусьветны Ўладару, спрадвечны Божа, Ты ўвесь сьвет стварыў і законы для ўсяго ўстанавіў, кожнаму месца прызначыў, а род людзкі так бясконца палюбіў, што Сына Свайго Адзінароднага паслаў на зямлю, каб усе слухалі Ягоную навуку і, ідучы сьледам за Ім, увайшлі ў Тваё нябеснае валадарства.Мы, дзеці беларускага народу, як маглі, слухаліся Тваіх загадаў, але дзеля чалавечае слабасьці часта падалі і зьневажалі Цябе сваімі грахамі. Цяпер молім Цябе шчыра: даруй нам нашыя правіны, нашую нядбайнасьць ў адносінах да сябе і да іншых; даруй таксама тым, хто крыўдзіў нас і зьневажаў. Барані нас ад крыўды варожае і дай нам і ворагам нашым духа сапраўднае хрысьціянскае любові. Дай нам еднасьць веры, згоду ў грамадзкім і сямейным жыцьці, загаі нашыя асабістыя і народныя раны душы, якія мы самі сабе ўчынілі, або ад непрыяцеляў атрымалі. У нашым штодзённым жыцьці асьвяці наш розум Тваім евангельскім сьвятлом, каб мы, захоўваючы Твае прыказаньні, перамагалі ўсе цяжкасьці і цярпеньні і заўсёды Цябе бласлаўлялі. Пашлі беларускаму народу ахвярных слугаў сваіх, якія праведным, сумленным і мудрым жыцьцём і дзейнасьцю вялі б яго да лепшае долі. Дай нам сьвятое духавенства. Блаславі нашы сем’і, каб у кожнай з іх дбалы бацька і ахвярная маці, злучаныя шчырай сьвятой любоўю, выхоўвалі Табе на славу, а Бацькаўшчыне на карысьць сваіх дзетак. Асаблівую ласку дай моладзі, каб яна атрымала глыбокае хрысьціянскае ўзгадаваньне і вырасла на карысных сыноў і дачок свайго народу. Блаславі нашыя дачасныя дастаткі, ня дай гінуць марна тым талентам, якія Ты пасылаеш у наш народ, але дай ім свабодна разьвіцца і закрасаваць Табе на славу і ўсяму людзтву на карысьць. Блаславі працу сялянаў на ральлі, работнікаў у фабрыках, вучоных, пісьменьнікаў, мастакоў, каб з іхняй дапамогай беларускі народ мог разумна і прыгожа жыць і разьвівацца. Цябе, Усячыстая Багародзіца і нашая нябесная Маці, просім: пакрый нашу краіну Тваім сьвятым покрывам і будзь нашай апякункай і заступніцай. І ты, сьвятая Еўфрасіньня, асьветніца Беларусі, і ўсе сьвятыя заступнікі беларускага народу, маліцеся за нас няспынна, каб мы сталіся народам сьвятым, які выконвае волю Божую і сваё пасланство, і каб мы ўнесьлі свой уклад у агульнае дабро тут на зямлі, а ў прышлым жыцьці атрымалі вечнае шчасьце і няспынна аддавалі славу, пашану і пакланеньне Богу ў Тройцы адзінаму, Айцу, і Сыну, і Сьвятому Духу, цяпер і заўсёды, і на вякі вякоў. Амін. |
| 10.07.2020 |
Ян Павел ІІ, Orientale Lumen, 4:
Да ўсіх Цэркваў Усходу і Захаду дасягае гуканьне людзей нашага часу, што пытаюцца пра сэнс свайго жыцьця. Мы чуем у ім мальбу тых, хто шукае страчанага й забытага Айца (пар. Лк 15:18-20; Ян 14:8). Сучасны чалавек просіць нас указаць яму Хрыста, Які ведае Айца і зьявіў Яго нам (пар. Ян 8:55; 14:8-11). |
| 10.07.2020 |
Духовая праграма: Евангелле паводле св. Яна, 3:1-36.
Молімся за хрысціянскія Цэрквы ў Беларусі, за іх плённае сведчанне Евангелля.
З асаблівай увагай разважаем верш з Евангелля паводле Яна 3:16. |
| 9.07.2020 |
Удзельнікам праграмы прапануем разважанне аб пакліканні Дзевы Марыі. |
