“Vive Cristo, esperanza nuestra”, - так будзе гучаць арыгінальная назва паслясінадальнай Апостальскай адгартацыі ў форме ліста да моладзі, якую Францішак падпіша ў Ларэта 25 сакавіка 2019 г.

Дакумент быў напісаны на іспанскай мове. Папа хоча даверыць яго тэкст Найсвяцейшай Панне Марыі, менавіта таму адправіцца ў італьянскі санктуарый ва ўрачыстасці Звеставання Пана.

Трэба нагадаць, што Адгартацыя стане вынікам працы Сінода Біскупаў, які праходзіў у Ватыкане з 3 да 28 кастрычніка 2018 г. на тэму: “Моладзь, вера і распазнанне паклікання”. Яе тэкст будзе апублікаваны пасля падпісання і прадстаўлены на спецыяльнай прэс-канферэнцыі, якую арганізуе Зала Друку Святога Пасаду.

Паводле Беларускай рэдакцыі Ватыканскага радыё

Ікона святых Кірылы і Мятода з Берасця перадзена ў манастыр ў г. Бары

На шляху чарговага этапу міжнароднай эстафеты асэнсавання духовай спадчыны святых Бенедыкта Нурсійскага і Салунскіх Братоў Кірылы і Мятода знайшліся гарады Полацк, Берасце, Рым і Бары.

Гэты этап меў характар міжнароднай кансультацыі (частка якой праходзіла ў форме онлайн), пілігрымкі і малітвы.

Гісторыкі, тэолагі, кананісты і душпастыры з Італіі, Славеніі, Славакіі, Украіны, Расеі, Казахстана, Латвіі, Беларусі і Польшчы, якія вывучаюць і прымяняюць у душпастырскім служэнні духовую спадчыну св. Бенедыкта, Кірылы і Мятода, адзначылі ўсё яшчэ актуальную патрэбу глыбей асэнсаваць значэнне “супольнага патранату” святых Бенедыкта, Кірыла і Мятода не толькі для Еўропы але і для краінаў іншых кантынентаў.

Рэкалекцыі ў парафіях Праведнага Язэпа і св. Мікалая Цудатворцы

Напярэдадні Нядзелі Крыжапаклоннай і свята Дабравешчання Багародзіцы рэкалекцыі праводзіць іераманах Студытскага устава Лявонцій (Тумоўскі), доктар усходніх царкоўных навук.

23 сакавіка 2019 г., СУБОТА

гадз. 18:00 – Вячэрня з Пакланеннем св. Крыжу

гадз. 19:00 – Духоўная канферэнцыя

гадз. 20:00-23:15 – Малітоўнае чуванне,

- нагода да Споведзі

24 сакавіка 2019 г., НЯДЗЕЛЯ КРЫЖАПАКЛОННАЯ

гадз. 10:00 – Боская Літургія з рэкалекцыйным казаннем,

- нагода да Споведзі

гадз. 15:00 – Боская Літургія з рэкалекцыйным казаннем,

- нагода да Споведзі

25 сакавіка 2019 г., СВЯТА ДАБРАВЕШЧАННЯ БАГАРОДЗІЦЫ

гадз. 18:30 – святочная Боская Літургія з малітвай за Беларусь,

- нагода да Споведзі

120 гадоў таму нарадзіўся а. Вацлаў Аношка

14 сакавіка 1899 г. на Магілёўшчыне нарадзіўся Вацлаў (Вячаслаў) Аношка — каталіцкі святар візантыйскага абраду, дзеяч беларускага хрысціянскага руху.

Памяць а. Вацлава Аношкі ўшанавалі грэка-каталіцкія душпастыры Заходняга дэканата на святарскай Сінаксе ў Берасці 9 сакавіка 2019 г.

Грэка-католікі Беларусі працягваюць эстафету "духовага асэнсавання" спадчыны святых Кірылы і Мятода.

Гэтая духоўная эстафета праходзіць пад малітоўным покрывам святых Апякуноў Еўропы Кірылы, Мятода і Бенядыкта. 14 лютага быў успамін спачыну св. Кірылы, 14 сакавіка - памяць св. Бенядыкта Нурсійскага, 6 красавіка - успамін свяціцеля Мятода, архібіскупа Мараўскага - гэта важныя этапы эстафету "духовага асэнсавання".  

У час Юбілею 1150-годдзя перадачы святымі Кірылам і Мятодам Папу Адрыяну ІІ Святога Пісання і літургічных тэкстаў на славянскай мове грэка-каталіцкія душпастыры хочуць дайсці да вернікаў усіх грэка-каталіцкіх парафій і супольнасцей з каштоўным сведчаннем Апосталаў і Настаўнікаў Славянаў. Гэта сведчанне сулучнасці традыцыі візантыйскага Ўсходу ды лацінскага Захаду. Для Беларусі, у якой знаходзіцца геаграфічны цэнтр Еўропы - гэта вельмі сімвалічна. 

Катэхетычныя сустрэчы ў Цэнтры св. Язэпа ў Мінску.

У душпастырскім цэнтры грэка-каталіцкай парафіі Праведнага Язэпа (Мінск, вул. Арджанікідзэ д. 6) працягваецца серыя духовых катэхезаў. 

Яны будуць праходзіць ва ўсе суботы Вялікага Посту паводле графіка:

У 18:00 гадз. - Вячэрня;

у 19:00 гадз. - катэхетычная сустрэча.

Паводле візантыйскага каляндара - новага стылю, якім карыстаюцца грэка-каталіцкія парафіі ў Беларусі, Вялікі Пост пачаўся ў панядзелак, 4 сакавіка 2019 г.

З гэтай нагоды Апостальскі Нунцый у Беларусі Архібіскуп Габар Пінтэр накіраваў адмысловае архіпастырскае блаславенне ўсім святарам ды дыяканам БГКЦ і ўсім, хто карыстаецца іхнім служэннем і душпастырскай апекай.

"Пачынаеце Вялікі Пост. З гэтай нагоды бласлаўляю вашую царкоўную Супольнасць: шчыра жадаю Божай Ласкі на шляху падрыхтоўкі вялікага свята Ўваскрасення Хрыстовага" - напісаў Архібіскуп Габар ў пасланні накіраваным Архімандрыту Сяргею (Гаеку), Апостальскаму Візітатару для грэка-католікаў Беларусі.

У нядзелю, 3 сакавіка 2019 г. новасвятар Беларускай Грэка-Каталіцкай Царквы - а. Сяргей Ганчароў (CSsR), манах-рэдэмптарыст, адслужыў у Мінску прыміцыйныя Службы. 

Прыміцыі (ад лацінскага primitiae) - гэта першыя Боскія Літургіі, якія савершае новасвятар (асабліва ў сваёй роднай парафіі); напрыканцы Літургіі новасвятар ўдзяляе вернікам асабліван блаславенне.

Па запрашэнні настаяцеля грэка-каталіцкай парафіі Святога Духа, протапрэзбітара Андрэя Абламейкі, а. Сяргей Ганчар адслужыў Боскую Літургію ў ніжнім храме Чырвонага касцёля ў 11:00 гадз. у нядзелю 3 сакавіка 2019 г.

Гэта было вялікае свята для роднай парафіі а. Сяргея. Ва ўрачыстасці ўдзельнічалі і шматлікія ягоныя сябры, асабліва моладзь.

Беларускі грэка-каталіцкі новасвятар - а. Сяргей Ганчароў (CSsR), манах-рэдэмптарыст,адслужыць прыміцыйную Боскую Літургію ў роднай парафіі Святога Духа ў Мінску - у ніжнім храме Чырвонага касцёла - у нядзелю, 3 сакавіка 2019 г., у 11:00 гадз.

Айцец Сяргей Ганчароў, пасля духовай і інтэлектуальнай падрыхтоўкі ў Кангрэгацыі Найсвяцейшага Адкупіцеля (рэдэмптарыстаў) і пасля замежных душпастырскіх стажыровак у Італіі і Бельгіі, быў рукапакладзены на прэзбітара  ў Львове 12 лютага 2019 г.

Напрыканцы Боскай Літургіі новасвятар а. Сяргей усім прысутным вернікам удзеліць прыміцыйнае блаславенне. 

- у Пятніцу, 1 сакавіка 2019 г., у 18:30 - Заўпакойная Боская Літургія 

ў храме грэка-каталіцкага Душпастырскага цэнтра св. Язэпа ў Мінску,

вул. Арджанікідзэ, д. 6;

- у Суботу, 2 сакавіка 2019 г., у 12:30 - Паніхіда 

за супакой душы спачылага Рыгора 

- на ягонай магіле, на могілкаў у м. Ушачы.