З нагоды сьвята Ўваскрасеньня Хрыстовага зь велікоднымі разважаньнямі да вернікаў зьвярнуўся Апостальскага візытатар для беларусаў грэка-католікаў замежжа айцец Аляксандар Надсан.

Віншавальнае Слова Апостальскага Візітатара для грэка-католікаў Беларусі
на свята Пасхі Гасподняй 2011 году.

Да пасхальнай радасці Уваскрасення Гасподняга святая Царква прывяла нас шляхам Велікапоснага подзвігу веры, надзеі ды любові. Службы Вялікага Тыдня Пакутаў Хрыстовых памаглі нам асэнсаваць бязмежную любоў Хрыста да кожнага чалавека.

Вялікдзень прыносіць нам радасць Уваскрасення Госпада і Збаўцы нашага Ісуса Хрыста – радасць Хрыстовай перамогі. У гэтым годзе гэта радасць тым больш вялікая, што ўсе хрысціяне святкуюць Пасху Гасподнюю разам.

Шчыра віншуем са святам Пасхі Хрыстовай усіх вернікаў Беларускай Грэка-Каталіцкай Царквы, а таксама нашых братоў рыма-католікаў і нашых братоў праваслаўных. Віншуем усіх хрысціянаў Беларусі.

Хай глыбокая вера, мужная надзея і дзейсная любоў суправаджаюць нас – беларускіх хрысціянаў – на шляху нястомнага сведчання ўсім жыхарам Беларусі пра пасхальную Перамогу Уваскрослага Хрыста у нашых сем’ях і ў нашай Бацькаўшчыне.

Хрыстос уваскрос – Сапраўды ўваскрос

Мінск, Пасха Хрыстова 2011 г.

Велікодныя віншаванні Апостальскай Нунцыятуры

Напярэдадні Вялікага Тыдня Мукі Гасподняй Апостальская Нунцыятура ў Рэспубліцы Беларусь даслала на рукі Апостальскага Візітатара для грэка-католікаў Беларусі Архімандрыта Сяргея (Гаека) велікодныя віншаванні для святароў і вернікаў БГКЦ.

Грэка-каталіцкая Царква Сьвятых Кузьмы і Дзям’яна – Vyšehradská 49, Praha 2 (уваход з вуліцы Na Slovanech)

22 красавіка 2011
Вялікая Пятніца


19:00 – Вячэрня і пакланеньне Плашчаніцы
успамін Вечнапамятнай сьмерці ды пахаваньня Госпада і Збаўцы нашага Ісуса Хрыста;
малітва за ахвяраў тэракта ў Менску 11.04.2011;
магчымасьць Споведзі.

24 красавіка 2011
Вялікдзень – Уваскрасеньне Гасподняе


11:00 – Боская Літургія – Пасха
асьвячэньне Пасхальных страваў;
12:30 – Пасхальная агапа – сяброўскі пачастунак (у залі побач з царквою) перад Літургіяй магчымасьць Споведзі.

Расклад Службаў у грэка-каталіцкіх парафіях Мінска

ВЯЛІКАЯ СЕРАДА - 20.04.2011,
Капліца на вул. Арджанікідзе д. 6
гадз. 17:00 – СПОВЕДЗЬ
гадз. 18:00 – Літургія раней асвячаных Дароў

Капліца на зав. Снежным д.7
гадз. 17:00 – СПОВЕДЗЬ
гадз. 18:00 – Літургія раней асвячаных Дароў

Святы Айцец Бенядыкт XVI узначаліць усе літургічныя абрады Вялікага тыдня. Ахвяры, сабраныя падчас Імшы Вячэры Пана, будуць накіраваны на патрэбы пацярпелых ад землятрусу і цунамі ў Японіі.

У Вялікі чацвер, 21 красавіка, у 9.30 па італьянскім часе, Пантыфік узначаліць святую Імшу Хрызму. А ўвечары гэтага дня — літургію Вячэры Пана ў базыліцы св. Яна на Латэране.

22 красавіка, у Вялікую пятніцу, Святы Айцец узначаліць літургію Мукі Пана ў ватыканскай базыліцы, а ў 21.15 — Крыжовы шлях у рымскім Калізеі.

23 красавіка, у Вялікую суботу, Святы Айцец будзе цэлебраваць літургію Пасхальнай вігіліі, а раніцай 24 красавіка ўзначаліць цэлебрацыю святой Імшы Змёртвыхпаўстання Пана. Апоўдні Бенядыкт XVI прамовіць традыцыйнае пасланне «Urbi et Оrbi».

Набажэнства Крыжовага шляху з Калізея і папскае пасланне «Urbi et Оrbi» вы зможыце ўбачыць на каналах беларускага тэлебачання.

Паводле catholic.by

Сёлета спаўняецца 25 год з моманту аварыі на Чарнобыльскай АЭС. З гэтай нагоды з 17 па 20 красавіка 2011 г. у мінскім Міжнародным адукацыйным цэнтры IBB праходзіць Міжнародная партнёрская канферэнцыя «25 год пасля Чарнобыля». Распачалася канферэнцыя малітвай прадстаўнікоў розных канфесій. У набажэнстве прынялі ўдзел супрацоўнікі больш за 400 дабрачынных арганізацый, каля 600 ліквідатараў і перасяленцаў з заражанай зоны.

Выказваю мае глыбокія спачуванні ў сувязі з трагічнымі падзеямі 11 красавіка на станцыі метро «Кастрычніцкая», калі падчас выбуху дзесяткі непавінных асобаў страцілі сваё жыццё і былі параненыя.

Шчыра і горача малюся за ўсіх, каго дакранулася трагедыя, няхай Добры Бог дасць вечнае жыццё памерлым, параненым адновіць здароўе, а для тых, хто застаўся ў горы і жалобе, удзеліць сваё бацькоўскае суцяшэнне.

Для ўсіх узрушаных трагедыяй прызываю Божае блаславенства і перадаю іх апецы Беззаганна зачатай Маці Божай, заступніцы сталіцы Беларусі.

Архібіскуп Марцін Відавіч
Апостальскі Нунцый у Рэспубліцы Беларусь

Сёння спаўняецца 20 год з дня заснавання Мінска-Магілёўскай мітраполіі. 13 красавіка 1991 г. згодна з рашэннем Яна Паўла ІІ была ўстаноўлена гэта структурная адзінка, у склад якой увайшлі Мінска-Магілёўская архідыяцэзія (у межах Мінскай, Магілёўскай і Віцебскай абласцей), Гродзенская дыяцэзія (у межах Гродзенскай вобласці) і Пінская дыяцэзія (у межах Брэсцкай і Гомельскай абласцей).

У сувязі з заканчэннем першага этапу рэстаўрацыйных прац у катэдральнай базыліцы ў Сандаміры (Польшча) з 7 па 9 красавіка праходзіць міжнародны сімпозіум, прысвечаны сакральнаму мастацтву Усходу і спалучаны з урачыстастым адкрыццём адноўленага інтэр’еру гістарычнай святыні.

Як паведамляе сайт Сандамірскай дыяцэзіі, ва ўрачыстай літургіі 9 красавіка, падчас якой будуць адкрыты адрэстаўраваныя часткі базылікі, прымуць удзел прадстаўнікі каталіцкага Епіскапата Польшчы а таксама іерархі Усходніх Цэркваў з Польшчы, Украіны, Беларусі, Славакіі і Вугоршчыны. Сярод удзельнікаў таксама Апостальскі Візітатар для грэка-католікаў Беларусі архімандрыт Сяргей Гаек.

Літургію ўзначаліць Апостальскі нунцый у Польшчы арцыбіскуп Чэлестыно Мільёрэ.