Згодна з новым дакладам арганізацыі “Open Doors”, колькасць хрысціян, якія пакутуюць за веру, дасягнула рэкордных 388 мільёнаў чалавек, а ўзровень насілля працягвае расці.

Апублікаваны 14 студзеня 2026 года “Сусветны індэкс пераследу 2026” сведчыць пра беспрэцэдэнтны ціск на хрысціянскія супольнасці. На працягу 2025 года за сваю веру былі забітыя 4849 хрысціян, што амаль на 400 чалавек больш, чым годам раней.

Старшыня Рады Біскупскіх Канферэнцый Еўропы (ССЕЕ) арцыбіскуп Гінтарас Грушас заклікаў еўрапейскія епіскапаты прысвяціць Тыдзень малітваў аб еднасці хрысціян асаблівай інтэнцыі аб міры ў свеце.

Пасля падпісання ў Рыме абноўленай "Экуменічнай хартыі" Рада Біскупскіх Канферэнцый Еўропы распачынае новы этап экуменічнага супрацоўніцтва. Кіраўніцтва асацыяцыі звярнулася да іерархаў з заклікам зрабіць еднасць паміж ахрышчанымі дзейснай прыладай міру. У часы вострых геапалітычных канфліктаў хрысціяне пакліканы сведчыць, што прымірэнне магчымае не толькі ў тэорыі, але і ў жыцці.

Бог прамаўляе да нас, запрашаючы да сяброўства з Ім, - адзначыў Папа падчас агульнай аўдыенцыі, якая 14 студзеня 2026 года прайшла ў Зале Паўла VI у Ватыкане.

Езус Хрыстус “радыкальным чынам змяняе адносіны чалавека з Богам”, робячы іх “сяброўскімі адносінамі”, “новым запаветам, адзіная ўмовай якога – любоў”. На гэта ўказвае дагматычная канстытуцыя пра Божае Аб’яўленне “Dei Verbum” – адзін з “найцудоўнейшых і найважнейшых дакументаў” Другога Ватыканскага Сабора, - падкрэсліў Леў XIV у сваёй катэхезе. Зыходным пунктам для яго сталі словы Хрыста: “Я ўжо не называю вас слугамі, бо слуга не ведае, што робіць ягоны гаспадар. Я ж назваў сябрамі вас, бо ўсё, што чуў ад Айца Майго, Я сказаў вам (Ян 15,15)”.

8 студзеня ў Нацыянальнай бібліятэцы Беларусі адбылася другая калядная канферэнцыя «Каталіцкі Касцёл у Беларусі: праз стагоддзі», арганізаваная Мінска-Магілёўскай архідыяцэзіяй Рыма-каталіцкага Касцёла пры падтрымцы Апарата ўпаўнаважанага па справах рэлігій і нацыянальнасцяў.

У канферэнцыі прынялі ўдзел Мітрапаліт Мінска-Магілёўскі арцыбіскуп Юзаф Станеўскі, прадстаўнікі беларускага каталіцкага епіскапату і духавенства, у тым ліку Генеральныя вікарыі Мінска-Магілёўскай архідыяцэзіі біскуп Юрый Касабуцкі і біскуп Аляксандр Яшэўскі SDB, сакратар Апостальскай нунцыятуры ў Беларусі ксёндз прэлат Кшыштаф Сэрока і Апостальскі адміністратар для грэка-католікаў у Беларусі архімандрыт Сяргей Гаек.

8 студзеня 2026 года, у свята Сабору Багародзіцы (па юліянскаму каляндару), у цудатворнага Абразу Божай Маці «Вастрабрамская», што знаходзіцца ў гарадской браме на вуліцы Аўшрос Варту ў Вільні, быў адслужаны праваслаўны малебен. 

Хрэсны ход са Свята-Духава манастыра горада Вільні да Вастрабрамскай капліцы і малебен узначаліў мітрапаліт Віленскі і Літоўскі Уладыка Інакенцій. Яму саслужылі настаяцелі і клірыкі праваслаўных храмаў Вільні і наваколля. 

Святы Пасад абвясціў расклад літургічных цэлебрацый, якія ўзначаліць Леў XIV у студзені і лютым 2026 года. Сярод галоўных падзей – Тыдзень малітваў аб адзінстве хрысціян і пачатак Вялікага посту.

Служба папскіх літургічных цэлебрацый апублікавала каляндар набажэнстваў, якія пройдуць пад кіраўніцтвам Святога Айца ў бліжэйшыя тыдні. Першай значнай падзеяй стане завяршэнне Тыдня малітвы аб адзінстве хрысціян.

На агульнай аўдыенцыі 7 студзеня 2026 года Леў XIV распачаў новы цыкл катэхез, прысвечаны Другому Ватыканскаму Сабору, заклікаўшы вернікаў зноў звярнуцца да яго дакументаў як да жывой і актуальнай спадчыны, здольнай асвятляць шлях Касцёла.

Святы Айцец запрасіў вернікаў звярнуцца да гэтай найважнейшай касцёльнай падзеі, каб “зноў адкрыць для сябе яе прыгажосць і важнасць”. Ён нагадаў словы святога Яна Паўла ІІ, які напрыканцы Юбілею 2000 года назваў Другі Ватыканскі Сабор “вялікай ласкай, якую атрымаў Касцёл у XX стагоддзі".

Леў XIV скіраваў віншаванні з Божым Нараджэннем вызнаўцам хрысціянскіх канфесій, які карыстаюцца юліянскім календаром, і падзякаваў дзецям, якія моляцца за місіянераў.

Пасля заканчэння малітвы “Анёл Панскі” Пантыфік нагадаў, што 6 студзеня 2026 года ў Італіі адзначаецца Місійны дзень дзяцей, які ў розных краінах святкуецца ў розныя даты. Ён выказаў падзяку ўсім дзецям і падлеткам, якія ў розных кутках свету моляцца за місіянераў і імкнуцца дапамагаць сваім равеснікам у цяжкім становішчы.

Дзень перад святам Богаз’яўлення (Хросту Гасподняга), які ў візантыйскай традыцыі называецца Навячэр’ем, — гэта час асаблівага прыгатавання. У народзе гэты вечар называюць «Галоднай куццёй».

Навячэр’е Богаз’яўлення — гэта дзень строгага посту. Сама назва «Галодная куцця» падкрэслівае кантраст з багатым калядным сталом: стравы на вячэру павінны быць поснымі (без мяса і малочных прадуктаў), а іх колькасць — больш сціплай.

У бліжэйшыя дні ў кнігарнях з’явіцца новае выданне “Lex Ecclesiae Fundamentalis” (“Асноўны закон Касцёла”) – грунтоўны том аб’ёмам больш за 1300 старонак, падрыхтаваны Дыкастэрыяй па заканадаўчых тэкстах і выдадзены ватыканскім выдавецтвам LEV.

У інтэрв'ю ватыканскім СМІ сакратар Дыкастэрыі па заканадаўчых тэкстах, біскуп Хуан Ігнасіа Арыета адзначыў, што новае выданне "Асноўны закон Касцёла. Дакументы працэсу распрацоўкі (1959–1983)" пралівае святло на сённяшнюю заканадаўчую сістэму Касцёла і на тое, як ў яе было ўключана вучэнне Другога Ватыканскага Сабора. У выданні сабраныя матэрыялы пленарных пасяджэнняў юрыстаў, працоўных сесій кансультантаў, праекты і справаздачы кансультацый, у якіх удзельнічалі епіскапаты ўсяго свету, факультэты кананічнага права і шматлікія эксперты.