Беларусь і Апостальская Сталіца будуць працягваць супрацоўнічаць у сферы культуры. 22 мая беларуская дэлегацыя ўручыла ўзнагароды і ганаровыя граматы кіраўніцтву і супрацоўнікам Ватыканскіх музеяў у якасці падзякі за арганізацыю і правядзенне мінулагодняй выставы «Іканапіс Беларусі XVII-XХІ cтагоддзяў». 

Выстава адкрыла шлях для далейшых праектаў супрацоўніцтва паміж Ватыканам і Беларуссю ў галіне культуры, падзяліўся генеральны дырэктар Нацыянальнага мастацкага музея Рэспублікі Беларусь Уладзімір Пракапцоў. 

Папа Францішак і Патрыярх Копцкай Праваслаўнай Царквы Тавадрас ІІ падпісалі сумесную дэкларацыю аб прадаўжэнні шляху да поўнай эўхарыстычнай еднасці і адзінства паміж Цэрквамі. Гэта адбылося вечарам 28 красавіка 2017 г. на завяршэнне сустрэчы паміж Першаіерархамі ў каірскай рэзідэнцыі Патрыярха.

Бакі абавязаліся ўзаемна прызнаваць дзейснасць удзеленага сакрамэнту хросту, паглыбляць экуменічны дыялог, актыўна выступаць у падтрымку міру паміж народамі і рэлігіямі, змагацца за сацыяльную справядлівасць і сведчыць аб веры ў сучасным свеце. 

Папа пачаў пажарожжа ў Егіпет. 28 красавіка 2017 г. у 10.45 па рымскім часе самалёт італьянскай авіякампаніі “Alitalia” з Пантыфікам на борце вылецеў з аэрапорта “Fiumicino” у напрамку Каіра. За больш чым тры гадзіны палёту ён пераадолее 2350 км над тэрыторыяй Італіі, Грэцыі і Егіпту. Прыбыццё ў сталіцу паўночнаафрыканскай краіны запланавана на 14.00 па мясцовым часе.

Пілігрымка ў Егіпет стане 18-м міжнародным падарожжам Францішка. Яна будзе насіць душпастырскі, экуменічны і міжрэлігійны характар. 

Папа Францішак прызначыў уладыку Бенедыкта (Алексійчука) Правячым Біскупам епархіі святога Мікалая ў Чыкага (ЗША).

У чацвер, 20 красавіка 2017г., у Ватыкане было паведамлена пра тое, што Папа Францішак прызначыў дапаможнага біскупа Львоўскай архіепархіі УГКЦ уладыку Бенедыкта (Алексійчука), Правячым Біскупам Украінскай Грэка-Каталіцкай епархіі св. Мікалая ў Чыкага (ЗША).

Прыгадаем, што Уладыка Бенедыкт, які нарадзіўся 1 студзеня 1968 г. у Ровенскай вобласці, быў прызначаны дапаможным біскупам Львоўскім 3 жніўня 2010 г. У той дзень у Ватыкане было паведамлена пра тое, што Папа Бенедыкт XVI блаславіў рашэнне Сінода Біскупаў Украінскай Грэка-Каталіцкай Царквы пра кананічнае абранне на гэтае служэнне тагачаснага Ігумена Святаўспенскай Унеўскай Лаўры Студыйскага Уставу. Праз месяц, 5 верасня, адбылася ягоная архіерэйская хіратонія.

Мітрапаліт Язэп Вельямін Руцкі – Атлант Уніі, Афанасій Русі (ВІДЭА)

Сёлета адзначаецца 380-я гадавіна завяршэння зямнога жыцця мітрапаліта Язэпа Вельяміна Руцкага (+1637). З гэтай нагоды у парафіях і супольнасцях Беларускай Грэка-Каталіцкай Царквы праводзіцца разнастайная душпастырская праграма: катэхетычныя вечары і семінары, на якіх вернікі больш глыбока знаёмяцца з постаццю і спадчынай Мітрапаліта.

Для душпастырскіх мэтаў Сяргеем Раюнцом было падрыхтаванае катэхетычнае відэа “Дзеля ўмацавання Еднасці”, якое змяшчаем ніжэй.

У Віцебску акрамя чатырох рыма-каталіцкіх касцёлаў і капліцы св. Уладзіслава ёсць і грэка-каталіцкая царква Уваскрасення Хрыстовага. 

Беларуская Грэка-Каталіцкая Царква (БГКЦ) прытрымліваецца візантыйскага абраду і знаходзіцца ў еднасці з Апостальскай Сталіцай, прызнае ўладу і духоўны аўтарытэт Святога Айца — Папы Рымскага.

Грэка-каталіцкая царква Беларусі падзелена на тры дэканаты. Віцебская царква Уваскрасення Хрыстовага належыць да ўсходняга дэканату. Пробашчам царквы з’яўляецца протапрэзбітар а. Зміцер Грышан.

Адкуль Біблія трапіла на Беларусь? Якую Біблію перакладаў Скарына? Чаму на Беларусі часцей за ўсё перапісвалі Евангеллі і Псалтыр? 

Cёння мы змяшчаем другую частку даклада бібліста і дактаранта Варшаўскага ўніверсітэта кс. Сяргея Сурыновіча ў мастацкай галерэі TUT.BY, дзе святар распавёў пра асаблівасці перакладаў Кнігі кніг.

Catholic.by выбраў ТОП-5 самых цікавых фактаў.

На якой мове чытаў Стары Запавет у сінагозе Хрыстус? Чаму на Беларусі часцей за ўсё перапісвалі Евангеллі і Псалтыр? З якой мовы перакладаў Біблію Скарына?

 У мастацкай галерэі TUT.BY прайшла адкрытая лекцыя бібліста і дактаранта Варшаўскага ўніверсітэта кс. Сяргея Сурыновіча, які распавёў пра асаблівасці перакладаў Бібліі.

Дарагія браты і сёстры ў Беларусі,

Хрыстус, наша надзея, уваскрос; і няма ні ў кім іншым збаўлення (пар. Дз 4, 12). Гэтымі словамі з кнігі Дзеяў Апосталаў усіх вас ад шчырага сэрца віншую са святам Уваскрасення Пана.

Уваскрасенне Езуса становіцца для кожнага з нас крыніцай аздараўлення, надзеі і суцяшэння. Лек ад смерці сапраўды існуе. Хрыстус з’яўляецца дрэвам жыцця, якое зноў становіцца дасягальным для нас. 

Калі трымаемся Яго, то знаходзімся ў жыцці. Пасхальнае  віншаванне ўносіць новую перспектыву ў нашае існаванне, як людское, так і хрысціянскае: перспектыву, пазначаную не смерцю, а жыццём; не канфліктам, а супакоем; не індывідуальным эгаізмам, а салідарнасцю; не хлуснёй і падманам, а бляскам праўды, святла і чысціні. Вялікдзень будзе сапраўды добрым і плённым, калі наша грахоўнае жыццё накіруецца і навернецца да Бога. 

Аддаленасць і абыякавасць у адносінах да Бога з’яўляюцца трагічнымі хваробамі, якія руйнуюць нашую рэчаіснасць і ўсялякую надзею на будучыню. 

Грэка-каталіцкая моладзь павіншавала святароў.

Пачэсныя і Дарагія Айцы - грэка-каталіцкія святары!
Вялікі Чацвер - гэта святы дзень, калі Царква ўспамінае Тайную Вячэру нашага Госпада Ісуса Хрыста.

Вернікі ў гэты дзень моляцца за вас - святароў, дзякуючы Госпаду за вашае служэнне для народу Божага, асабліва для народу Божага ў Беларусі.
Вернікі віншуюць у гэтыя дні вас асабіста, але мы - прадстаўнікі грэка-каталіцкай моладзі - хочам супольна павітаць вас, грэка-каталіцкіх святароў.