18 снежня ў Ватыкане было апублікавана пасланне папы Францішка на 52-і Сусветны дзень міру, тэма якога «Добрая палітыка стаіць на службе міру».

Як паведамляе беларуская рэдакцыя партала Vatican News, у пасланні Святога Айца на дзень міру, які адзначаецца 1 студзеня, падкрэслена, што мір займае цэнтральнае месца ў місіі вучняў Хрыста.

«Гэтая прапанова адрасавана ўсім людзям, якія спадзяюцца на мір ва ўмовах трагедый і насілля ў гісторыі чалавецтва»,— піша Папа.

18 снежня Апостальская Нунцыятура ў Кіеве абнародавала афіцыйнае паведамленне — Камунікат — адносна інфармацыі пра сітуацыю ў Праваслаўнай Царкве ва Украіне.

Падаем поўны тэкст паведамлення ў перакладзе на беларускую мову.

«У апошнія дні некаторыя інфармацыйныя органы Святога Пасаду апублікавалі, між іншым, інфармацыю пра падзеі, якія нядаўна адбыліся ў Праваслаўі ва Украіне. Гэта адпавядае заданню кожнага органу сацыяльных камунікацый, а менавіта, інфармаваць сваіх карыстальнікаў пра тое, што адбываецца ў свеце.

“39-гадовы мітрапаліт Эпіфаній (Думенка) быў абраны ўзначаліць новую аўтакефальную Праваслаўную Царкву Украіны  (ПЦУ) на спецыяльным Аб'яднаўчым Саборы, які адбыўся ў гістарычным храме Святой Сафіі ў Кіеве ў суботу», - гаворыцца ў паведамленні.

“Вельмі балючая навіна для Маскоўскай Патрыярхіі і вельмі важкая - для каталіцкага і ўсяго хрысціянскага свету”, - адзначае іерарх.

Як паведаміў 13 снежня 2018 г. кіраўнік прэс-службы Святога Пасаду Грэг Бёрк, у маі 2019 г. Яго Святасць Папа Францішак наведае з апостальскім візітам Балгарыю і Македонію.

У афіцыйным паведамленні гаворыцца, што Святы Айцец у адказ на запрашэнне дзяржаўных уладаў згаданых краін і іерархаў Каталіцкай Царквы гэтых краін (Балгарыі і Македоніі) здзейсніць Апостальскае падарожжа на Балканы.

5–7 мая Яго Святасць Папа Франішак Пантыфік наведае гарады Сафію і Ракаўскі ў Балгарыі, а 7 мая скіруецца ў горад Скоп’е ў Македоніі (Былой Югаслаўскай Рэспубліцы Македонія).

Праграма візіту будзе апублікавана ў адпаведны час.

6-га снежня Царква Хрыстовая святкуе памяць святога Мікалая, архібіскупа Мірлікійскага. 

Святы Мікалай Мірлікійскі шануецца ў роўнай ступені ва ўсіх частках Паўсюднай Царквы, але асабліва шырокае яго шанаванне распаўсюджана сярод славянскіх Цэркваў Кіеўскай традыцыі. Гэта звязана перш за ўсё з асаблівасцю духоўнага і літургічнага жыцця Візантыйскай Царквы. Для ўсходніх хрысціянаў прыклад ахвярнасці і вялікай міласэрнасці, які ўяўляў сабою святы Мікалай з'яўляецца падставай для асаблівага малітоўнага шанавання гэтага Святога.  

5 снежня на агульнай аўдыенцыі ў ватыканскай Зале Паўла VI папа Францішак распачаў новы цыкл катэхезаў, прысвечаных малітве «Ойча наш».

У першай катэхезе на гэтую заўсёды актуальную тэму Святы Айцец заўважыў, што на старонках Евангелля Езус паказаны як чалавек малітвы.

Нягледзячы на неадкладныя просьбы мноства людзей, Сын Божы адчуваў патрэбу ў прабыванні сам-насам з Айцом.

Пантыфік нагадаў, што першы дзень Езуса ў Кафарнауме завяршыўся трыумфальна. Нават калі зайшло сонца, мноства хворых прыходзілі да Яго дзвярэй, а Ён прапаведаваў і аздараўляў. «Споўніліся старажытныя прароцтвы і чаканні вялікай колькасці людзей, якія пакутавалі: Езус — гэта Бог блізкі, Бог, які вызваляе. Але гэты натоўп быў яшчэ малым, калі параўнаць яго з тым мноствам людзей, якія будуць збірацца вакол прарока з Назарэта. У пэўны момант гэта была акіянічная маса, а Езус быў у цэнтры ўсяго, людзі Яго чакалі, Ён быў рэалізацыяй надзеі Ізраэля», — звярнуў увагу Папа.

Духовая спадчына святых Кірыла і Мятода ды іхніх вучняў - асабліва жывая сярод хрысціянаў Македоніі. Гэтая спадчына яднае ўсе хрысціянскія Цэрквы славянскіх краінаў. 

Аб гэтай "Еднасці ў вяшчанні Слова Божага" ішла размова ў рамках нефармальнага "братэрскага семінара" ў Скопье і Струміцы 30 лістапада - 3 снежня 2018 г.

У македонскім горадзе Струміца 1-2 снежня 2018 г. праходзіць інаўгурацыя каталіцкай епархіі ўсходняга абраду. Новая, усходнекаталіцкая епархія Струміца-Скопье атрымала імя "Успення Багародзіцы". Яна створана Яго Святасцю Папам Францішкам на месца ранейшага апостальскага экзархата Македонскай Каталіцкай Царквы візантыйскага абраду.

У нядзелю, 2 снежня 2018 г. урачысты інгрэс епархіяльнага біскупа Уладыкі Кіро (Стаянава) да катэдральнага сабору Успення Багародзіцы ў Струміцы ўзначаліць Прэфект Кангрэгацыі Ўсходніх Цэркваў Кардынал Леанарда Сандры. Ён зачытае папскую булу (томас) і ўвядзе Ўладыку Кіро на епархіяльны пасад. (Уладыка Кіро да гэтага часу нёс служэнне апостальскага экзарха).

28 лістапада міжурадавы Камітэт па захаванні нематэрыяльнай культурнай спадчыны ЮНЕСКА, 13-я сесія якога праходзіць да 1 снежня на Маўрыкіі, сярод дзевяці новых элементаў уключыў Будслаўскі фэст у Рэпрэзентатыўны спіс нематэрыяльнай культурнай спадчыны чалавецтва.

Гэты спіс існуе для таго, каб зрабіць больш заўважнымі традыцыі і ўменні, якія нясуць у сабе супольнасці, але не для таго, каб такім чынам прызнаць за імі вышэйшасць або выключнасць.

Як паведамляецца на афіцыйным сайце арганізацыі Аб’яднаных нацый па пытаннях адукацыі, навукі і культуры (ЮНЕСКА), Будслаўскі фэст праходзіць у аднайменным мястэчку ў Мінскай вобласці. Пачынаючы з XVII ст. штогод у першыя выходныя ліпеня сотні тысяч пілігрымаў з усёй Беларусі і з іншых краін прыбываюць у Будслаў, каб удзельнічаць ва ўрачыстасцях у гонар іконы Маці Божай Будслаўскай. Многія з іх ідуць пешкі.

19 кастрычніка 2018 г. папа Францішак прыняў у ватыканскім Апостальскім палацы старшыню Аддзела знешніх царкоўных сувязяў Маскоўскага Патрыярхату, Мітрапаліта Валакаламскага Іларыёна.

Напярэдадні іерарх узяў удзел у пленарнай сесіі XV Генеральнай Асамблеі Сіноду Біскупаў і звярнуўся да яе ўдзельнікаў з прамовай. Як паведамляецца на афіцыйным сайце Рускай Праваслаўнай Царквы, Пантыфік сардэчна падзякаваў Мітрапаліту Іларыёну за выступленне. У сваю чаргу, ён перадаў Францішку словы прывітання Патрыярха Маскоўскага і ўсяе Русі Кірыла.

Старшыня Аддзела знешніх царкоўных сувязяў паінфармаваў Святога Айца, што Руская Праваслаўная Царква прыпыняе ўдзел у працы Змешанай міжнароднай камісіі па тэалагічным дыялогу паміж Каталіцкім Касцёлам і Праваслаўнай Царквой. Гэта звязана з сітуацыяй, якая склалася ва ўзаемаадносінах Маскоўскага і Канстантынопальскага Патрыярхатаў. Мітрапаліт Іларыён агучыў пазіцыю сваёй Царквы ў гэтым пытанні і перадаў Папу тэкст заявы, прынятай на пасяджэнні Сінода ў Мінску.