Пошук
Нядзельнае казаньне
|
нядзеля
ЛІСТАПАДА |
Нядзеля 22-я |
Сёньняшняе чытаньне:
| 23.11.2013 |
 З Блаславення Апостальскага Нунцыя ў Беларусі Высокадастойнага Уладыкі Архібіскупа Клаўдзія (Гуджэроцці) арганізавана Пілігрымка беларускіх грэка-католікаў ў Рым на Закрыццё Году Веры, а таксама з нагоды 390-х угодкаў мучаніцкай смерці св. Язафата (1623) i 50-х угодкаў складзення ягоных мошчаў (рэліквій) у Базіліцы св. Пятра (1963). |
| 22.11.2013 |
 «У вашых асобах бачу вашыя Цэрквы і жадаю, перш за ўсё, засведчыць сваю блізкасць і малітвы за статак, які Госпад Ісус даверыў кожнаму з вас», - гэтымі словамі Папа Францыск павіншаваў Патрыярхаў і Вярхоўных архібіскупаў Усходніх Каталіцкіх Цэркваў падчас спецыяльнай аўдыенцыі, прысвечанай становішчу гэтых цэркваў. |
| 18.11.2013 |
 У канферэнцыі "Хрысціянская антрапалогія перад выклікам сучаснасці", якая праходзіць у Мінску з 17 па 19 лістапада, прыме ўдзел старшыня Папскай рады па інтэрпрэтацыі заканадаўчых тэкстаў кардынал Франчэско Коккапальмэрыё, які паўнамоцна прадстаўляе Папскую раду спрыяння хрысціянскаму адзінству. 19 лістапада кардынал узначаліць Імшу ў мінскім архікатэдральным касцёле.Імша пачнецца ў 18.30. Да ўдзелу ў літургіі запрашаецца духавенства, кансэкраваныя асобы і вернікі. |
| 14.11.2013 |
 У Баранавічах прайшлі рэкалекцыі для грэка-каталіцкіх святароў Беларусі.13-га - 15-га лістапада 2013 г. прайшлі ў Баранавічах рэкалекцыі для святароў, якія нясуць служэнне ў грэка-каталіцкіх парафіях Беларусі. Гасціну грэка-каталіцкія святаслужыцелі атрымалі ў рэкалекцыйным цэнтры, што пры манастыры Сёстраў Місіянерак Святой Сям’і ў Баранавічах. |
| 14.11.2013 |
 У Мінску пройдзе агульнабеларуская сустрэча святароўАгульнабеларуская сустрэча святароў, прымеркаваная да завяршэння Года веры, пройдзе 15 лістапада ў мінскай парафіі Свв. Сымона і Алены (Чырвоны касцёл). Сустрэча будзе мець назву «Lumen fidei – fidelitas sacerdotalis» («Святло веры – святарская вернасць»). Удзел у сустрэчы возьмуць усе святары Беларускай Грэка-каталіцкай Царквы. |
| 13.11.2013 |
 Ва ўспамін св. Язафата прайшла сустрэча духавенства Віцебскай дыяцэзіі12 лістапада ў Глыбокім прайшла сустрэча духавенства і кансэкраваных асобаў Віцебскай дыяцэзіі. З нагоды таго, што яна адбылася ва ўспамін св. Язафата Кунцэвіча, біскупа і мучаніка, знакамітага уніяцкага дзеяча, які з’яўляецца апекуном дыяцэзіі, на сустрэчу прыбыў Апостальскі візітатар для грэка-католікаў у Беларусі архімандрыт Сяргей Гаек. |
| 11.11.2013 |
 Па блаславенні кардынала Хрыстафора Шэнборна, мітрапаліта Венскага, які з’яўляецца іерархам-ардынарыем для католікаў візантыйскага абраду (грэка-католікаў) у Аўстрыі, 9 і 10 лістапада 2013 г., у Вене прайшлі дні ўспаміну мучаніцтва святамучаніка Язафата Кунцэвіча, архібіскупа Полацкага (з нагоды 390-х угодкаў ягонай мучаніцкай смерці), а таксама мучанікаў Усходніх Цэркваў (каталіцкіх і праваслаўных).Канферэнцыю ўзначаліў Венскі кардынал Хрыстафор Шэнбарн, у прысутнасці пачэсных гасцей: кардынала Леанарда Сандры, прэфекта Ватыканскай Кангрэгацыі Усходніх Цэркваў ды Апостальскага Нунцыя ў Аўстрыі архібіскупа Пятра Цурбрыгена. З нагоды 75-х угодкаў “крышталовай начы (9 лістапада 1938 г.), якая пачала “Шоах” яўрэяў у Еўропе (у гэтую ноч толькі ў Вене было спалена 24 з 25-ці сінагогаў), у разважанні ды малітве ўдзельнікі ўзгадалі таксама ахвяраў нацысцкага генацыду яўрэяў. |
| 1.11.2013 |
 1 – 9 лістапада 2013 г. - Заўпакойныя Службы ў грэка-каталіцкіх парафіях г. Мінска1.11.2013 – ПЯТНІЦА, гадз. 18:30 – Парафія Праведнага Язэпа і Парафія Св. Мікалая, Душпастырскі цэнтр, вул. Арджанікідзе д. 6: Заўпакойная Літургія з Паніхідай. |
| 31.10.2013 |
 17–19 лістапада ў Мінску адбудзецца міжнародная міжканфесійная канферэнцыя «Хрысціянская антрапалогія перад выклікам сучаснасці». Плануецца, што канферэнцыя пачне працу 17 лістапада ў 16.00 на базе Міжнароднага адукацыйнага цэнтра імя Й.Рау (IBB цэнтр). У першы дзень на пленарным пасяджэнні чакаюцца выступленні ганаровых гасцей. |
| 29.10.2013 |
 29 кастрычніка – дзень жалобы і малітвыЯк вядома, у ноч з 29 на 30 кастрычніка 1937 году ў сутарэннях мінскай унутранай турмы НКУС расстралялі больш за 100 беларускіх інтэлектуалаў — літаратараў, навукоўцаў і дзяржаўных дзеячаў. Гэта быў час сатанінскага тэрору і генацыду беларускага народу. Гэтая сумная гадавіна прыпадае ў час, калі хрысціяне асобліва моляцца за памерлых. У гэты дзень вернікі наведваюць месцы пахавання ахвяраў тэрару, ставяць свечкі ды моляцца. Вернікі таксама наведваюць храмы горада Мінска і там, у малітве, узгадваюць перад Богам нявінныя ахвяры пераследу. |
