28 чэрвеня 2012 года Апостальскі Нунцый арцыбіскуп Клаўдыё Гуджэроцці прысутнічаў на гала-канцэрце Міжнароднага фестывалю духоўнай музыкі «Магутны Божа» ў Магілёве. Перад пачаткам канцэрта, на якім прысутнічаў таксама міністр культуры РБ спадар Павел Латушка, нунцый скіраваў некалькі словаў да прысутных.

У сваёй прамове арцыбіскуп адзначыў, што прысутнасць міністра на гэтым фестывалі мае значэнне сімвалічнае і незвычайнае, калі ўзяць пад увагу тое, што яшчэ дваццаць гадоў таму было забаронена нават вымаўляць імя Бога, а тых, хто верылі ў Яго, лічылі ворагамі культуры. Сапраўднай жа лічылася тая культура, якая не дапускала нават ідэю Бога.

“Са святымі супакой, Хрысце, душу заснулага слугі Твайго”.

Пахавальная паніхіда за слугу Божага Сяргея і малітоўнае развітанне з ім адбудзецца ў Мінску ў сераду 4 ліпеня 2012 г. у 12:00 гадз.
у грэка-каталіцкім храме ў душпастырскім Цэнтры святога Язэпа (вул. Арджанікідзэ, д. 6, ст.м. «Аўтазаводская»).

Спачылы Сяргей належаў да той групы беларускай моладзі, якая ў 1990 г. ініцыявала рэгістрацыю першай адноўленай грэка-каталіцкай парафіі ў Мінску. Памёр у Вільні 2 ліпеня 2012 г. на 47 годзе жыцця.

Вечная памяць!

Адышоў у вечнасць Сяргей Вітушка

2 ліпеня 2012 г. раніцай у лякарні ў Вільні памёр Сяржук Вітушка. Яму было 47 гадоў.

Сяргей належаў да той групы беларускай моладзі, якая ў 1990 г. ініцыявала рэгістрацыю першай адноўленай грэка-каталіцкай парафіі ў Мінску.
Жывучы ўжо ў Вільні, калі бываў у Мінску, наведваў набажэнствы ў нашай парафіі Праведнага Язэпа.
Падчас доўгай і цяжкай хваробы наведаў яго ў лякарні ў Вільні архімандрыт Сяргей і а. Андрэй Абламейка.

Пахавальная паніхіда за Слугу Божага Сяргея адбудзецца 4 ліпеня ў Мінску, у грэка-каталіцкім храме ў Цэнтры святога Язэпа (вул. Арджанікідзэ, д. 6, ст.м. «Аўтазаводская»).

Пасля службы Сяргей Вітушка будзе пахаваны ў родавай вёсцы Рагава.

Вечная яму памяць!

29 чэрвеня 2012 г. у Мінску адбыўся прыём з нагоды 7-годдзя Пантыфікату і 85 гадоў з дня нараджэння Яго Святасці Бэнэдыкта XVI. Па запрашэнні Апостальскага нунцыя ў Беларусі арцыбіскупа Клаўдыё Гуджэроцці адзначыць гэту падзею сабраліся каталіцкія іерархі Беларусі, Апостальскі візітатар для грэка-католікаў у Беларусі архімандрыт Сяргей Гаек, прадстаўнік Праваслаўнай Царквы, прадстаўнікі гарадской улады, дыпламатычных місій, Міністэрства Замежных спраў, ААН.

На прыёме прысутнічалі прадстаўнікі пасольстваў Францыі, Італіі, Германіі, Балгарыі, Сірыі, Ірака, Еўрапейскага Саюза, Турцыі, Румыніі, Ірана, Чэхіі, Ізраіля, Казахстана, Арменіі, Польшчы, Швейцарыі, Японіі, Малдовы, Палестыны, Літвы, Паўднёвай Афрыкі.

Падчас адкрыцця цырымоніі прагучалі гімны Ватыкана і Беларусі.

Падчас III Каталіцка-праваслаўнага форуму, які праходзіць 5–8 чэрвеня 2012 г. у сталіцы Партугаліі Лісабоне, было прынята рашэнне аб правядзенні наступнага форуму ў Мінску. Аб гэтым паведаміў Мітрапаліт Тадэвуш Кандрусевіч, які прымае ўдзел у працы сёлетняй экуменічнай сустрэчы, прысвечанай тэме «Эканамічны крызіс і беднасць: выклікі для Еўропы».

Падобныя форумы праводзяцца раз на два гады па чарзе ў краінах з каталіцкай і праваслаўнай большасцю па запрашэнні адпаведнага біскупа. На гэты раз такое запрашэнне прыйшло ад Мітрапаліта Мінскага і Слуцкага, Патрыяршага Экзарха ўсяе Беларусі Філарэта.

20 траўня 2012 г. ў Менску прайшла справаздачна-выбарчая канфэрэнцыя Біблійнага таварыства Рэспублікі Беларусь. Сёлета Біблійнаму таварыству споўнілася 20 гадоў.

Галоўнае дасягненьне Таварыства апошніх часоў – доўгачаканае выданьне поўнай Бібліі ў перакладзе на беларускую мову. Тэкст зроблены на аснове перакладу сьветлай памяці а. Уладыслава Чарняўскага, адрэдагаванага і выпраўленага згодна з тэкстам Новай Вульгаты.

16 траўня ў г. Ліда адбылася прэзентацыя кнігі лідскага гісторыка Леаніда Лаўрэша “Грэка-каталіцкая царква на Лідчыне”.
Прэзентацыя адбылася ў двух месцах – у гарадской бібліятэцы ды ў музеі.

Абедзве сустручы, на якіх сабралося прыкладна некалькі дзесяткаў людзей, ачольвала ганаровае прадстаўніцтва. Яно складалася з самога аўтара кнігі, двух грэка-каталіцкіх святароў (а. Андрэя Буйніча, адміністратара грэка-каталіцкай парафіі ў г. Ліда ды а. Андрэя Крата, душпастыра грэка-каталіцкай парафіі ў Гродне) і прафесар гістарычных навук сп. Святланы Марозавай.

У нядзелю, 13 траўня 2012 г., у Лондане адбылося ўрачыстае адкрыццё і асвячэнне адноўленага (пасля рэканструкцыі) “Марыян-Хаўза” (Marian House) - сядзібы Беларускай Каталіцкай Місіі ў Англіі, у якім будзе знаходзіцца беларускі рэлігійны і культурны Цэнтр святога Кірылы Тураўскага.

Боскую Літургію ў нядзелю раніцай узначаліў Апостальскі Візітатар для беларусаў Замежжа, мітрафорны протаярэй Аляксандр Надсан, у саслужэнні Апостальскага Візітатара для грэка-католікаў Беларусі архімандрыта Сяргея (Гаека), душпастыра беларускіх грэка-католікаў Антвэрпана (і ўсёй Бельгіі) а. Яна Майсейчыка і дапаможнага святара Беларускай Каталіцкай Місіі ў Англіі а. Сяргея Стасевіча.
У нядзельнай Літургіі ўдзельнічалі таксама славацкія грэка-католікі.

У нядзелю 13 траўня 2012 г. сваё свята адсвяткавала гарадзенская парафія Маці Божай Фацімскай.

Святкаванне адбывалася ў кантэксце ўспаміну 70-годдзя мучаніцкага подзвігу экзарха Антона Неманцэвіча і яго паствы.

Як адзначыў на пачатку ўрачыстай Літургіі душпастыр парафіі а. Андрэй Крот „асоба экзарха Антона асабліва блізкая для вернікаў гарадзенскай парафіі, бо Альбярцін і Слонім, дзе адбывалася яго служэнне знаходзяцца на тэрыторыі сучаснай Гарадзенскай вобласці”.

Урачыстую Літургію ўзначаліў протапрасвітар Цэнтральна-Заходняга протапрасвітарату БГКЦ а. Яўген Усошын. У сваім казанні ён прадставіў экзарха Антона як чалавека, які палаў агнём любові да Бога і стаў узорам хрысціянскага подзвігу.

7-10 траўня на Беларусі быў быў з візітам Сакратар Кангрэгацыі Усходніх Цэркваў архібіскуп Кірыл (Васіль). Візіт быў прысвечаны малітоўнаму ўспаміну мучаніцкага подзвігу экзарха беларускіх грэка-католікаў а. Антона Неманцэвіча і ягонай паствы на Палессі і Гарадзеншчыне ў 1942-43 гадах. Яго Высокадастойнасць памаліўся ў храмах Слоніма і Івацэвічаў – месцах успаміну ахвяраў нацысцкага пераследу на Палессі і Гродзеншчыне, і ў мемарыяльным комплексе Хатынь – месцы нацыянальнага ўспаміну ўсіх бязвінных ахвяраў Другой Сусветнай вайны.

Малітоўны ўспамін Мучаніцкага подзвігу працягваецца. 13 траўня на парафіяльным свяце гарадзенскай парафіі Маці Божай Фацімскай і 20 мая на парафіяльным свяце св. Кірыла і Мятода ў Баранавічах.