1 жніўня ў браслаўскім санктуарыі Маці Божай Валадаркі Азёраў адбылося ўрачыстае благаслаўленне ўдзельнікаў археалагічных раскопак на востраве Манастыр, што на возеры Неспіш. Менавіта з гэтым месцам звязана гісторыя абраза Маці Божай Браслаўскай.

Як адзначаецца на сайце санктуарыя Маці Божай Валадаркі Азёраў Waladarka.by, гэты цудадзейны абраз называюць таксама Маці Божай Манастырскай, што звязана з паданнем пра яго паходжанне.

На мінулым тыдні (15-21 ліпеня 2019 г.) ў Полацку пры грэка-каталіцкай парафіі святамучаніка Язафата адбыўся 10-ы юбілейны летнік “Канікулы з Богам” для людзей з абмежаваннямі псіха-фізычнага развіцця.

Арганізатарам летніка былі валанцёры Хрысціянскага валанцёрскага руху св. Мікалая.

31 ліпеня 2019 г. з Друі — духоўнай «калыскі» Ордэна марыянаў у Беларусі — скіруецца пешая пілігрымка ў Росіцу, да месца мучаніцкай смерці блаславёных святароў Антонія Ляшчэвіча і Юрыя Кашыры (марыянаў з уніяцкімі каранямі), якія прынялі жудасную смерць разам са сваімі парафіянамі.

25-я Юбілейная пілігрымка Віцебск – Полацк, якая мела праходзіць з 9 па 13 ліпеня пад дэвізам «Хрыстос жыве», не выйдзе з-за таго, што вернікі не могуць аплаціць паслугі спецыяльных службаў.

Пра гэта паведаміў Catholic.by айцец Яўген Усошын, канцлер Курыі Апостальскага візітатара для грэка-католікаў Беларусі архімандрыта Сяргея Гаека.

Па словах святара, у адказ на скіраваную арганізатарамі ў Віцебскі аблвыканкам просьбу быў атрыманы дазвол на правядзенне пілігрымкі. Аднак адна з умоваў, высунутых уладамі, прадпісвала вернікам аплаціць паслугі спецыяльных службаў — міліцыі, медыкаў, супрацоўнікаў камунальнай гаспадаркі і гэтак далей, як гэта прадугледжана зацверджанымі нядаўна беларускім урадам новымі правіламі правядзення масавых мерапрыемстваў.

Па выніках двухдзённага візіту ў Ватыкан кіраўніцтва Украінскай Грэка-Каталіцкай Царквы Зала Друку Апостальскай Сталіцы абнародавала адмысловае паведамленне.

У дакуменце прыгадваецца, што 5-6 ліпеня 2019 г. Святы Айцец Францішак узначаліў сустрэчу з Вярхоўным Архіепіскапам, Мітрапалітамі, членамі Пастаяннага Сіноду Украінскай Грэка-Каталіцкай Царквы і кіраўнікамі кампетэнтных Дыкастэрый Рымскай курыі.

Дзякуючы ініцыятыве “Святы Айцец прагнуў выразіць сваю блізкасць да гэтай Усходняй Каталіцкай Царквы sui iuris”. Разам са сваімі супрацоўнікамі ён “высока ацаніў гісторыю гэтай Царквы, яе духоўную, літургічную, тэалагічную і кананічную традыцыю, яе вернасць адзінству з Наступнікам св. Пятра, пацверджаную і апячатаную крывёй мучанікаў”.

30 чэрвеня ў саборы Маці Божай Зарваніцкай, што на Цярнопальшчыне ва Украіне, адбылася ўрачыстая архіерэйская Боская Літургія з нагоды надання святыні статусу Малой базылікі.

10 дзён пасля Ўрачыстасці Зыходу Сьвятога Духа (Пяцідзесятніцы) ў каляндары лацінскага абраду Каталіцкай Царквы прыпадае Свята Цела і Крыві Хрыста (Божае Цела) – у гэтым годзе гэта чацьвер 20 чэрвеня. Паколькі ў Беларусі гэта працоўны дзень, звычайна ў дыяцэзіях арганізуюцца ўрачыстыя працэсіі ў бліжайшую суботу або ў нядзелю, або нават раней – у першую нядзелю чэрвеня.

(Так было ў гэтым годзе ў Мінску, Пінску, Магілёве).

Урачыстасць Божага Цела – супольнае сведчанне поўнай эўхарыстычнай сулучнасці (communio) католікаў двух абрадаў Каталіцкай Царквы: лацінскага і грэка-каталіцкага (візантыйскага).

XXV грэка-каталіцкая пілігрымка Віцебск – Полацк, 2019

Грэка-каталіцкія парафіі і супольнасці Беларусі рыхтуюцца да XXV Юбілейнай Пілігрымкі.

Дэвіз пілігрымкі “Хрыстос жыве” – гэта тытул ліста Папы Францішка да моладзі свету.

Традыцыйны шлях з Віцебска ў Полацк пілігрымы пройдуць за 5 дзён: з аўторка 9 ліпеня да суботы 13 ліпеня 2019 г.

На тыдні, калі грэка-каталіцкая Царква ў Беларусі святкуе Зыход Святога  Духа, варта ўзгадаць цікавыя факты з гісторыі хрысціянства на нашых землях.  

На развіццё беларускай культуры ХVI–ХVIII стагоддзяў паўплывала дзейнасць Oрдэна базыльянаў (Ordo Sancti Basilii Magni) — манаскага ордэна Грэка-Каталіцкай Царквы.

У цэнтры Мінска, ператвораная ў канцэртную залу, узвышаецца царква Святога Духа, якая была пабудавана ў сярэдзіне ХVII стагоддзя і служыла мужчынскаму і жаночаму кляштарам базыльянаў.

Дакумент на тэму гендарнага пытання ў сферы адукацыі абнародавала Кангрэгацыя каталіцкай адукацыі. Плён амаль двухгадовай працы прадставіў яе прэфект кардынал Джузэпэ Версальдзі.

Як паведамляе беларуская рэдакцыя парталу Vatican News, дакумент пад назваю «Мужчынам і жанчынай стварыў іх: Шляхам дыялогу адносна пытання гендарнай тэорыі ў адукацыі» заахвочвае да дыялогу на тэму гендара.

У ім з усведамленнем «вялікай рызыкі непаразуменняў і ідэалагічных канфліктаў у гэтай сферы» прапануецца ў якасці найбольш адпаведных метадаў працы «слуханне, абмеркаванне і выказванне прапановаў». У тэксце аналізуецца гісторыя гендарнага пытання і прапануецца яго хрысціянска-антрапалагічнае бачанне.