5 студзеня, у дзень пахавання Бэнэдыкта XVI, які адышоў у вечнасць 31 снежня 2022 года, у мінскім катэдральным касцёле Найсвяцейшага Імя Марыі адбылася святая Імша за супакой душы спачылага Папы эмэрыта.

Узначаліў цэлебрацыю Генеральны вікарый Мінска-Магілёўскай архідыяыцэзіі біскуп Юрый Касабуцкі. У святой Імшы ўзялі ўдзел таксама прадстаўнік Папы Францішка, саветнік Апостальскай нунцыятуры ў Мінску Джон Джон Каларакал, біскуп Аляксандр Яшэўскі SDB і арцыбіскуп эмэрыт Тадэвуш Кандрусевіч, якога 21 верасня 2007 года Бэнэдыкт XVI прызначыў арцыбіскупам Мінска-Магілёўскім.

У чацвер 5 студзеня ў Ватыкане пройдзе пахаванне Папы эмэрыта Бэнэдыкта XVI, які адышоў у вечнасць у апошні дзень мінулага года.

У дзень пахавання ў Мінску будзе цэлебравацца святая Імша за супакой душы спачылага Папы эмэрыта. Цэлебрацыя з удзелам іерархаў адбудзецца ў мінскім катэдральным касцёле Найсвяцейшага Імя Марыі (пл. Свабоды, 9).

Святароў і вернікаў запрашаюць узяць у ёй удзел або далучыцца духоўна з дапамогай прамой трансляцыі на партале Catholic.by.

Пачатак у 10.00.

Паводле Catholic.by

Заканчваецца падрыхтоўка да пахавання Бэнэдыкта XVI. 5 студзеня 2023 года пахавальную Імшу будуць канцэлебраваць каля 120 кардыналаў, больш за 400 біскупаў і 4 тысяч святароў. Прыедуць дэлегацыі хрысціянскіх Цэркваў.

На цырымонію пахавання Папы-эмерыта акрэдытаваліся больш за 600 журналістаў з усяго свету. Абрады ў прамым эфіры будуць трансліраваць сусветныя СМІ.

Няхай памяць пра яго будзе вечнай – такімі словамі Патрыярх Канстантынопальскі Барталамей І развітаўся з памерлым 31 снежня 2022 года Бэнэдыктам XVI.

Узгадваючы “з павагай, любоўю і ўдзячнасцю” пра памерлага Папу-эмерыта, праваслаўны іерарх нагадаў, што на пачатку свайго пантыфікату Бэнэдыкт XVI наведаў Канстантынопальскі Патрыярхат і імі была падпісана сумесная дэкларацыя.

Упіс у Кнігу спачуванняў:

Падзяка Госпаду за Вялікага Папу, каторы вучыў нас шчыра любіць Бога і людзей і быць верным Праўдзе. Смуткуем у чаканні радаснай сустрэчы ў вечнасці. Ад імя Апостальскага Візітатара беларускіх грэка-католікаў Архімандрыта Сяргея (Гаека) і Паўнаты БГКЦ - канцлер Яўген Усошын.

(Мінск, Апостальская Нунцыятура, 3.01.2023)

У панядзелак 2 студзеня цела памерлага ў апошні дзень мінулага года Бэнэдыкта XVI было перанесена ў ватыканскую базыліку святога Пятра, дзе распачалося развітанне з Папам эмэрытам.

Як паведаміла Беларуская рэдакцыя парталу Vatican News, ужо задоўга да 9 гадзін раніцы панядзелка — часу адкрыцця базылікі для развітання — перад ёю сабралася вялікая чарга.

Вельмі шмат людзей прыйшло аддаць апошнюю даніну памяці пастыру, які прысвяціў малітве за Касцёл апошнія гады свайго жыцця.

Расклад грэка-каталіцкіх багаслужбаў

Парафія Праведнага Язэпа і Парафія св. Мікалая Цудатворцы
Капліца Душпастырскага цэнтра св. Язэпа, г. МІНСК, вул. Арджанікідзэ д. 6

НЯДЗЕЛЯ, 1 студзеня 2023 г. – Абрэзанне Гасподняе

гадз. 12:00 – Боская Літургія Свята

АЎТОРАК, 3 студзеня 2023 - Перадсвяцце Богаз’яўлення 
гадз. 18:30 – Боская Літургія

ЧАЦВЕР, 5 студзеня 2023 – Чаканне Богаз’яўлення 
гадз. 18:30 – Вячэрня з Літургіяй св. Васіля Вялікага

Вялікае асвячэнне вады

ПЯТНІЦА, 6 студзеня 2023 - БОГАЗ’ЯЎЛЕННЕ (Вадохрышча)
гадз. 18:30 – Боская Літургія, Вялікае асвячэнне вады

СУБОТА, 7 студзеня 2023
гадз. 10:00 – Боская Літургія

НЯДЗЕЛЯ, 8 студзеня 2023

гадз. 10:00 – Боская Літургія

гадз. 15:00 – Боская Літургія

Адышоў да Госпада Папа эмерыт  Бенядыкт XVI, пра гэта паведаміла прэс-служба Ватыкана. Яму было 95 год.

Папа Бенядыкт XVI (Joseph Ratzinger) займаў Святы Рымскі Пасад з 2005 па 2013 год. Ён стаў першым дзеючым папам, які пайшоў на пенсію  па стане здароўя.