22 чэрвеня ў Рыме распачыянаецца Дзясятая Сусветная сустрэча сем’яў, якая праходзіць на тэму: «Любоў у сям’і: пакліканне і шлях да святасці».

У сустрэчы бярэ ўдзел таксама дэлегацыя з Беларусі, у склад якой уваходзяць айцец Пётр Фраштэнга OCD, сакратар Рады па справах сям’і пры ККББ, а таксама сужэнцы Ян і Ліля Кобзікі.

Узначальвае беларускую дэлегацыю біскуп Аляксандр Яшэўскі SDB.

21-29 чэрвеня – дзевяць дзён малітоўнай падрыхтоўкі да свята Святых Вярхоўных Апосталаў Пятра і Паўла.

Беларускія грэка-католікі традыцыйна карыстаюцца тэкстам

Акафіста святым апосталам Пятру і Паўлу – з «Падарожнай кніжкі» Францішка Скарыны.

Чым адметныя беларускія святыя?

Катэхетычная сустрэча па тэме: Блаславенствы Ісуса Хрыста. Евангелле паводле Мацвея, раздзел 5, вершы 1-12

Правядзе сустрэчу айцец Зміцер Чарнэль

17-га чэрвеня 2022

18:30 – Боская Літургія

19:30 – Сустрэча

Грэка-каталіцкі цэнтр Праведнага Язэпа

Менск, вул. Арджанікідзэ, 6

Рэкалекцыі  пачаліся святочнай Боскай Літургіяў у парафіі Святога Духа. Прысутных святароў і вернікаў прывітаў Апостальскі Нунцый ў Рэспубліцы Беларусь Архібіскуп Антон (Ante Jozić).  

У наступныя 2 дні духоўныя настаўленні праводзіў Мітрапаліт Senior Уладыка Тадэвуш (Кандрусевіч).

На завяршэнне духоўных практыкаванняў удзельнікі здзейснілі пілігрымку да Маладзечна, дзе ў храме грэка-каталіцкай парафіі адслужылі Боскую Літургію і ўшанавалі Ікону Божай Міласэрнасці, якая там жа захоўваецца.

На крыжы Хрыстус прымірыў усіх нас і сабраў у адзін народ, - нагадаў Папа 3 чэрвеня 2022 года падчас аўдыенцыі для маладых праваслаўных святароў і манахаў розных традыцый.

Францішак заўважыў, што праз некалькі дзён католікі лацінскага абраду будуць святкаваць урачыстасць Пяцідзясятніцы, у сувязі з чым падзяліўся некаторымі думкамі адносна поўнага адзінства паміж хрысціянамі, на якія наводзіць гэта свята.

Аб хуткім спыненні вайны, што лютуе ў розных частках свету на працягу дзесяцігоддзяў, а цяпер прыйшла і на еўрапейскі кантынент, - маліўся Папа падчас ружанцовага набажэнства за мір.

31 мая 2022 года Францішак узначаліў Ружанец перад статуяй Марыі Каралевы Міру ў базыліцы Санта-Марыя-Маджорэ ў Рыме. Да набажэнства далучыліся санктуарыі ва ўсім свеце, таксама і тыя, што знаходзяцца ў краінах, дзе працягваюцца войны.

Простая трансляцыя з грэка-каталіцкай парафіі св. Язафата ў г. Ліда. 29.05.2022.

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы.

Узнясенне Ісуса Хрыста на неба адносіцца да знамянальных падзей Свяшчэннай гісторыі: бачная зямная прысутнасць Хрыста саступае месца Яго нябачнаму знаходжанню ў Царкве.

 Хрыстос праслаўлены, які знаходзіцца з Богам Айцом, адначасова знаходзіцца з намі "ва ўсе дні". Ён знаходзіцца ў Царкве Сваёй, а праз яе - у свеце і для свету.

🌟 У  ангельскага паэта метафізічнай школы Джона Донна ёсць верш "A Valediction Forbidding mourning" – "Развітанне, якое забараняе сум". Назва верша як нельга лепш адпавядае сэнсу свята Ушэсця Хрыста.

🌟 Хрыстос адышоў, але Царква не смуткуе.

Паводле тэлеграм-канала "Католікі"

Францішак заклікаў да салідарнасці з людзьмі, якія пакутуюць ад вайны, а таксама пажадаў вернікам заўсёды адчуваць прысутнасць Святога Духа ў сваіх сэрцах.

“Учора мы адзначалі ўспамін Маці Божай Успамогі Хрысціянаў. У нашых малітвах асаблівым чынам даверым Ёй прагненне міру Украіны і ўсяго свету. Няхай Багародзіца навучыць нас салідарнасці з тымі, хто перажывае выпрабаванне трагедыі вайны і прынясе прымірэнне паміж народамі”, - сказаў Папа на заканчэнне агульнай аўдыенцыі 25 мая 2022 года, вітаючы пілігрымаў з Польшчы.