Парафія Святога Духа
(ў ніжнім храме касцёла святых Сымона і Алены - Чырвоны касцёл)

20 сакавіка 2012 г. – Aўторак
18:30 — Літургія раней асвячаных Дароў

У італійскім горадзе Бары ўзгадалі Экзарха Антона, ягонае служэнне і мучаніцтва

На працягу бягучага 2012 г. Беларуская Грэка-Каталіцкая Царква ўзгадвае пакутніцкі подзвіг Экзарха Антона Неманцэвіча S.J. і ягонай паствы ў Беларусі – 70 год ад арышту Экзарха Гестапам і нацысцкіх карных акцый над насельніцтвам Палесся і Слонімшчыны (Брэсцкая і Гродзенская вобласці), якія адбыліся ў 1942 г.

Гэтая “Анамнэза”, душпастырская, літургічная і культурная, пачалася 6 студзеня 2012 г. і будзе мець розныя этапы, таксама і на міжнародным узроўні.

Паніхіда на магіле Архімандрыта Віргінія

У суботу, 17 сакавіка 2012 г., на могілках ў мястэчку Santo Stefano Lodigniano Патрыярх Грэка-Каталіцкай Мелхіцкай Царквы Яго Блаславенства РЫГОР II (GREGORIOS II), узначаліў Паніхіду на магіле Архімандрыта Віргінія (Virginio Fogliazza), які адышоў у вечнасць 19 лютага 2012 г.

Архімандрыт Мелхіцкага Патрыярхата Антыяхіі Віргіній быў настаяцелем італійскага аддзялення Патрыяршага Ордэна Святога Крыжаі адначасова кіраўніком Цэнтра Ўсходняй Духоўнасці называным EREMO (Пустэля) у мясціне Chiaviccone каля горада Лоды (Lodi).

З візітам у беларускіх грэка-католікаў у Празе

11 сакавіка 2012, у Крыжапаклонную Нядзелю, па запрашэнні Экзарха Грэка-Каталіцкай Царквы ў Чэскай Рэспубліцы Высокадастойнага Ўладыкі Ладзіслава (Гучка), Апостальскі Візітатар БГКЦ Архімандрыт Сяргей (Гаек) наведаў беларускую грэка-каталіцкую парафію Дабравешчання Насвяцейшай Багародзіцы ў Празе, якая рэгулярна збіраецца на малітву ў храме святых Кузьмы і Дзям’яна і якою апякуецца а. Андрэй Абламейка.

«На сучасным этапе развіцця Касцёла разам з евангелізацыяй новая евангелізацыя з’яўляецца галоўным заданнем Касцёла, бо так шмат ахрышчаных адыходзіць ад Бога і так шмат краін і народаў з працяглай гісторыяй хрысціянства жывуць так, як быццам Бога зусім няма», — адзначыў Мітрапаліт Тадэвуш Кандрусевіч, звяртаючыся з прывітальным словам да ўдзельнікаў навукова-практычнага семінару на тэму «Евангелізацыя i новыя сродкі камунікацыі» ў Баранавічах.

Грэка-каталіцкі клуб інтэлігенцыі імя св. Кірылы Тураўскага запрашае на духоўную сустрэчу, якая пройдзе з нагоды 60 гадоў ад моманту пакутніцкай смерці (11 лютага 1952 г.) у лагеры пад Тайшэтам Архімандрыта Андрэя Цікоты M.I.C.

Сустрэча адбудзецца ў бліжэйшую пятніцу – 24 лютага 2012 г. у 19:00 гадз.
у Душпастырскім цэнтры св. Язэпа па вул. Арджанікідзе д. 6.

У рамках сустрэчы д-р Юры Гарбінскі распавядзе пра гэтага беларускага патрыёта – святара, педагога, вязня сталінскіх канцлагераў (што “стаўся ахвярай за Веру і Бацькаўшчыну”) на падставе дакументаў следзтва ды ягоных лістоў з-за калючага дроту.

18 лютага пры грэка-каталіцкім Цэнтры св. Язэпа ў Менску адбыўся «Вечар спяванай паэзіі».

Вечар быў арганізаваны ў рамках духоўнай падрыхтоўкі да надыходзячага Посту, а таксама, з нагоды святкавання міжнароднага дня роднай мовы, які адзначаецца 21 лютага.

У праграме Вечару былі выкананыя песні на вершы Купалы, Караткевіча, Разанава, Мілаша, а таксама на аўтарскія вершы.

Выканаўцы: Раман Яраш, Андрэй Касцень, Алеся Медушэўская. Выкананне: Гітара, вуснавы гармонік, мандаліна, дарбук.

Са святам Роднай Мовы, сябры!

Напярэдадні мясапуснай Бацькоўскай суботы (за старым стылем) – 17 лютага 2012 г. у грэка-каталіцкай парафіі ў Полацку ўзгадалі 70 год мучаніцкага подзвігу Экзарха Антона Неманцэвіча і ягонай паствы , што сталі ахвярамі карных нацысцкіх акцыяў 1942-1943 гадоў у Беларусі.

Боскую Літургію ўзначаліў Апостальскі Візітатар БГКЦ Архімандрыт Сяргей (Гаек) а казанне прамовіў настаяцель полацкай парафіі а. Аляксандр Шаўцоў.

“Мужнасць і вернасць Паўсюднай Царкве ды нястомная і верная любоў да Бацькаўшчыны, да роднай мовы і культуры – гэта каштоўны прыклад, які даў нам Экзарх Антон, гэта выклік і сёння акуальны для ўсіх нас ” –- сказаў а. Аляксандр.

Грэка-католікі г. Мінска пачынаюць Вялікі Пост 2012 г. паводле наступнага раскладу:

Парафія Праведнага Язэпа і Парафія сьвятога Міколы Цудатворцы
ў капліцы Душпастырскага Цэнтра сьвятога Язэпа
(вул.Арджанікідзэ д. 6, ст. метро «Аўтазаводская»)

20 лютага 2012 г., Панядзелак, Пачатак Вялікага Посту
18:30 — Павячэрніца з Пакаянным канонам сьв. Андрэя Крыцкага

23 лютага 2012 г., Чацьвер першага тыдня Вялікага Посту
18:30 — Павячэрніца з Пакаянным канонам сьв. Андрэя Крыцкага

Перад пачаткам Вялікага Посту завяршылася акцыя “Св. Мікалай ідзе да дзяцей”, арганізаваная валанцёрскім рухам св. Мікалая, каардынацыйны цэнтр якога знаходзіцца пры нашай грэка-каталіцкай парафіі Праведнага Язэпа ў Мінску.

Згодна з ідэяй акцыі, кожны жадаючы ў перыяд святаў Божага Нараджэння мог на нейкі час стацца Святым Мікалаем і падрыхтаваць падарунак для пэўнага дзіцяці з дзіцячага дома альбо з небагатай сям’і. Сабраныя з акцыі падарункі валанцёры раздавалі дзецям падчас калядных пастановак у дзіцячых інтэрнатах і прытулках. Таксама, падарункі патрапілі да бедных і патрабуючых сем’яў і да асобаў з абмежаванымі магчымасцямі. У выніку радасць атрымалі каля 350 чалавек з розных куткоў Беларусі.