У працоўныя дні тыдня 24-29 чэрвеня 2013 г. прыпадаюць у царкоўным каляндары два вялікія святы: 24 чэрвеня – Нараджэнне св. Яна Хрысціцеля ды 29 чэрвеня – Слаўных Вярхоўных Апосталаў Пятра і Паўла.

Расклад святочных Службаў у грэка-каталіцкіх парафіях Мінска:

СВЯТА НАРАДЖЭННЯ ЯНА ХРЫСЦІЦЕЛЯ
Панядзелак – 24.06.2013

Капліца на вул. Арджанікідзе д. 6
гадз. 18:30 – Боская Літургія
(для Парафіі Праведнага Язэпа і Парафіі св. Мікалая)

Капліца на зав. Снежным д.7
гадз. 18:30 – Боская Літургія
(для Парафіі Маці Божай Нястомнай Дапамогі і Парафіі Святога Духа)

Паніхіда ў 10-я ўгодкі смерці Васіля Быкава

22 чэрвеня 2013 г. спаўняецца 10 год ад смерці Васіля Быкава. Напярэдадні гэтых угодкаў, у пятніцу 21 чэрвеня 2013 г., у храме душпастырскага цэнтра нашай грэка-каталіцкай парафіі Праведнага Язэпа мінскія грэка-католікі маліліся за супакой душы спачылага Васіля. Паніхіду па памерлым служылі архім. Сяргей (Гаек) і ераманах Лявонцій (Тумоўскі).

Святой памяці Васіль Быкаў у апошнія гады свайго жыцця быў звязаны з парафіяй Праведнага Язэпа ў Мінску.

***

“Супакой, Госпадзе, душу спачылага слугі Твайго Васіля
і ўчыні яму вечную памяць”.

22 чэрвеня Дзяржаўны сакратар Яго Святасці кардынал Тарчызіо Бэртонэ ўзначаліў Эўхарыстыю ў базыліцы св. Пятра з удзелам Апостальскіх Нунцыяў, якія прабываюць у гэтыя дні ў Рыме. У гаміліі кардынал адзначыў, што прыкладамі для ватыканскіх дыпламатаў з’яўляюцца святыя Пётр і Павел.

Па словах іерарха, якога цытуе Ватыканскае радыё, папскія прадстаўнікі павінны наследаваць пакору і моц св. Пятра і энтузіязм і апостальскую руплівасць св. Паўла. Гледзячы на гэтых двух апосталаў, можна зразумець, што корань веры і крыніца місіі Касцёла – у сяброўстве з Хрыстом, звярнуў увагу кардынал. Дзяржаўны сакратар дадаў, што дыпламатам часта прыходзіцца працаваць ва ўмовах цяжкіх абставін, няўдач і неразумення, але яны пакліканы пастаянна быць у распараджэнні Пана з уласнымі слабасцямі і абмежаванасцю.

Брамы веры адчыненыя для ўсіх, – кажа папа Бэнэдыкт XVI у сваім Пасланні на Год веры (пар. PF 1). Праблема толькі ў тым, што сучасны чалавек не імкнецца прайсці праз іх. Многія старэйшыя людзі, асабліва тыя, які жылі на вёсцы, добра памятаюць тыя часы, калі ніхто не замыкаў сваіх хатаў, бо ведаў, што ніхто нічога не ўкрадзе. Зусім інакш сёння. Прыказка «мой дом – мая крэпасць» становіцца рэальнасцю нашага жыцця. Яшчэ не паспяваем увайсці ў наша памяшканне, як хуценька замыкаем дзверы на ключ. Вельмі часта мы нават не ведаем сваіх суседзяў, хто яны і чым займаюцца.

У суботу 8 чэрвеня 2013 г. у храме душпастырскага цэнтра Святога Язэпа грэка-католікі Мінска ўрачыста сустракалі мошчы (рэліквіі) св. Тэрэзы ад Дзіцятка Ісуса і Найсвяцейшага Аблічча. Ганаровую варту пры мошчах трымалі скаўткі.

Урачыстасць пачалася Боскай Літургіяй, якую - з блаславення Апостальскага Візітатара БГКЦ - узначаліў ераманах Пахом (Кавалёў) у саслужэнні мінскіх грэка-каталіцкіх душпастыраў.

8 чэрвеня адышла ў вечнасць Гэлена Блін, маці біскупа Віцебскага на пенсіі Уладзіслава Бліна. Спачылай было 87 гадоў.

Пахавальная святая Імша адбудзецца 11 чэрвеня ў 16.00 па беларускім часе ў парафіяльным касцёле святых Мікалая і Добрага Пастыра ў Слезіне каля Коніна (Польшча). Адрас парафіі: Слезін, вул. Касцёльная, 22.

8 чэрвеня ў касцёле свв. Сымона і Алены ў Мінску Мітрапаліт Мінска-Магілёўскі арцыбіскуп Тадэвуш Кандрусевіч узначаліць святую Імшу ў інтэнцыі спачылай.

У суботу 8 чэрвеня 2013 года мінскія грэка-католікі будуць сустракаць мошчы св. Тэрэзы ад Дзіцятка Ісуса і Найсвяцейшага Аблічча.
Урачыстае выстаўленне мошчаў ў храме Праведнага Язэпа (вул. Арджанікідзе, 6) будзе праходзіць з 14:00 да 18:00.

Святая Тэрэза ў 15 год пакінула бацькоўскі дом і ўступіла да манастыра кармелітанак. У 24 гады памірае ад сухотаў. Перад самай смерцю Тэрэза па загаду настаяцелькі паспявае напісаць рукапіс аб сваім жыцці “Гісторыя адной душы”. У 1997 годзе Папа Ян Павал ІІ абвясціў св. Тэрэзу ад Дзіцяці Ісуса Доктарам Паўсюднай Царквы.

У чым сакрэт св. Тэрэзы, чаму яе так ушаноўваюць ва ўсім свеце? Можа Бог прыадчыніць для цябе гэтую тайну падчас малітвы?!

У выніку інцыдэнту памяшканне беларускай грэка-каталіцкай царквы, што месціцца ў брытанскай сталіцы, атрымала значныя пашкоджанні.

Сёння ўночы абвалілася значная частка столі ў памяшканні царквы. Хутчэй за ўсё, гэта стала вынікам будаўнічых работ, што адбываюцца па суседству: уладальнік суседняга дому вырашыў яго знесці.

У мінулую нядзелю, 2 чэрвеня 2013 г.. Беларуская Грэка-Каталіцкая Царква адзначала памяць Усіх Святых Беларускага народу. Для гарадзенскіх грэка-каталікоў гэта дзень асаблівага малітоўнага ўспаміну блаславёнай мучаніцы Мар’яны Бярнацкай (+1943 г.).

Пачаўся малітоўны ўспамін блаславёнай Мар’яны і Усіх беларускіх святых з Боскай Літургіі ў капліцы айцоў-рэдэмптарыстаў, дзе часова адбываюцца набажэнствы гарадзенскіай грэка-каталіцкай парафіі Маці Божай Фацімскай. Працягам малітоўнага ўспаміну сталася малітва Акафіста ў касцёле ў вёсцы Адамавічы перад цудатворным абразом Маці Божай. Касцёл у Адамавічах ніколі не зачыняўся – ні ў гады царскага пераследу, ні ў час пераследу камуністычнага, таму быў месцам малітвы для ўніятаў, якія патаемна захоўвалі вернасць Еднасці.

Сустрэча для людзей з абмежаванымі магчымасцямі ў Івацэвічах

У грэка-каталіцкай парафіі Маці Божай Жыровіцкай у Івацэвічах 1 чэрвеня 2013 г., з нагоды Міжнароднага Дня Дзіцяці, прайшла асаблівая сустрэча.
Вернікі парафіі сустракалі сваіх даўніх сяброў – людзей з абмежаванымі магчымасцямі з мясцовага тэрытарыяльнага цэнтру, а таксама іх бацькоў і педагогаў.