Грэка-католікі традыцыйна моляцца за Беларусь

 

У гэтым годзе ўрачысты ўспамін Хрыстовых пакутаў і смерці ў Вялікую Пятніцу супадае ў календары са святкаваннем Дабравешчання Багародзіцы. (У візантыйскай літургічнай традыцыі ў такім выпадку свята Дабравешчання не пераносіцца).

 

Яго Святасць Папа Францішак напісаў у буле Misericordiae Vultus, што Багародзіца, якая праз ”найвышэйшы акт прабачэння таго, хто Хрыста ўкрыжаваў, паказвае нам, як далёка можа сягаць Божая Міласэрнасць. Дзева Марыя пацвярджае, што міласэрнасць Божага Сына не ведае межаў і даходзіць да ўсіх без выключэння”.

Расклад грэка-каталіцкіх пасхальных службаў у Мінску

Парафія Праведнага Язэпа і Парафія святога Міколы Цудатворцы
(ў капліцы Душпастырскага Цэнтра святога Язэпа: 
вул. Арджанікідзэ д. 6, ст. метро «Аўтазаводская»)

ВЯЛІКІ ЧАЦВЕР – 24.03.2016
гадз. 18:30 – Вячэрня з Літургіяй св. Васіля Вял. 
і Ютрань 12-ці Евангелляў Мукаў Хрыстовых, Споведзь

ДАБРАВЕШЧАННЕ БАГАРОДЗІЦЫ - ВЯЛІКАЯ ПЯТНІЦА – 25.03.2016
СЛУЖБА ў ЧЫРВОНЫМ КАСЦЁЛЕ – ніжні храм (для ўсіх парафій г. Мінска)

гадз. 18:30 – Вячэрня з Літургіяй св. Яна Залатавуснага

Вынос Плашчаніцы і Ерусалімская Ютрань Пахавання Гасподняга, Споведзь

ВЯЛІКАЯ СУБОТА – 26.03.2016
гадз. 10.00 – Вячэрня з Літургіяй св. Васіля Вял. Асвячэнне велікодных страваў

Пасхальныя святкаванні сёлета з’яўляюцца асаблівымі для Царквы Хрыстовай. Яны праходзяць у рамках Году Божай Міласэрнасці, які быў абвешчаны Святым Айцом Францішкам. Як адзначаў ягоны папярэднік святы папа Ян Павел ІІ, «Пасхальны містэрыум гэта найвышэйшая кропка… у якой міласэрнасць становіцца рэальнасцю». Смерць і ўваскрасенне Ісуса Хрыста з’яўляюцца найвышэйшымі з магчымых праяваў Божай Міласэрнасці, выяўленай да чалавека.

Любоў Божая, якая праявілася ў тым, што Ён не пашкадаваў свайго Сына для збаўлення людзей, дазваляе чалавеку паверыць у прысутнасць любові ў свеце, паверыць у яе магутнасць. Паверыць у міласэрнасць і адкрыць глыбокі, праўдзівы сэнс любові,міласэрнасці і салідарнасці ў адносінах між людзьмі, між народамі, між Цэрквамі.

У гэтай пасхальнай перспектыве Божай Міласэрнасці беларускія грэка-католікі далучаюцца да словаў Дэкларацыі, якую ў лютым падпісалі ў Гаване Папа Францішак і Патрыярх Кірыл: «Прыносім падзяку славімаму ў Тройцы Богу за гэтую сустрэчу». Абдымкі высокіх першаіерархаў – гэта каштоўны знак сапраўднага братэрства ў Хрысце.

19 сакавіка 2016 г., у Лазараву суботу грэка-каталіцкі Цэнтр Праведнага Язэпа адведалі дзеткі з сацыяльнага прытулку.

У гэты дзень Царква ўзгадвае цуд Ісуса Хрыста, які ўваскрасіў аднаго добрага чалавека, Лазара. Дзеці, якія ўжо з самага дзяцінства згубілі свае сем'і, атрымалі глыбокія псіхалагічныя траўмы, адчулі сваю непатрэбнасць для самых блізкіх людзей, расчараваліся ў людзях... , ці змогуць яны паверыць у Любоў і ўваскрэснуць для Бога?

Расклад Службаў у грэка-каталіцкіх парафіях г. Мінска

Парафія Праведнага Язэпа 
і Парафія святога Міколы Цудатворцы
(ў капліцы Душпастырскага Цэнтра святога Язэпа: 
вул. Арджанікідзэ д. 6, ст. метро «Аўтазаводская»)

ВЯЛІКІ ПАНЯДЗЕЛАК – 21.03.2016
гадз. 18:30 – Літургія раней асвячаных Дароў
Духоўнае настаўленне, Споведзь

ВЯЛІКІ АЎТОРАК – 22.03.2016
гадз. 18:30 – Літургія раней асвячаных Дароў
Духоўнае настаўленне, Споведзь

ВЯЛІКАЯ СЕРАДА – 23.03.2016 
гадз. 17:30 – Споведзь
гадз. 18:30 – Літургія раней асвячаных Дароў
Міраванне

ВЯЛІКІ ЧАЦВЕР – 24.03.2016
гадз. 18:30 – Вячэрня з Літургіяй св. Васіля Вял. 
і Ютрань 12-ці Евангелляў Мукаў Хрыстовых, Споведзь

Дабравешчанне Багародзіцы - ВЯЛІКАЯ ПЯТНІЦА – 25.03.2016
СЛУЖБА ў ЧЫРВОНЫМ КАСЦЁЛЕ – верхні храм (для ўсіх парафій г. Мінска)
гадз. 18:30 – Вячэрня з Літургіяй св. Яна Залатавуснага

Вынос Плашчаніцы і працэсія
Ерусалімская Ютрань Пахавання Гасподняга, Споведзь

ВЯЛІКАЯ СУБОТА – 26.03.2016
гадз. 10.00 – Вячэрня з Літургіяй св. Васіля Вял.; Асвячэнне велікодных страваў

Дзень велікапоснай адновы святароў БГКЦ

У панядзелак, 14 сакавіка 2016 г., у Душпастырскім цэнтры грэка-каталіцкай парафіі Маці Божай Нястомнай Дапамогі ў Мінску, прайшоў дзень велікапоснай духовай адновы святароў Беларускай Грэка-Каталіцкай Царквы, якія нясуць пастырскае служэнне ў Беларусі.

 

Гэта быў таксама Дзень малітвы за Святога Айца Францішка – з нагоды трэцяй гадавіны ягонага выбару на Пасад святога Пятра.

Сёлета прыпадае трэцяя гадавіна з моманту абрання Папам Рымскім аргенцінскага кардынала Хорхе Марыо Берголіо. Тры гады пантыфікату — час хоць і кароткі, але ў выпадку з Папам Францішкам дастаткова прадуктыўны. За тры гады быў праведзены шэраг рэформ і змен як у вялікім, так і ў малым. Прыгадаем некаторыя факты з пантыфікату Папы.

Дзень духовай адновы для матушак

У суботу, 12 сакавіка 2016 г., у Душпастарскім цэнтры грэка-каталіцкай парафіі Маці Божай Нястомнай Дапамогі ў Мінску, адбылася рэкалекцыйная сустрэча жонак святароў і дыяканаў БГКЦ.

Сустрэча пачалася з асабістай малітвы ў цішыні перад іконай Маці Божай Нястомнай Дапамогі, а таксама Акафіста да Маці Божай, які адслужыў айцец Яўген Маліноўскі з Барановічаў.

Боскую Літургію, ў саслужэнні айца Яўгена, адслужыў і сказаў казанне айцец Андрусь Абламейка з Івацэвічаў.

 

Асаблівым госцем на сустрэчы быў айцец Раман Факсінскі, дырэктар Душпастарскага цэнтра Канферэнцыі Каталіцкіх Біскупаў Беларусі, які сказаў рэкалекцыйную навуку, а таксама паспавядаў матушак.

Адышоў да Госпада Васіль Лазар - адзін з найстарэйшых грэка-католікаў Беларусі

 

У Слоніме, 9 сакавіка 2016 г., на 87 годзе жыцця, памёр святой памяці Васіль Лазар.

 

Дзяцька Васіль разам са сваёй жонкай Яўгеніяй ў часы савецкага бязбожжа і забароны Грэка-Каталіцкай Царквы аддана трымаліся сваёй грэка-каталіцкай веры. З верасня 1968 па 1986 год рэгулярна прымалі ў сваёй хаце ў Слоніме святароў, якія працягвалі служэнне ва ўмовах падполля. На працягу дзесяцігоддзяў апекаваліся магіламі грэка-каталіцкіх святароў і манахіняў пахаваных у Альбярціне. Маліліся за адраджэнне Беларускай Грэка-Каталіцкай Царквы. Яны змаглі выхаваць у веры сваіх дзяцей ды ўнукаў, перадалі ім любоў да Бога. Дачакаліся новага адраджэння Царквы.

У Касцёле ў Беларусі адзначае 105-годдзе з дня нараджэння айца Льва Гарошкі – славутага беларускага святара, культуролага, грамадскага дзеяча і журналіста, шматгадовага кіраўніка Беларускай секцыі Ватыканскага радыё. Яго літаратурная, публіцыстычная і тэалагічная спадчына да сённяшняга дня выклікае цікавасць шматлікіх даследчыкаў і простых вернікаў.

 

Айцец Гарошка нарадзіўся 11 лютага 1911 г.  у сялянскай сям’і ў Навагрудскім павеце. Пасля заканчэння беларускай гімназіі, паступіў у Львоўскую духоўную акадэмію, а затым працягнуў вывучэнне тэалогіі у аўстрыйскім Інсбруку. Пасля атрымання святарскага пасвячэння, працаваў у Пінскай дыяцэзіі, у якасці душпастыра і педагога.