Слава Ісусу Хрысту!

Вітаем Вас на сайце Менскай грэка-каталіцкай парафіі Праведнага Язэпа!
”У Сьвятым Евангельлі сустракаем нямала апісаньняў учынкаў сьв. Язэпа, аднак ніколі не прачытаем ягоных словаў – сапраўды, часамі ўчынкі гавораць больш, чым словы, ды ўвогуле без учынкаў наша вера мёртвая (Як. 2:17). Гэты сайт перадусім пра нашыя чыны і хай яны будуць гэтак жа плённыя, як чыны сьв. Язэпа” – пісаў тут протапрэзьбітар Андрэй Абламейка, былы пробашч парафіі Праведнага Язэпа і першы рэдактар сайта.

Гэты сайт і надалей хоча распавядаць пра розныя праявы жыцьця нашае парафіі: нашыя чыны, праекты, імкненьні і мары. А паколькі Грэка-каталіцкі цэнтр сьвятога Язэпа ўсё больш і больш выпаўняе заданьне інфарматыўнага цэнтра – будзем і надалей тут памяшчаць інфармацыю, што датычыць жыцьця ўсёй Беларускай Грэка-Каталіцкай Царквы ды іншых Усходніх Каталіцкіх Цэркваў.

 

Пошук

Каляндар

 
панядзелак
ЛІСТАПАДА
Сёньняшняе чытаньне:

Навіны


23.12.2019

“Хрыстос нарадзіўся – славім Яго!”Расклад грэка-каталіцкіх багаслужбаў на свята Раства Хрыстовага 2019 г. ў г. Мінску

 

АЎТОРАК, 24 снежня: Святы Вечар перад Раством Хрыстовым

Парафія Праведнага Язэпа і Парафія св. Мікалая Цудатворцы
Капліца Душпастырскага цэнтра св. Язэпа, вул. Арджанікідзе д. 6

гадз. 18:30 – Вячэрня з Літургіяй св. Васіля Вялікага

Дзяленне каляднай прасфорай, куцця

 

***

Парафія Маці Божай Нястомнай Дапамогі
Капліца Душпастырскага цэнтра, зав. Снежны д. 7

гадз. 18:30 – Вячэрня з Літургіяй св. Васіля Вялікага

Дзяленне каляднай прасфорай, куцця

 

***
Парафія Святога Духа
Чырвоны касцёл – ніжні храм

гадз. 18:30 – Вячэрня з Літургіяй св. Васіля Вялікага

Дзяленне каляднай прасфорай, куцця

22.12.2019
ЯЗЭП З РОДУ ДАВІДА

У нядзелю перад Божым Нараджэннем Евангелле ставіць у цэнтр нашай увагі Язэпа сына Давіда. 

 
Якую ролю ён адыграў у гісторыі нараджэння Ісуса і чаму важна, што ён з роду Давіда. 

 
Пра гэта ўсё разважае а. Андрэй Буйніч у нядзельных разважаннях для Радыё Марыя.

9.12.2019
Папа Францішак моліцца ў інтэнцыі сустрэчы “Нармандскай чацвёркі”У сваёй малітве аб міры ва Украіне Папа Францішак запэўніў падчас сустрэчы з вернікамі на малітве “Анёл Панскі”, якая 8 снежня 2019 г. адбылася на плошчы св. Пятра ў Ватыкане.
24.11.2019
У Вільні прайшло набажэнства за супакой паўстанцаўГрэка-каталіцкае набажэнства за супакой паўстанцаў 1863-1864 гадоў прайшло ў віленскіх славутых Базыльянскіх мурах 23 лістапада. Узначаліў урачыстую літургію апостальскі візітатар для грэка-каталікоў Беларусі архімандрыт Сяргей Гаек. На службе былі святары і вернікі з розных гарадоў Беларусі, вядомыя прадстаўнікі беларускай інтэлігенцыі з розных краін свету.
23.11.2019
Слова арцыбіскупа Тадэвуша Кандрусевіча падчас цырымоніі перапахавання Кастуся Каліноўскага ў Вільні2 лістапада ў віленскай катэдральнай базыліцы святога Станіслава і святога Уладзіслава адбылася святая Імша пры трунах з парэшткамі Кастуся Каліноўскага і іншых удзельнікаў вызвольнага паўстання 1863–1864 гг., пасля якой са словам да ўдзельнікаў цырымоніі перапахавання звярнуўся Мітрапаліт Мінска-Магілёўскі арцыбіскуп Тадэвуш Кандрусевіч.
22.11.2019
Кастусь Каліноўскі вызначаўся надзвычайнаю сілаю духа. Беларуская касцёльная дэлегацыя ўзяла ўдзел у перапахаванні паўстанцаў у Вільні22 лістапада ў Вільні прайшла цырымонія дзяржаўнага перапахавання нацыянальнага героя Беларусі, Літвы і Польшчы Кастуся Каліноўскага і іншых удзельнікаў вызвольнага паўстання 1863–1864 гг. У цырымоніі узяў удзел Старшыня Канферэнцыі Каталіцкіх Біскупаў у Беларусі арцыбіскуп Тадэвуш Кандрусевіч, мітрапаліт Мінска-Магілёўскі.
12.11.2019

Арцыбіскуп Габар Пінтэр прызначаны Апостальскім Нунцыем у ГандурасеАпостальская Нунцыятура ў Рэспубліцы Беларусь паведамляе, што 12 лістапада 2019 года Яго Святасць папа Францішак прызначыў Яго Эксцэленцыю Габара Пінтэра, тытулярнага арцыбіскупа Велбужцкага (Velebusdiensis), Апостальскім Нунцыем у Гандурасе.

 

З 13 мая 2016 года арцыбіскуп Габар Пінтэр з’яўляецца Апостальскім Нунцыем у Рэспубліцы Беларусь і працягне сваю дыпламатычную місію ў нашай краіне прыблізна да сярэдзіны студзеня 2020 года.

 

Паводле https://catholic.by/

12.11.2019
У Барунах адзначылі 30 гадоў адраджэння УнііУ мястэчку Баруны, што на Ашмяншчыне, у мясцовым санктуарыі Маці Божай 9 лістапада 2019 г. ўрачыста адзначылі 30 гадоў з часу, калі там (у Барунах) 12 лістапада 1989 г. адбылося першае пасля доўгага перапынку набажэнства з удзелам грэка-каталіцкай моладзі. Тады да мясцовага святара, светлай памяці айца Яна Матусевіча прыехала інтэлігенцыя з Менску. Быў пакладзены пачатак адраджэння ўніяцкай Царквы ў Беларусі.
8.09.2019

Да 1000-годдзя горада БрэстаВіншаванне Сакратара ватыканскай Кангрэгацыі Ўсходніх Цэркваў Архібіскупа Кірыла (Васіля)

 

Старшыні Брэсцкага гарадскога выканаўчага камітэта

Паважанаму сп. Аляксандру Сцяпанавічу Рагачуку

г. БРЭСТ, Рэспубліка Беларусь

29.08.2019

Ватыкан: два буйных форумы іерархаў Ўсходніх Каталіцкіх ЦэркваўПравядзенне Сінода Украінскай Грэка-Каталіцкай Царквы і сустрэчы біскупаў усходняга абраду з усёй Еўропы запланавана на першую палову верасня ў Ватыкане.

 

У абодвух мерапрыемствах прыме ўдзел Дзяржсакратар Яго Святасці Папы кардынал Пьетра Паралін. Сярод удзельнікаў Сінода – у тым ліку Анджэла Дэ Данаціс, Папскі вікарый для Рымскай дыяцэзіі, якога ў ліпені 2019 г. папа Францішак прызначыў Апостальскім адміністратарам “sede vacante” Экзархату, створанага па волі Святога Айца для ўкраінскіх католікаў візантыйскага абраду, што пражываюць у Італіі.


Copyright 2008 Язэп.org
Пры выкарыстаньні матэрыялаў пажадана спасылка.
Design by Zmicier