У Мінску пройдзе агульнабеларуская сустрэча святароў

Агульнабеларуская сустрэча святароў, прымеркаваная да завяршэння Года веры, пройдзе 15 лістапада ў мінскай парафіі Свв. Сымона і Алены (Чырвоны касцёл). Сустрэча будзе мець назву «Lumen fidei – fidelitas sacerdotalis» («Святло веры – святарская вернасць»). Удзел у сустрэчы возьмуць усе святары Беларускай Грэка-каталіцкай Царквы.

Праграма сустрэчы:
9.00-10.00 – рэгістрацыя ўдзельнікаў;
10.00-10.15 – малітва на працягу дня;
10.15-11.00 – выстаўленне Найсвяцейшага Сакрамэнту, духоўная канферэнцыя (магчымасць споведзі);
11.00-11.10 – зварот да святароў арцыбіскупа Тадэвуша Кандрусевіча, Мітрапаліта Мінска-Магілеўскага;
11.10-11.30 – зварот да святароў арцыбіскупа Клаўдыё Гуджэроцці, Апостальскага Нунцыя ў Беларусі;
11.30-12.15 – даклад на тэму «Святар у службе Касцёлу і грамадству ў сучаснай рэчаіснасці»;
12.15-12.20 – «Анёл Панскі»;
12.30-13.45 – абед;
13.45-14.30 – братэрская сустрэча за кавай і гарбатай (дольны касцёл);
14.30-16.00 – круглыя сталы;
16.00-16.50 – справаздача з працы круглых сталоў;
17.00 – святая Імша на заканчэнне сустрэчы, узначаліць біскуп Аляксандр Кашкевіч.


Тэмы круглых сталоў:
Пытанні літургікі – літургічнае права і рэчаіснасць.
Кананічнае права пра сакрамэнты. Касцёльны суд.
Супрацоўніцтва са свецкімі вернікамі ў душпастырстве.
Супрацоўніцтва і адзіная мэта. Супрацоўніцтва дыяцэзіяльных і законных супольнасцяў.
Мас-медыя – сучасны сродак евангелізацыі.
Дабрачыннасць.
Харызма і экзарцызмы ў душпастырскім служэнні.
Сям’я ў душпастырстве Касцёла.
Салідарнасць паміж святарамі і іх адзінства з біскупам.
Святарскае служэнне і грамадства.

Агульнабеларуская сустрэча святароў будзе ўжо другой па ліку. Першая адбылася 4 жніўня 2009 г. у мінскім касцёле святых Сымона і Алены, праходзіла ў дзень успаміну апекуна святароў св. Яна Марыі Віянэя і была прымеркавана да Года святарства, абвешчанага ў Паўсюдным Касцёле Папам Бэнэдыктам XVI.

Паводле Catholic.by