У Рыме 15 верасня 2026 года пройдзе сустрэча "XXI стагоддзе: новы час мучанікаў?".

15 верасня 2026 года ў Патрыстычным інстытуце "Аўгусціянум" у Рыме пройдзе сустрэча "XXI стагоддзе: новы час мучанікаў?". Ёй будзе прысвечана прэс-канферэнцыя, якая адбудзецца 10 верасня 2026 года ў Зале Друку Святога Пасада.

8 верасня 2026 года — у свята Нараджэння Найсвяцейшай Багародзіцы — завяршыўся васьмі-дзённы міжнародны форум (Octava), прысвечаны тэме «Пастырская перыхарэза паміж Усходнімі Цэрквамі». Мерапрыемства было арганізавана міжканфесійнай платформай Synergeia pro Oriente Christiano, якая свой каардынацыйны цэнтр мае ў горадзе Бары (у Італіі).

Паняцце «пастырская перыхарэза» (perichoresis pastoralis) у кантэксце Усходніх Цэркваў (як каталіцкіх, так і праваслаўных) азначае дынаміку братэрскага супрацоўніцтва і ўзаемнай падтрымкі ў пастырскім служэнні.

Звесткі пра Нараджэнне Багародзіцы Царква чэрпае з апакрыфічнага Евангелля Якуба, напісанага ў 2 стагоддзі. З гэтага апокрыфу мы даведваемся, што бацькі Багародзіцы – Якім і Ганна, доўгі час былі бяздзетнымі, што лічылася ганьбай у народзе. Бо паводле перакананняў кожны праведны чалавек мусіў даць патомства Ізраілю. Праз гэта Якім, нягледзячы на ўсе свае багацці, быў у знявазе перад народам і не мог першым прынесці дары Богу.

У пошуках адказу ад Бога Якім ідзе посціць на сорак дзён і начэй у пустыню, у той жа час і Ганна моліцца дома пра дараванне дзіцяці, якое яна пасвяціць Госпаду. Бог адказвае на малітву Ганны і Якіма і праз анёла паведамляе, што яны зачнуць дзіця, якое будзе праслаўленае сярод усіх народаў. Якім з вялікай радасцю вяртаецца дадому, раздаючы народу і святарам шматлікія дары, а праз дзевяць месяцаў Ганна нараджае дзяўчынку, якой дае імя Марыя.

6 верасня ў Бялынічах адбылася ўрачыстая Эўхарыстыя, прысвечаная 265‑годдзю каранацыі абраза Маці Божай Бялыніцкай — адной з найбольш шанаваных марыйных выяваў на тэрыторыі Беларусі. Галоўным цэлебрантам святой Імшы стаў Апостальскі Нунцый у Рэспубліцы Беларусь арцыбіскуп Іньяцыё Чэффаліа, які прыбыў у Бялынічы з асабістым благаслаўленнем Папы Льва XIV.

У пачатку гаміліі арцыбіскуп перадаў вернікам прывітанне Святога Айца і сказаў: «Я прыношу вам айцоўскае прывітанне Папы Льва XIV і Яго Апостальскае благаслаўленне».

Евангелле прамаўляе да сэрца чалавека ў кожную эпоху, нават ва ўмовах секулярызацыі, якая пануе ў Францыі. Такое перакананне выказаў арцыбіскуп Парыжа Ларан Ульрыш.

Французскі іерарх у інтэрв’ю для штотыднёвіка „Famille Chrétienne” звярнуў увагу на перамены, якія адбываліся ў Францыі на працягу яго святарскага жыцця. “Наступствы секулярызацыі сёння дасягнулі такіх памераў, якіх я не мог сабе ўявіць падчас майго святарскага пасвячэння ў 1979 годзе. Гэты працэс ішоў ужо тады, але ён не ішоў ні ў якое параўнанне з тым, што мы перажываем сёння. Касцёл заставаўся прызнанай інстытуцыяй, а наведванне яго было спантанным”, – адзначыў 75-гадовы арцыбіскуп Парыжа.

Ці можа чалавек закахацца ў штучны інтэлект? Хто аўтар твора, калі яго стварыла машына? Адказ на гэтыя і іншыя пытанні шукаюць філосафы і даследчыкі, якія сабраліся 2 верасня 2026 года ў Ватыкане. Яны абмяркоўваюць уплыў новых тэхналогій на чалавечыя адносіны, творчасць, ідэнтычнасць і свядомасць.

Сустрэча праходзіць у рамках міжнароднай канферэнцыі “Творчасць: розум і машыны”, якую арганізаваў Міжнародны цэнтр даследаванняў свядомасці (International Center for Consciousness Studies). Канферэнцыя, якая праходзіць у Рыме з 1 па 3 верасня, прысвечана міждысцыплінарнаму вывучэнню свядомасці і пытанням, якія ўзнікаюць у сувязі з развіццём штучнага інтэлекту.

26 жніўня 2026 года ў рамках візіту ў Расію сакратар па адносінах з дзяржавамі і міжнароднымі арганізацыямі наведаў маскоўскі храм Хрыста Збаўцы. Напярэдадні адбылася яго сустрэча з мітрапалітам Валакаламскім Антоніем, у ходзе якой былі разгледжаны пытанні ўзаемнага інтарэсу для Каталіцкага Касцёла і Праваслаўнай Царквы.

Другі дзень візіту сакратара па адносінах з дзяржавамі і міжнароднымі арганізацыямі, арцыбіскупа Пола Рычарда Галахера, у сталіцу Расійскай Федэрацыі быў прысвечаны наведванню храма Хрыста Збаўцы. Арцыбіскупа Галахера сустрэў намеснік старшыні Аддзела знешніх царкоўных сувязяў Маскоўскага Патрыярхату Ігар Выжанаў. Напярэдадні, у аўторак, 25 жніўня 2026 года, адбылася афіцыйная сустрэча ватыканскага дыпламата з кіраўніком аддзела, Мітрапалітам Валакаламскім Антоніем.

Удзень у суботу 22 жніўня, калі ў літургіі Касцёла адзначаецца ўспамін Найсвяцейшай Панны Марыі Каралевы, у дыяцэзіяльным санктуарыі Маці Божай Валадаркі Азёраў у Браславе (Віцебская дыяцэзія) прайшло святкаванне другога дня ўрачыстасцей, прысвечаных ушанаванню Марыі ў Яе цудадзейным абразе.

Бліжэй да поўдня распачалася цэнтральная падзея святкавання — урачыстая святая Імша, цэлебраваная на палявым алтары-караблі, дзе сваё пачэснае месца заняла копія цудадзейнага абраза Маці Божай Браслаўскай. Трансляцыю літургіі вёў тэлеканал «Беларусь 3» і «Радыё Марыя Беларусь».

15 жніўня ў катэдральным касцёле Унебаўзяцця Найсвяцейшай Панны Марыі ў Магілёве адбылася тытульная ўрачыстасць, якая сёлета мела асаблівае значэнне. Упершыню магілёўскую супольнасць наведаў Апостальскі Нунцый у Рэспубліцы Беларусь арцыбіскуп Іньяцыё Чэффаліа. Ён узначаліў адпустовую святую Імшу і перадаў вернікам благаслаўленне Святога Айца.

На пачатку Эўхарыстыі біскуп Аляксандр Яшэўскі SDB прывітаў Апостальскага нунцыя і Мітрапаліта Юзафа Станеўскага, прысутнасць якіх падкрэсліла значнасць падзеі для ўсёй архідыяцэзіі, а таксама святароў, законных сясцёр і вернікаў магілёўскіх парафій. Ён падкрэсліў, што тытульнае свята катэдры з’яўляецца важнай падзеяй для ўсёй архідыяцэзіі, а прысутнасць прадстаўніка Святога Айца — знакам еднасці мясцовага Касцёла з Рымам.

У Іарданіі працягваецца падрыхтоўка да 2000-годдзя хросту Езуса, які традыцыйна звязваюць з месцам Аль-Махтас на беразе Ярдана.

У 2030 годзе адзначаць 2000 гадоў ад традыцыйна прынятай даты хросту Езуса Янам Хрысціцелем. Паводле традыцыі, гэтая падзея адбылася ў месцы, якое сёння знаходзіцца на тэрыторыі Аль-Махтас у Іарданіі.