11 лістапада Міністэрства сувязі і інфарматызацыі Рэспублікі Беларусь выпускае ў абарачэнне паштовую марку «30-годдзе ўсталявання дыпламатычных адносін паміж Рэспублікай Беларусь і Святым Пасадам».

Як паведамляецца ў інфармацыйным лісце пошты Беларусі № 42 (971) ад 4 лістапада 2022 года, дызайн маркі распрацавала Святлана Цырулік. Друк афсетны, паўнаколерны. Папера мелаваная, гумаваная. Марка мае памеры 40х28 мм і зубчасты грабеньчык. У адным аркушы 6 (2х3) марак. Памер аркуша 102х122 мм. Наклад маркі 30 тыс.

Нумізматычна-філатэлістычы аддзел Дзяржавы Ватыкан анансаваў выпуск васьмі новых марак, прысвечаных розным падзеям з жыцця Касцёла. Яны з’явяцца 16 лістапада.

Як паведамляе Беларуская рэдакцыя парталу Vatican News, новыя маркі Ватыканскай пошты будуць прысвечаны: сёлетняй урачыстасці Божага Нараджэння; падарожжам Папы Францішка ў 2021 годзе; 900-ай гадавіне пачатку будаўніцтва катэдры ў італьянскай П’ячэнцы; 150-годдзю нараджэння італьянскага благаслаўлёнага Паўла Маны; 300-годдзю абвяшчэння святога Ізыдара Доктарам Касцёла; 400-годдзю рымскага Палаца Іспаніі, у якім месціцца пасольства Іспаніі пры Святым Пасадзе; 30-годдзю аднаўлення дыпламатычных адносін паміж Святым Пасадам і Мексікай; 30-годдзю ўстанаўлення дыпламатычных адносін паміж Рэспублікай Беларусь і Святым Пасадам.

7 лістапада 2022 г., падчас адмысловай аўдыенцыі ў Ватыкане Вярхоўны Архіепіскап Кіева-Галіцкі Святаслаў (Шаўчук) распавёў Святому Айцу аб тым, што Украінская Грэка-Каталіцкая Царква засталася блізкай да людзей, а ўсе храмы і будынкі сталі прытулкамі.
Сустрэча праходзіла ў бібліятэцы Апостальскага палаца. Яна стала першай з пачатку вайны.

Мараніцкі Патрыярх Антыёхіі, ліванскі кардынал Бешара Бутрас Раі, пракаментаваў Апостальскае падарожжа Папы ў Бахрэйн, адзначаючы яго значэнне для хрысціян Блізкага Усходу.

Іерарх заўважыў, што за час свайго пантыфікату Францішак адведаў ужо пятую краіну, большасць насельніцтва якой складаюць мусульмане. Дагэтуль ён здзейсніў пілігрымкі ў Аб’яднаныя Арабскія Эміраты, Марока, Ірак і Казахстан. Адной з галоўных тэм гэтых падарожжаў быў міжрэлігійны дыялог, а таксама падтрымка мясцовых хрысціянскіх супольнасцей.

4 лістапада 2022 у каталіцкай катэдры Маці Божай Аравійскай у Авале (другім па велічыні каталіцкім храме на Аравійскім паўвостраве) прайшла экуменічная сустрэча і малітва за мір.

Гэта было вымоўнае сведчанне міжхрысціянскага братэрства, тым больш каштоўнае, што праходзіла ў мусулманскай краіне.     

Разам з Папам Францішкам маліўся Усяленскі Патрыярх Бартламей ды высокія іерархы розных хрысціянскіх Цэркваў, асабліва ўсходніх: (каптыйскай, армянскай, асірыйскай), а таксама ўсходніх каталіцках Цэркваў (розных традыцый).           

Вернікі тых Цэркваў жывуць ў рэгіёне Персідскага заліва і падтрымліваюць добрыя братэрскія адносіны.

2 лістапада, ва ўспамін Усіх памерлых вернікаў, працэсію па Кальварыйскіх могілках узначаліў Мітрапаліт Мінска-Магілёўскі арцыбіскуп Юзаф Станеўскі.

На чале з арцыпастырам, Апостальскім візітатарам для беларускіх грэка-католікаў архімандрытам Сяргеем Гаекам, ксяндзом Юрыем Ясевічамі пробашчам парафіі Узвышэння Святога Крыжа ксяндзом Андрэем Сіповічам вернікі розных парафій Мінска прайшлі ў працэсіі па найстарэйшаму з ацалелых каталіцкіх некропаляў у сталіцы, узгадваючы ў малітве памерлых святароў, бацькоў і продкаў, сваякоў і дабрадзеяў, ахвяраў войнаў і загінулых у катастрофах, а таксама ўсіх памерлых і церпячых у чыстцы.

Праграма на 4 лістапада 2022:

-10:00 гадз. выступленне Папы на закрыцці «Бахрэйнскага форуму для дыялогу»;

-16:00 Асабістая сустрэча Папы з вялікім імамам Аль-Азхара;

-16:30 Сустрэча з членамі мусульманскай рады старэйшын - у мячэці Каралеўскага палаца Сахір;

-17:45  Экуменічная сустрэча і малітва за мір у каталіцкай катэдры Маці Божай.

Экуменічная сустрэча і малітва за мір - у рамках апостальскага паломніцтва Папы Францішка ў Бахрэйн - пройдзе 4 лістапада ў каталіцкай катэдры Маці Божай Аравійскай у Авале, другім па велічыні каталіцкім храме на Аравійскім паўвостраве.

Катэдру асвяцілі менш за год таму - гэта было важнай вяхой рэлігійнай адкрытасці ў Ісламскім Каралеўстве Бахрэйн у Персідскім заліве.

Сёння мы як ніколі пакліканы прыкладаць намаганні на карысць міру, - адзначыў Папа 3 лістапада 2022 года ў звароце да ўладаў Бахрэйну, прадстаўнікоў грамадства і дыпламатычнага корпуса ў гэтай краіне.

Пантыфік пачаў Апостальскае падарожжа ў Каралеўства Бахрэйн сустрэчай з істэблішментам краіны. Ён заўважыў, што ў Бахрэйне, дзе марскія воды акружаюць пяскі пустыні, а высачэзныя хмарачосы суседнічаюць з традыцыйнымі ўсходнімі кірмашамі, сустракаюцца не толькі старажытнасць і сучаснасць, гісторыя і прагрэс, але таксама і людзі рознага паходжання, ствараючы непаўторную мазаіку жыцця.

Папскі візіт у Бахрэйн упісваецца ў кантэкст папярэдніх апостальскіх падарожжаў у такія краіны як Аб’яднаныя Арабскія Эміраты, Казахстан, Ірак, Марока, Егіпет і Азербайджан.

Пра гэта ў інтэрв’ю Vatican News паведаміў кардынал П'етра Паралін. Францішак адправіцца ў краіну Персідскага заліва ў гэты чацвер, 3 лістапада 2022 года, і прабудзе там да нядзелі.

Дзяржсакратар Яго Святасці падкрэсліў, што звязвальным звяном паміж усімі гэтымі паездкамі ў мусульманскія краіны з’яўляецца абвяшчэнне праўды пра тое, што існуе абсалютная несумяшчальнасць паміж Богам і нянавісцю, паміж рэлігіяй і насіллем.