19 чэрвеня 2023 Яго Святасць Папа Францішак Апостальскім адміністратарам "sede vacante" (вакантнай сталіцы) італа-албанскай епархіі П’яна-дэльі-Альбанэзі (Piana degli Albanesi) на Сіцыліі прызначыў кардынала Франчэска Мантэнэгра, архібіскупа-эмерыта архідыяцэзіі Агрыджэнта.

Грэка-каталіцкая Царква ў Італіі, таксама вядомая як італа-грэцкая або італа-албанская Царква, з'яўляецца Царквой "свайго права" (sui iuris) у Сулучнасці з Папам Рымскім, але якая захоўвае ўласныя структуры, дысцыпліну, традыцыі і візантыйскую літургію. 

L’Osservatore Romano паведаміла падрабязнасці візіту ў Манголію Сакратара па адносінах з дзяржавамі і міжнароднымі арганізацыямі. Арцыбіскуп Пол Рычард Галахер наведаў азіяцкую краіну з афіцыйным візітам з 4 па 8 чэрвеня 2023 года.

Падарожжа адбылося ў рамках 30-годдзя дыпламатычных адносін паміж Святым Пасадам і Манголіяй. Па прыбыцці ва Улан-Батар арцыбіскуп Галахер узначаліў цэлебрацыю святой Імшы ў мясцовым катэдральным касцёле. Ён падзякаваў місіянерам у Манголіі за сведчанне веры і шчодрую евангелізацыйную дзейнасць, заклікаючы працягваць “ззяць як маякі надзеі і прыклады дабрыні”. Спасылаючыся на малалікасць мясцовай каталіцкай супольнасці, іерарх нагадаў, што менавіта ў малых і на першы погляд нязначных рэчах спаўняюцца самыя вялікія Божыя справы.

З 5 чэрвеня на грамадскае абмеркавванне ў нашай краіне вынесена новая рэдакцыя закона «Аб свабодзе сумлення і рэлігійных арганізацыях». Каталіцкія біскупы Беларусі прапануюць свае прапановы і заўвагі адносна новай рэдакцыі закона.

• На общественное обсуждение вынесен проект Закона Республики Беларусь «О свободе совести и религиозных организациях» ТУТ>>>
• Прапановы ККББ ТУТ>>>

Паводле Catholic.by

У чацвер 8 чэрвеня па ініцыятыве «Каталіцкага дзеяння» і шэрагу іншых каталіцкіх арганізацый а 13-й гадзіне ва ўсім свеце праводзіцца акцыя «Адна хвіліна дзеля міру».

Як гэта адбываецца штогод з 2014 года, у сераду 8 чэрвеня ў 13.00 (паводле мясцовага часу) арганізатары запрашаюць усіх людзей добрай волі спыніцца ў тым месцы, дзе хто знаходзіцца, кожны ў сваёй краіне, каб прысвяціць «Адну хвіліну дзеля міру».

У суботу 3 чэрвеня пры касцёле святога Арханёла Міхала ў Навагрудку (Гродзенская дыяцэзія) адбылося благаслаўленне калоны з усталяванай на ёй фігурай святога Арханёла Міхала — апекуна Касцёла ў Беларусі, чыя выява змешчана на гербе горада, які быў першай сталіцай старадаўняй беларускай дзяржавы — Вялікага Княства Літоўскага.

Ва ўрачыстасці ўзялі ўдзел Апостальскі нунцый у Рэспубліцы Беларусь арцыбіскуп Антэ Ёзіч разам з біскупам Гродзенскім Аляксандрам Кашкевічам.

У межах урачыстасці адбыўся семінар, прысвечаны Арханёлу Міхалу.

Візіт Святога Айца ў Манголію, безумоўна, будзе садзейнічаць прыцягненню ўвагі да прыгажосці гэтай зямлі і высакароднасці яе народа, захавальніка вельмі глыбокіх традыцый, - заўважыў кардынал Джорджыа Марэнга.

Апостальскі прэфект Улан-Батара падкрэсліў, што афіцыйная навіна пра візіт Францішка ў Манголію, які пройдзе з 31 жніўня па 4 верасня 2023 года, “вельмі важная” і была прынята з “глыбокай радасцю”. Пілігрымка Святога Айца стане “важным знакам для Касцёла ў Манголіі”, знакам яго ўвагі і блізкасці да невялікай і маладой каталіцкай супольнасці ў гэтай азіяцкай краіне, - дадаў кардынал Марэнга.

“Прыйдзі, Дух прабачэння, гармоніі сэрцаў, перамяні нас, як Ты можаш, праз Марыю”, - маліўся Папа 28 мая 2023 года ў ватыканскай базіліцы падчас Імшы ва ўрачыстасць Пяцідзясятніцы.

Гаворачы ў гаміліі аб дзеянні Духа Святога ў створаным свеце, Францішак звярнуў увагу на тое, што менавіта Ён на пачатку і на працягу ўсяго часу робіць так, каб створаная рэчаіснасць пераходзіла ад замяшання да гармоніі, накіроўвае ход гісторыі і абнаўляе аблічча зямлі. Робіцца гэта не шляхам змены рэчаіснасці, а шляхам яе гарманізацыі.

У суботу 27 мая 2023 г. ў касцёле Узвышэння Святога Крыжа ў Брэсце прайшла ўрачыстасць у гонар Маці Божай Брэсцкай. Яе ўзначаліў Апостальскі Нунцый у Беларусі Архібіскуп Антэ Ёзіч.

Перад св. Імшой вернікі брэсцкай грэка-каталіцкай парафіі святых Братоў Апосталаў Пятра і Андрэя і пілігрымы адспявалі Акафіст да Багародзіцы перад Яе цудадзейнай Іконай.

У Нядзелю Пяцідзесятніцы - 28 траўня 2023 г. парафія Святога Духа адсвяткавала 425 год ад пабудовы парафіяльнага храму ў Мінску (1598 годзе - ужо пасля Берасцейскай царкоўнай уніі). 

Боскую Літургію ў храме Маці Божай Нястомнай Дапамогі (на зав. Снежным д. 7) узначаліў і сказаў казанне канцлер грэка-каталіцкай курыі ў Мінску, протапрэзбітар Яўген Усошын у саслужэнні душпастыра грэка-каталіцкай парафіі ў Маладзечне а. Яўгена Маліноўскага і пробашча мінскай парафіі Святога Духа, протапрэзбітара Андрэя Абламейкі.