Слава Ісусу Хрысту!

Вітаем Вас на сайце Менскай грэка-каталіцкай парафіі Праведнага Язэпа!
”У Сьвятым Евангельлі сустракаем нямала апісаньняў учынкаў сьв. Язэпа, аднак ніколі не прачытаем ягоных словаў – сапраўды, часамі ўчынкі гавораць больш, чым словы, ды ўвогуле без учынкаў наша вера мёртвая (Як. 2:17). Гэты сайт перадусім пра нашыя чыны і хай яны будуць гэтак жа плённыя, як чыны сьв. Язэпа” – пісаў тут протапрэзьбітар Андрэй Абламейка, былы пробашч парафіі Праведнага Язэпа і першы рэдактар сайта.

Гэты сайт і надалей хоча распавядаць пра розныя праявы жыцьця нашае парафіі: нашыя чыны, праекты, імкненьні і мары. А паколькі Грэка-каталіцкі цэнтр сьвятога Язэпа ўсё больш і больш выпаўняе заданьне інфарматыўнага цэнтра – будзем і надалей тут памяшчаць інфармацыю, што датычыць жыцьця ўсёй Беларускай Грэка-Каталіцкай Царквы ды іншых Усходніх Каталіцкіх Цэркваў.

 

Пошук

Каляндар

 

Навіны


22.10.2014
100-годдзе нараджэння кардынала Казіміра СвёнткаСвятая Імша ў мінскай архікатэдры

21 кастрычніка 2014 г., ў мінскай архікатэдры адбылася ўрачыстая святая Імша з нагода 100-гадовага юбілею кардынала Казіміра Свёнтка.

Святую Імшу ўзначаліў Мітрапаліт Мінска-Магілёўскі арцыбіскуп Тадэвуш Кандрусевіч. Канцэлебраваў Імшу дапаможны біскуп Мінска-Магілёўскай архідыяцэзіі Юрый Касабуцкі.

Сярод вернікаў і духоўных асобаў, сярод якіх былі і прадстаўнікі Грэка-Каталіцкай Царквы, на Імшы прысутнічалі прадстаўнікі РУП «Белпошта» і Упаўнаважаны па справах рэлігій і нацыянальнасцяў Леанід Гуляка.
21.10.2014
З дапамогай дзецям, якія жывуць без сем’яў “Чытаць – гэта смачна”: свята для дзяцей з прытулку

18 кастрычніка 2014 г., у грэка-каталіцкім Душпастырскім цэнтры Праведнага Язэпа ў Мінску адбылося незвычайнае свята пад назвай “Чытаць - гэта смачна”. Удзельнікамі свята сталі дзеці з мясцовага Цэнтра часовага знаходжання (прытулку).
21.10.2014
Міжканфесійная канферэнцыя «Перспектывы беларускага руху ў абарону жыцця» пройдзе ў Віцебску24 кастрычніка ў культурна-рэлігійным цэнтры парафіі Езуса Міласэрнага ў Віцебску пройдзе міжканфесійная канферэнцыя «Перспектывы беларускага руху ў абарону жыцця». Арганізатарам канферэнцыі выступае Дабрачынны фонд «Адкрытыя сэрцы» разам з душпастырствам сем’яў Віцебскай дыяцэзіі.

У рамках канферэнцыі адбудзецца семінар-прэзентацыя стэндавай выставы «Ёсць два шляхі: шлях жыцця і шлях смерці». Выстава складаецца з 20 ролл-стэндаў і суправаджаецца мультымедыйнымі лекцыямі, якія раскрываюць дэмаграфічныя праблемы сучаснага свету, трагедыю адмовы ад нараджэння дзяцей, шкоду кантрацэпцыі і абортаў, а таксама арыентуюць слухачоў на цнатлівасць, натуральнае і гарманічнае сужэнства, заснаванае на любові і ўзаемапавазе.
16.10.2014
Сёння — гадавіна абрання кардынала Караля Вайтылы на Святы Пасад16 кастрычніка 1978 года новым Пантыфікам быў абвешчаны кардынал Караль Вайтыла. Новы Папа — з імем «Ян Павел ІІ» — стаў першым Пантыфікам у гісторыі Касцёла з Усходняй Еўропы.

Святы Айцец стаў першым за апошнія 455 гадоў наступнікам Пятра неітальянскага паходжання. Падчас свайго Пантыфікату Ян Павел ІІ здзейсніў 104 замежныя вандроўкі, падчас якіх наведаў каля 130 краін, сярод якіх Румынія (першая праваслаўная краіна, якую калі-небудзь наведваў Папа) і Грэцыя (візіт стаў першым наведваннем Папы Рымскага пасля царкоўнага расколу 1054 года)
14.10.2014
Навуковы аспект даследаванняў Бібліі абмеркавалі на семінары ў Баранавічах«Біблія — кніга Бога ці чалавека?» — тэма семінара, які 11 кастрычніка адбыўся ў Катэхетычным каледжы імя Зыгмунда Лазінскага ў Баранавічах.

Сярод удзельнікаў семінара кс. Андрэй Рылка, дырэктар Катэхетычнага каледжа імя Зыгмунта Лазінскага, прывітаў біскупа Пінскай дыяцэзіі Антонія Дзям’янку, кс. Яна Саламона, рэктара Міждыяцэзіяльнай вышэйшай духоўнай семінарыі ў Пінску, і кс. Яна Крэміса, дырэктара тэалагічнага каледжа св. Яна Хрысціцеля ў Мінску.
7.10.2014
Катэхетычны каледж у Баранавічах запрашае на біблійны семінарНавукова-практычны семінар на тэму «Біблія — кніга Бога ці чалавека?», які пройдзе 11 кастрычніка ў Катэхетычным каледжы імя Зыгмунда Лазінскага, запрашае ўсіх зацікаўленых да ўдзелу.
7.10.2014
Сінод Біскупаў адобрыў пасланне да сем’яў аб хрысціянскім пакліканніСінод Біскупаў распрацуе асобнае пасланне да сем’яў, у якім нагадае пра важнасць хрысціянскага паклікання.

Пра гэта інфармуе спецыяльны карэспандэнт Catholic.by у Рыме.

Удзельнікі Сіноду сышліся на думцы, што было б добра распрацаваць пасланне да сем’яў, якія пакінулі свае дамы з-за пераследу на Блізкім Усходзе. Гэтыя людзі не выракліся сваёй веры і пакінулі ўсё, каб застацца вернымі хрысціянскаму пакліканню. Сінод Біскупаў адразу прыняў такую прапанову і распрацуе адпаведнае пасланне.
1.10.2014
З дапамогай маладым сем'ямСустрэча "Школа нараджэння" ў парафіі Праведнага Язэпа

27 верасня 2014 г., у Душпастырскім цэнтры св. Язэпа ў Мінску, у рамках грэка-каталіцкага душпастырства сем'яў, адбылася аднадзённая сустрэча для маладых сем'яў і сужэнстваў "Школа нараджэння".
Мэтай сустрэчы была дапамога маладым сем'ям і сужэнствам у вырашэнні практычных пытанняў павязанных з іх бацькоўствам. Таму для сустрэчы былі выбраны такія тэмы як "Практычныя парады пад час цяжарнасці","Роды", "Грудное гадаванне", "Догляд за немаўляці".
Лектарамі семінару сталі: інструктар падрыхтоўкі да родаў Вераніка Іваніцкая і кансультант па грудному гадаванню Юля Малахава з Магілёва. Шчыры ім дзякуй!

Духовую апеку ўдзельнікам сустрэчы забезпячылі а. Алесь Шыбека і Матушка Людміла.
25.09.2014
Папа Францішак просіць Апостальскага Нунцыя благаславіць моладзь Беларусі25 верасня ў Апостальскім Палацы Папа Францішак прыняў на аўдыенцыі Апостальскага Нунцыя ў Беларусі арцыбіскупа Клаўдыё Гуджэроцці. Пантыфік прадэманстраваў глыбокае веданне ролі Беларусі ў працэсе аднаўлення міру ва Украіне і выказаў перакананне, што асаблівая роля хрысціян — быць міратворцамі, таму што любоў мацнейшая за любыя этнічныя падзелы і палітычныя рознагалоссі.

Папа з энтузіязмам прыняў да ведама, што Каталіцкі Касцёл у Беларусі застаецца жывой і актыўнай супольнасцю, і дакладней затрымаўся на важных сёлетніх падзеях жыцця беларускіх католікаў. Пантыфік таксама падкрэсліў, што і надалей Святы Пасад будзе намагацца дзейнічаць на карысць беларускага народа, і выказаў надзею на тое, што атмасфера дыялогу і ўзаемапаразумення паміж Святым Пасадам і Рэспублікай Беларусь будзе ўмацоўвацца, дазваляючы знайсці пазітыўнае рашэнне некаторых адкладзеных пытанняў.
24.09.2014
“Вашая Царква мае вялікі духоўны патэнцыял”Размова з грэка-каталіцкім біскупам са Славакіі Міланам (Ляхам)

- Дастойны Уладыка! Амаль месяц таму Вы наведалі Беларусь, і Вы самі кажаце, што гэта быў "візіт духоўнай салідарнасці” з хрысціянамі Беларусі.

- У Беларусь я прыбыў, каб засведчыць духоўную салідарнасць славацкіх грэка-католікаў з грэка-католікамі Беларусі. Літургічным выразам гэтай салідарнасці быў мой удзел у святкаванні 100-годдзя з дня нараджэння беларускага грэка-каталіцкага біскупа Чэслава Сіповіча. Я вельмі ўдзячны ўладам Рэспублікі Беларусь, якія паспрыялі, каб я змог хутка атрымаць уязную візу. Гэта сведчыць аб тым, што ўлады з разуменнем ставяцца да патрэбаў вернікаў розных канфесій. За некалькі дзён майго візіту ў Беларусь я змог убачыць багацце яе культурнай спадчыны, у тым ліку адноўленыя храмы, і духоўнае багацце вернікаў розных канфесій, якія ўмеюць супрацоўнічаць на карысць краіны.

Copyright 2008 Язэп.org
Пры выкарыстаньні матэрыялаў пажадана спасылка.
Design by Zmicier