20 студзеня 2022 года з удзелам біскупа Алега Буткевіча ў парафіі Св. Андрэя Баболі ў Полацку адзначылі 500-годзе выдання малой падарожнай кніжыцы.

У набажэнстве ўдзельнічалі таксама святары грэка-каталіцкага абраду і шматлікія вернікі.

Міжнародная ініцыятыва Open Doors апублікавала штогадовы рэйтынг 50-і краін, у якіх хрысціяне часцей за ўсё сустракаюцца з пераследам або парушэннем сваіх правоў па прычыне іх веравызнання.

Агляд сёлетняга рапарту назіральнікаў зрабіла Беларуская рэдакцыя парталу Vatican News.

Рапрат World watch list 2022 звяртае ўвагу на рэзкі рост пераследу і дыскрымінацыі вызнаўцаў Хрыста. На працягу мінулага года колькасць вернікаў, якія сутыкнуліся з парушэннем правоў, кантролем ці насіллем па прычыне іх веры, склала каля 360 мільёнаў чалавек. Гэта на 20 мільёнаў больш, чым годам раней.

“Маліцеся аб еднасці, маліцеся аб сінодзе”, - так азагаловілі сумесны зварот ватыканскія кардыналы Курт Кох і Марыё Грэк. Яго прымеркавалі да Тыдня малітваў аб еднасці хрысціян (18-25 студзеня 2022 года).

У сумесным лісце, апублікаваным у Ватыкане 17 студзеня 2022 года і адрасаваным усім біскупам, адказным за экуменізм, старшыня Папскай рады спрыяння хрысціянскаму адзінству і генеральны сакратар Сінода Біскупаў, сфармулявалі прапановы для рэалізацыі экуменічнага вымярэння сінадальнага працэсу ў мясцовых Касцёлах.

Пасля малітвы Анёл Панскі, якая 16 студзеня 2022 года прайшла на плошчы святога Пятра ў Ватыкане Папа скіраваў заклік у сувязі з набліжэннем Тыдня малітваў аб еднасці хрысціян.

“З 18 па 25 студзеня адбудзецца Тыдзень малітваў аб еднасці хрысціян, які ў гэтым годзе прапануе паглядзець на сябе праз досвед Мудрацоў, якія прыбылі з Усходу ў Бэтлеем, каб пакланіцца Месіі-Каралю”, - нагадаў Францішак.

Простая трансляцыя з грэка-каталіцкай парафіі св.Язафата ў г.Ліда. 16.01.22, 11:00.

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы.

У 2022 годзе спаўняецца 500 гадоў з часу выдання Францішкам Скарынам «Малой падарожнай кніжыцы». Надрукаваная ў 1522 годзе ў Вільні, яна стала, па сутнасці, першым малітоўнікам для вернікаў, выдадзеным на беларускай мове.

З нагоды юбілею выдання, у Літве 2022 год абвешчаны Годам Францішка Скарыны.

Каб ушанаваць гэтую важную гістарычную падзею ў духоўна-рэлігійным жыцці, якой з’яўляецца 500-годдзе выданне першага беларускага малітоўніка, 20 студзеня ў Мінску, Полацку, Вільні, Варшаве, Падуі і Празе адбудуцца ўрачыстыя цэлебрацыі святой Імшы.

У першую гадавіну адыходу ў вечнасць Мітрапаліта Філарэта, Пачэснага Патрыяршага Экзарха Беларусі, беларускія грэка-католікі ўзгадваюць ў малітве ягонае служэнне ў духу міжканфесійнага дыялогу.

У Мінску за супакой душы Мітрапаліта Філарэта архімандрыт Сяргей, разам з грэка-каталіцкімі семінарыстамі, маліліся на Боскай Літургіі ў храме Парафіі Праведнага Язэпа ўвечары 11 студзеня 2022 г.  

Экуменічныя сустрэчы армяна-каталіцкага Каталікоса ў Маскве.

 
Патрыярх Каталікос Армяна-Каталіцкай Царквы Яго Блаславенства Рафаэль Пэтрос ХХІ знаходзіцца з душпастырскім візітам ў Расеі. 6 студзеня 2022 г. Каталікос узначаліў святочную Боскую Літургію ў рыма-каталіцкай катэдры ў Маскве, яму саслужылі святары армянскага, лацінскага і візантыйскага (грэка-каталіцкага) абрадаў. Прысутнічаў на Літургіі мітрапаліт Ніфон, прадстаўнік праваслаўнага Антыяхійскага Патрыярха ў Маскве.

У гэты дзень не забудзем падзякаваць Госпаду за мінулы год і за ўсё дабро, што мы атрымалі. І калі былі нейкія цяжкасці, выпрабаванні - таксама падзякуем Яму, бо мы атрымалі дапамогу, каб пераадолець іх. Сёння - дзень падзякі. Я зычу ўсім шчаслівага заканчэння года. Малюся за вас і прашу маліцца за мяне.

Папа Францішак