12 снежня ў мiнскім архікатэдральным касцёле Iмя Найсвяцейшай Панны Марыi ў 12.00 адбудзецца Імша развітання з арцыбiскупам Клаўдыё Гуджэроццi з удзелам беларускiх бiскупаў, святароў, кансэкраваных асобаў i вернiкаў. Аб гэтым піша Старшыня Канферэнцыі Каталіцкіх Біскупаў у Беларусі Мітрапаліт Мінска-Магілёўскі арцыбіскуп Тадэвуш Кандрусевіч у сваім паведамленні.

«Святы Айцец Францiшак прызначыў Яго Эксцэленцыю арцыбiскупа Клаўдыё Гуджэроццi, якi на працягу апошнiх чатырох гадоў служыў Апостальскiм Нунцыем у Беларусi, Нунцыем ва Украiне.

У рэдакцыі Беларускай праграмы Ватыканскага радыё пра беларускіх уніяцкіх святароў раcпавёў гісторык Дзяніс Лісейчыкаў.

 

Белых плям у гісторыі Беларускай Грэка-Каталіцкай Цакрвы стала менш. У Мінску нядаўна выйшла ў свет кніга Дзяніса Лісейчыкава пра беларускіх святароў-уніятаў. Выданне стала сапраўдным даследваннем, якога дагэтуль ніхто не праводзіў. За 9 гадоў аўтар сабраў разам, знайшоўшы ў архівах Беларусі, Літвы, Латвіі, Польшчы, Расіі, 8,5 тыс. біяграфій прадстаўнікоў беларускага ўніяцкага духавенства.

Сёння, 13 лістапада, Каталіцкі Касцёл у Беларусі даведаўся, што Апостальскі Нунцый арцыбіскуп Клаўдыё Гуджэроцці пакідае Беларусь — Папа Францішак перавёў яго як прадстаўніка Ватыкана ў Кіеў. За гэтыя гады многія жыхары Беларусі незалежна ад рэлігійнай і канфесійнай прыналежнасці пазнаёміліся з іерархам, сталі паважаць і нават палюбілі гэтага сына Італіі, а Апостальскі Нунцый палюбіў нашу краіну і наш народ. 

10-14 лістапада 2015 г. у Рыме адбыліся Студыйныя дні, прысвечаныя прасапаграфіі ўніяцкага духавенства на беларускіх землях у XVI–XIX ст., удзел у якіх узяў намеснік дырэктара Нацыянальнага гістарычнага архіва Беларусі, кандыдат гістарычных навук Дзяніс Лісейчыкаў.

Цягам дзён адбыліся сустрэчы і размовы з Сакратарам Кангрэгацыі Усходніх Цэркваў Архібіскупам Кірылам (Васілем), дырэктарам Архіва Кангрэгацыі Усходніх Цэркваў у Ватыкане д-р Джанпаўла Рыгоцці, дырэктарам Генеральнага Архіва Ордэну Базыльянаў у Рыме а. Парфірыем Підручным, генеральным архіварыусам Кангрэгацыі Айцоў Марыянаў у Рыме Вальдэмарам Карпуком.

13 лістапада 2015 г. Святы Айцец Францішак прызначыў арцыбіскупа Клаўдыё Гуджэроцці Апостальскім Нунцыем ва Украіне. Да гэтага часу, на працягу амаль чатырох з паловай гадоў, іерарх выконваў дыпламатычную місію ў Беларусі.

У Каталіцкім Касцёле ў Беларусі ў апошнія гады адбылося шмат станоўчых падзей і станоўчых змен. Сярод найбольш прыкметных – прызначэнне чатырох новых біскупаў, візіт у краіну Дзяржаўнага Сакратара Яго Святасці Папы кардынала Пьетра Параліна, узвядзенне ў Мінску будынка Апостальскай нунцыятуры. У гэтых зрухах вялікая заслуга арцыбіскупа Гуджэроцці, які з першых дзён сваёй працы на беларускай землі падкрэсліваў асабістую зацікаўленнасць і імкненне Святога Пасаду да супрацоўніцтва паміж краінамі, захавання добрых адносін Касцёла з дзяржаўнымі ўладамі, міжрэлігійнага дыялогу, падтрымання атмасферы ўзаемапавагі і падтрымкі сярод каталіцкіх вернікаў і усіх людзей добрай волі.

Дэлегацыя Беларускай Грэка-Каталіцкая Царквы прыняла ўдзел у святкаванні памяці Св. Язафата ў Рыме.

12 лістапада 2015 г., у свята святамучаніка Язафата, дэлегацыя Беларускай Грэка-Каталіцкая Царквы прыняла ўдзел ва ўрачыстай Літургіі ў базыліцы св. Пятра ў Ватыкане. Боскую Літургію пры алтары, дзе захоўваюцца мошчы святога, узначаліў архібіскуп Кірыл (Васіль), сакратар Кангрэгацыі Усходніх Цэркваў. З ім саслужылі іерархі Славацкай Грэка-Каталіцкай Царквы (мітрапаліт Прэшаўскі Ян, біскук Кошыцкі Мілан і біскуп Братыслаўскі Пётр), біскуп украінскай епархіі ў Лондане Глеб і дапаможны біскуп Тарнопальскай архіепархіі Теадор, а таксама прадстаўнікі беларускага грэка-каталіцкага духавенства архімандыт Сяргей (Гаек) і іераманах Лявонцій (Тумоўскі). Акрамя таго, Літургію саслужылі шматлікія святары з Украіны, Славакіі, Расіі, Харватыі, Бразіліі, Вялікабрытаніі, Італіі (некаторыя лацінскага абраду).

Дзень мучаніцтва св. Язафата, Архібіскупа Полацкага – 12 лістапада з’яўляецца парафіяльным святам для Полацкай грэка-каталіцкай парафіі. У гэтым годзе святкаванні прайшлі у нядзелю - 8 лістапада 2015 г. У гэты дзень адзначаліся 392-я ўгодкі мучаніцкай смерці святамучаніка Язафата. Такім чынам Полацкая парафія распачала тыдзень малітвы, які мае чарговые “станцыі” ў Рыме і ў Віцебску - 12 лістапада, у Вільні – 14 лістапада ды ва ўсіх парафіях у Беларусі – у нядзелю, 15 лістапада.