12 красавіка гэтага году ў Лёндане крыху не дацягнуўшы да 92 год памёр найстарэйшы беларускі сьвятар у эміграцыі а. Кастусь Маскалік, шматгадовы супрацоўнік Беларускай місіі ў Лёндане і беларускай секцыі Радыё Ватыкан. З ягоным жыцьцём можна азнаёміцца ў па спасылцы: http://svjazep.org/index.php?newsid=101.
Аудыё-ўспамін а.Аляксандра Надсана пра нябожчыка знаходзіцца ў рэпартажы беларускай секцыі радыё Ватыкан па спасылцы: http://www.oecumene.radiovaticana.org/BIE/...lo.asp?c=371739.

Малітва за супакой ягонае душы адбудзецца ў капліцы парафіяльнага цэнтру парафіі сьв. Язэпа па вул. Арджанікідзэ сёньня, 13 красавіка ў 18.30.

Сьветлая і вечная памяць!
Хай добры і міласэрны Бог паселіць ягоную душу разам з усімі сьвятымі.

“Усіх ахвяраў гэтай драматычнай катастрофы –дэпутатаў парламенту, палітыкаў, прадстаўнікоў арміі і Катынскіх Сем’яў – даручаю спагадлівасьці Міласэрнага Бога” – напісаў у тэлеграме да старшыні Польскага Сейма Сьвяты Айцец Бенядыкт XVI.

Паніхіду за душы загінуўшых падчас крушэння самалёта Прэзідэнта Польшчы, якое здарылася 10 красавіка 2010 пад Смаленскам (блізка Катыні), адслужыў у 12:00 гадз. у суботу на Вайсковых могілках у Мінску Дэкан Мінскіх грэка-каталіцкіх парафіяў протапрэзьбітар Яўген Усошын.

Апостальскі Візітатар БГКЦ Архімандрыт Сяргей (Гаек) даслаў Паслу Рэспублікі Польшча ў Беларусі ліст з выказаньнем спачуваньня і салідарнасьці ад свайго імя і ад імя сьвятароў і шматлікіх вернікаў.

Вечарам 10 красавіка Архімандрыт саслужыў у касьцёле сьв. Сымона і Алены з Мінску сьв. Імшу за супакой душаў ахвяраў авіякатастрофы пад Смаленскам.

Адмысловую заўпакойную службу за душы загінуўшых Архімандрыт Сяргей адслужыць у нядзелю – 11 красавіка 2010 у 11:00 гадз. у грэка-каталіцкім храме Хрыста Чалавекалюбца ў Маладзечне.

Апостальскі Візітатар БГКЦ прыйме таксама ўдзел у задушнай сьв. Імшы ў касьцёле сьв. Сымона і Алены ў аўторак 13 красавіка ў 12:00 гадз.

Хрыстос уваскрос з мёртвых...
І тым, што ў магілах, жыцьцё дараваў.

Маленьне за спачылых вернікаў у парафіях і на могілках Мінска

Кальварыйскія могілкі – Субота, 10 красавіка 2010 года
Паніхіда пасьля Боскай Літургіі (10.00) ў Парафіі Маці Божай Нястомнай Дапамогі (зав. Сьнежны, 7) 11.30 – паніхіда на магіле першага Дэкана БГКЦ а. Яна Матусевіча

Вайсковыя могілкі – Субота, 10 красавіка 2010 года
12.30 – паніхіда на месцы пахаваньня парэшткаў вернікаў
знойдзеных у падмурках храма Сьвятога Духа і на магілах Якуба Коласа ды Янкі Купалы

Касьцёл сьв. Сымона і Алены – Нядзеля, 11 красавіка 2010 года
Паніхіда пасьля Боскай Літургіі (18.00)
19.45 – паніхіда ля пахавальнай каплічкі сьв. пам. Гая Пікарда
(злева ад галоўнага ўваходу ў Чырвоны касьцёл)

Апостальскага Візітатара для грэка-католікаў Беларусі
на свята Пасхі Хрыстовай 2010 году


1. Дзякуючы ласцы Хрыста Чалавекалюбца мы прайшлі шлях Велікапоснага духоўнага вандравання, як неабходную падрыхтоўку да святкавання Пасхі Гасподняй. Вялікдзень прыносіць нам радасць Уваскрасення Госпада і Збаўцы нашага Ісуса Хрыста. У гэтым годзе гэта радасць тым больш вялікая, што ўсе хрысціяне святкуюць Пасху Гасподнюю разам.
У святле Ўваскрасення Хрыстовага дзякуем Госпаду за ўсе значныя моманты, праз якія Ён нас вёў да радасці Вялікдня.

Прадстаўнік Яго Святасці Папы Рымскага Бенядыкта XVI-га, Апостальскі Нунцый у Беларусі, Высокадастойны Архібіскуп Марцін Відавіч накіраваў Велікодныя віншаванні для беларускіх грэка-католікаў на рукі Дастойнага Архімандрыта Сяргея (Гаека), Апостальскага Візітатара для католікаў візантыйскага абраду ў Беларусі.
Ніжэй змяшчаем тэкст віншаванняў.

Уваскрэсенне – Сашэсце ў пекла. XVІIІ ст. З в. Альгомель Брэсцкай вобл.Уваскрасеньне Госпада Нашага Ісуса Хрыста

Паводле шматгадовай традыцыі вернікі ўсіх грэка-каталіцкіх парафіяў г. Мінска разам сустракаюць Уваскрасеньне Гасподняе ў касьцёле сьвятых Сымона і Алены (“Чырвоны касьцёл”) – галоўны (верхні) храм

Нядзеля, 4 сакавіка 2010

гадз. 00:00 (поўнач)
Працэсія Ўваскрасеньня Гасподняга
Сьветлая Велікодная Ютрань
Боская Літургія
Блаславеньне велікодных страваў

гадз. 11:00 – Боская Літургія; Блаславеньне велікодных страваў (у капліцы па зав. Сьнежным, 7)

гадз. 15:00 – Пасхальныя гадзіны і Вячэрня (у парафіяльнай капліцы на вул. Арджанікідзэ, 6)

гадз. 18.00 – Боская Літургія (у дольным храме касьцёла сьв. Сымона і Алены)

Апошняя Вячэра XVIІI ст. г. ШклоўСлужэньне Апостальскага Візітатара Архім. СЯРГЕЯ

28 сакавіка 2010 г., ВЕРБНАЯ НЯДЗЕЛЯ
ІВАЦЭВІЧЫ, Парафія Маці Божай Жыровіцкай
10:00, Боская Літургія, Асьвячэньне вербаў

БЕРАСЬЦЕ, Парафія сьвятых Братоў Апосталаў Пятра і Андрэя
13:00 – Боская Літургія, Сьвяткаваньне Сусьветнага Дня Моладзі

29 сакавіка 2010 г., ВЯЛІКІ ПАНЯДЗЕЛАК
МІНСК, Парафія Праведнага Язэпа
18:30 – Літургія раней асьвячаных Дароў

30 сакавіка 2010 г., ВЯЛІКІ АЎТОРАК
ПОЛАЦАК, Парафія сьвятапакутніка Язафата
18:00 – Літургія раней асьвячаных Дароў

31 сакавіка 2010 г., ВЯЛІКАЯ СЕРАДА
ВІЦЕБСК, Катэдра сьв. Барбары
11:00 – Саслужэньне сьв. Імшы Хрызмы (Міра)

Апошняя Вячэра. Сярэдзіна XVIІI ст. Давыд-Гарадок.Парафія Праведнага Язэпа і Парафія сьвятога Міколы Цудатворцы
у капліцы Душпастырскага Цэнтра сьвятога Язэпа
(вул.Арджанікідзэ, 6; ст.метро «Аўтазаводская»)

29 сакавіка 2010 г., ВЯЛІКІ ПАНЯДЗЕЛАК
18:30 – Літургія Раней Асьвячаных Дароў

30 сакавіка 2010 г., ВЯЛІКІ АЎТОРАК
18:30 – Літургія Раней Асьвячаных Дароў

31 сакавіка 2010 г., ВЯЛІКАЯ СЕРАДА
18:30 – Літургія Раней Асьвячаных Дароў

1 красавіка 2010 г., ВЯЛІКІ ЧАЦЬВЕР
18:30 – Вячэрня з Літургіяй сьв. Васіля Вялікага
20:00 – Ютрань 12 Евангельляў Мукаў Гасподніх

2 красавіка 2010 г., ВЯЛІКАЯ ПЯТНІЦА
18:30 – Вячэрня з Пакланеньнем Плашчаніцы, Плач Багародзіцы
19:15 – Ерусалімская Ютрань Вялікай Суботы

3 красавіка 2010 г., ВЯЛІКАЯ СУБОТА
9:00 – Вячэрня з Літургіяй сьв. Васіля Вялікага

Службы Вербнай Нядзелі ў мінскіх грэка-каталіцкіх парафіях

ПАРАФІЯ ПРАВЕДНАГА ЯЗЭПА
у капліцы Душпастырскага Цэнтра святога Язэпа
(вул.Арджанікідзэ, 6; ст. метро «Аўтазаводская»)
28 сакавіка 2010 г., Нядзеля Ўваходу Госпада ў Ерусалім
10:00 — Боская Літургія св. Яна Залатавуснага
Асвячэнне вербаў

* * *

ПАРАФІЯ МАЦІ БОЖАЙ НЯСТОМНАЙ ДАПАМОГІ
у дольным храме касцёла святых. Сымона і Алены
28 сакавіка 2010 г., Нядзеля Ўваходу Госпада ў Ерусалім
11:00 — Боская Літургія св. Яна Залатавуснага
Асвячэнне вербаў

* * *

ПАРАФІЯ СВЯТОГА МІКОЛЫ ЦУДАТВОРЦЫ
у касцёле св. Яна Хрысціцеля па вул. Пляханава, 28.
28 сакавіка 2010 г., Нядзеля Ўваходу Госпада ў Ерусалім
15:00 — Боская Літургія св. Яна Залатавуснага
Асвячэнне вербаў

* * *

ПАРАФІЯ СВЯТОГА ДУХА
у дольным храме касцёла святых Сымона і Алены
28 сакавіка 2010 г., Нядзеля Ўваходу Госпада ў Ерусалім
18:00 — Боская Літургія св. Яна Залатавуснага
Асвячэнне вербаў

«Справядлівасьць Божая - праз веру ў Ісуса Хрыста»

Пятніца, 26 ІІІ 2010 – Заканчэнне рэкалекцый
запаведзь VIII: Жыццё ў праўдзе, жыццё ў справядлівасці

Нататкі а. Андрэя Буйніча да велікапостных рэкалекцыяў у касьцёле сьвятых Сымона і Алены (Чырвоным касьцёле) у Мінску, (20 – 26 сакавіка 2010 г.)