19 сакавіка 2016 г., у Лазараву суботу грэка-каталіцкі Цэнтр Праведнага Язэпа адведалі дзеткі з сацыяльнага прытулку.

У гэты дзень Царква ўзгадвае цуд Ісуса Хрыста, які ўваскрасіў аднаго добрага чалавека, Лазара. Дзеці, якія ўжо з самага дзяцінства згубілі свае сем'і, атрымалі глыбокія псіхалагічныя траўмы, адчулі сваю непатрэбнасць для самых блізкіх людзей, расчараваліся ў людзях... , ці змогуць яны паверыць у Любоў і ўваскрэснуць для Бога?

Для Хрыста, які паклікаў да жыцця памерлага Лазара, ўсё магчыма. Таму і валанцёры Руху св. Мікалая перад мерапрыемствам зрабілі самую важную справу, памаліліся на Боскай Літургіі за дзетак і даверылі іх лёс Богу Міласэрднаму.

А потым было як звычайна: духоўная праграма для дзетак, упрыгожванне вербачак напярэдадні Вербнай нядзелі, вырабніцтва і вясёлае паяданне варэнікаў і зразумела, аганёк у вачах і гарачыя абдымкі на развітанне.

Бог ёсць Магутны і робіць цуды кожны дзень!