Прэс-служба Мінска-Магілёўскай архідыяцэзіі інфармуе аб змене месца і часу развітання са спачылым Станіславам Шушкевічам, якое было запланавана на 6–7 мая ў Чырвоным касцёле.

Развітанне адбудзецца ў суботу 7 мая ў архікатэдральным касцёле Найсвяцейшага Імя Марыі ў Мінску (плошча Свабоды, 9).

+ Заўпакойная Літургія ў храме грэка-каталіцкай Парафіі Праведнага Язэпа ў Мінску (вул. Арджанікідзе 6) - у Пятніцу, 6 мая 2022 г. - у 18:30.

+Пахавальная св. Імша ў рыма-каталіцкай Архікатэры – у Суботу, 7 мая 2022 г. – у 12:00 гадзін.

7 мая ў Хрысціянскім сацыяльным цэнтры дабрачыннай місіі Добрага Самараніна ў Мінску пройдзе канферэнцыя на тэму «Хрысціянская сям’я перад абліччам сучасных выклікаў».

Арганізатарам канферэнцыі, у якой возьмуць удзел Мітрапаліт Мінска-Магілёўскі арцыбіскуп Юзаф Станеўскі і арцыбіскуп эмерыт Тадэвуш Кандрусевіч, выступае Экспертная рада па пытаннях жыцця і сям’і пры Мінска-Магілеўскай архідыяцэзіі.

4 траўня – дзень ушанавання святой Плашчаніцы Ісуса Хрыста.

Ужо больш за паўтысячагоддзя, у дзень 4 траўня адзначаецца дзень Ушанавання святой Турынскай Плашчаніцы.

Папа Рымскі Юлій II, 516 гадоў таму - 26 красавіка 1506 г. зацвярдзіў  тэксты святой Імшы і Літургіі гадзінаў (брэвіярыя) на свята ўшанавання гэтай каштоўнай Рэліквіі і звяртаў увагу на сувязь паміж Крыжам і Святой Плашчаніцай.

Свята было прызначанае на 4 траўня, гэта значыць на наступны дзень пасля свята «знаходжання святога Крыжа».

Падчас сустрэчы з вернікамі на малітве Regina cæli, якая 1 мая прайшла на плошчы святога Пятра ў Ватыкане, Папа Францішак у чарговы раз звярнуў увагу на трагічную сітуацыю насельніцтва Украіны ва ўмовах вайны.

«Сёння пачынаецца месяц, прысвечаны Маці Божай. Я б хацеў заахвоціць усіх вернікаў і ўсе супольнасці штодзённа маліцца Ружанец у інтэнцыі міру.

Мае думкі адразу скіроўваюцца да ўкраінскага горада Марыупаль — „горада Марыі” — па-варварску разбомбленага і разбуранага. Тут і цяпер я зноў прашу стварыць бяспечныя гуманітарныя калідоры для людзей, якія апынуліся ў пастцы на сталеліцейным заводзе гэтага горада. Пакутую і плачу, думаючы пра цярпенні ўкраінскага народа, асабліва самых слабых, пажылых і непаўналетніх. Прыходзяць нават жахлівыя паведамленні пра выгнаных і дэпартаваных дзяцей», — сказаў Папа, чые словы перадала Беларуская рэдакцыя парталу Vatican News.

“Тое, што адбываецца ва Украіне – гэта трагедыя, гэта ганьба, якая назаўжды закляймуе тых, хто да гэтага прывёў, тых, хто не пабаяўся Бога”, - такімі вострымі словамі апісаў сітуацыю Патрыярх Канстантынопальскі.

“Мы шмат разоў казалі, што вайна – гэта не рашэнне. Яна не павінна быць нават апошнім сродкам. Метадам вырашэння любых спрэчак павінен быць дыялог і толькі дыялог”, - сказаў Барталамей І у інтэрв’ю кіпрскай газеце Kathimerini.

Ва Украіне, нягледзячы на жахлівую трагедыю вайны, якую перажывае краіна, не згасае рэлігійнае жыццё ў мясцовай супольнасці Касцёла.

У бліжэйшы час у краіне продуць два агульнанацыянальныя рэлігійныя мерапрыемствы: Усеўкраінская пілігрымка мужчын і Усеўкраінскае чуванне моладзі.

Першая падзея запланавана на 1 мая, калі ў Касцёле адзначаецца ўспамін святога Юзафа, рамесніка.

У гэты дзень адбудзецца Другая Усеўкраінская пілігрымка мужчын у санктуарый святога Юзафа ў горадзе Гнівань Вінніцкай вобласці.

Новазаснаваная Канферэнцыя Каталіцкіх Біскупаў Цэнтральнай Азіі абрала сваё кіраўніцтва. Першым старшынёй стаў біскуп Хасэ Луіс Мумбіела Сьера, пастыр дыяцэзіі Найсвяцейшай Тройцы ў Алматы.

На першай пяцідзённай пленарнай асамблеі, якая завяршылася 30 красавіка 2022 года ў сталіцы Казахстана Нурсултане, таксама былі абраны віцэ-старшыня – біскуп Ежы Мацулевіч, апостальскі адміністратар Узбекістана, і генеральны сакратар – біскуп Яўген Зінькоўскі, дапаможны біскуп Карагандзінскай дыяцэзіі.

Простая трансляцыя з грэка-каталіцкай парафіі св. Язафата ў г. Ліда. 01.05.2022.

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы.

Мітрапаліт Славацкай Грэка-Каталіцкай Царквы sui iuris (свайго права) Ян Бабяк SJ зышоў на пенсію.

Ватыкан, 25 красавіка 2022: Прэс-цэнтр Святога Пасаду абвясціў сёння, што Святы Айцец Францішак прыняў адстаўку ад пастырскага кіравання грэка-каталіцкай Прэшаўскай архіепархіяй (Славакія), прадстаўленую архібіскупам-мітрапалітам Янам Бабякам SJ, і прызначыў біскупа Пятра Руснака, браціслаўскага епарха,  Апостальскім Адміністратарам sede vacante Прэшаўскай архіепархіі.

Паводле сайта грэка-каталіцкай епархіі Браціславы